1 SAMUEL 21:2 - Biblia Guarani Tumpa Iñee

² Jare David jei sacerdote Ahimelec pe: —Mburuvicha guasu cheokuai metei mbae re, jei cheve: Agüɨye etei kia ave toikuaa mbae re ko che royókuai romondo aï vae; jare che amombeu sundaro reta pe, kia pe cheräro vaerä.

1 SAMUEL 21:2 ပူးပေါင်းရင်းမြစ်များ

GÉNESIS 27:20

Jayave Isaac jei taɨ pe: —¿Kërai pa jarembae mbatee reväe cheraɨ? —YandeYa Tumpa chemborɨ aväe vaerä jarembae —jei tu pe.

GÉNESIS 27:24

—¿Jae pa nde cheraɨ Esaú? Jacob jei chupe: —Jae ko che.

1 REYES 13:18

Ërei indechi vae jeiete yapu reve omoñera: —Che jae vi ko Tumpa iñeemombeúa nde rami, metei araɨgua omombeu Tumpa iñee cheve jei reve: “Ekua eru ndero pe. Tokaru jare tou ɨ.”

NEHEMÍAS 11:32

tëta Anatot pe, Nob pe, Ananías pe,

SALMOS 119:29

Embosɨrɨ chegüi apu, ndeporoparareko rupi emee cheve ndeporookuai.

SALMOS 141:3

CheYa Tumpa, eñono cheyuru iyangarekoarä; eyangareko cheyuru re.

ISAÍAS 10:32

Tëta Nob pe ave metei ara oiketa tovaicho reta; opüata Sión pegua reta re, ɨvɨtɨ Jerusalén re.

Gálatas 2:12

Echa amogüe judío reta Jacobo jemimbou reta ndei yogüeru mbove, Pedro okaruñoi judiombae vae reta ndive. Ërei yogüeru ma yave, Pedro mbaetɨ ma okaru judiombae vae reta ndive, jare oyembosɨrɨ chugüi reta, echa okɨɨye judío reta güi.

Colosenses 3:9

Agüɨye peapu oyoupe, echa peekɨ ma peyeugüi pereko indechigüe pɨ̈chɨi vae jare ikavimbae vae peyapose vae,

1 SAMUEL 19:17

Jókuae re Saúl jei Mical pe: —¿Maera pa körai chembotavɨ, jare remaeño ojoyepe cherovaicho? Jare Mical jei: —Echa jae jei cheve, cheyukata mbaetɨ yave amaeño ojo.

1 SAMUEL 21:3

Añave, ¿oime pa mbae yau vae renoi? Emee cheve pandepo mbɨyape, ani oipotagüe mbae renoigüe.

1 SAMUEL 22:22

Jare David jei Abiatar pe: —Echa jókuae ara oï joko pe Doeg Edom pegua yave, oikuaa voi ko imiarita Saúl pe vae. Chereko pegua ko omano opaete nerëtara reta.

1 SAMUEL 22:9

Jayave Doeg Edom pegua oï Saúl jembiokuai reta itenondegua ipɨte pe jei: —Che aecha Isaí taɨ ou Nob pe, Ahimelec, Ahitob taɨ pɨri.