1 SAMUEL 21:4 - Biblia Guarani Tumpa Iñee

⁴ Jare sacerdote jei David pe: —Mbaetɨ anoi mbɨyape oipotagüeño chepo pe, jaeño oime anoi mbɨyape oñeñono tee Tumpa pe vae; ërei ameeta ndeve, ndesundaro reta okeä ko kuña reta ndive yave.

1 SAMUEL 21:4 ပူးပေါင်းရင်းမြစ်များ

ÉXODO 19:15

Jei chupe reta: —Peyupavo kóeramo peguarä; agüɨye pepoko kuña re.

ÉXODO 25:30

Jare toñono reta cheróvai jekuae avei, mesa iárambo mbɨyape mbaemboete pegua.

LEVÍTICO 15:18

Metei kuimbae oyapakua yave kuña ndive jare opoko jese yave, mókoi reve toyeyoe ɨ pe jare tikɨa topɨta reta Tumpa jóvai pɨ̈tu regua.

ZACARÍAS 7:3

Jare Sacerdote reta yandeYa Imbaepuere yae ete vae jo pe ñogüɨnoi vae reta pe jare ñeemombeúa reta pe oparandu körai: “¿Jekuaeñota pa orepɨatɨtɨ pandepoa yasɨ pe, jare royekuaku tembíu güi año ñavo, royapo roiko rami?”

1 Corintios 7:5

Agüɨye peyeopia oyougüi, ërei mókoi reve pemiari kavi peyeopia mbovɨ ara pegua peyerure vaerä Tumpa pe yave, jaekaviño jökorai peyapo. Ërei agüɨye peyoeya ete. Taɨkue rupi peke päve ye, agüɨye vaerä Satanás pe perëgua, pepuereä peyeopia perete oipota vae güi yave.

1 SAMUEL 21:3

Añave, ¿oime pa mbae yau vae renoi? Emee cheve pandepo mbɨyape, ani oipotagüe mbae renoigüe.

1 SAMUEL 21:6

Jökorai sacerdote omee chupe mbɨyape oñeñono tee vae, echa joko pe mbaetɨ ïru mbɨyape, jaeño mbɨyape mbaemboete pegua, kuae reta opa oyeekɨ yandeYa jóvai güi, oñeñono ye vaerä mbɨyape jakugüe, jókuae opa oyeekɨgüe jekovia pe.