1 SAMUEL 20:8 - Biblia Guarani Tumpa Iñee

⁸ Eyapo ikavi vae cheve, echa yandeYa jee re yae ma ko yayoaɨu vaerä. Oime yave mbae ayavɨ nde cheyuka, jare agüɨye chereraja nderu jóvai.

1 SAMUEL 20:8 ပူးပေါင်းရင်းမြစ်များ

GÉNESIS 24:49

Añave pe reta peyapo yave jupi vae jare mboroparareko cheya kotɨ, pemombeu cheve jare mbaetɨ yave pemombeu vi cheve; aikuaa vaerä mbae ra ayapota vae.”

GÉNESIS 47:29

Jare oväe ara Israel omano vaerä yave, oenɨi taɨ José, jare jei chupe: —Añetete ndepɨakatu ko chekotɨ yave, romoñera reñono vaerä ndepo cheu päu pe, jare eyapo che ndive mboroparareko jare jupi vae. ¡Romoñera agüɨye vaerä cheñotɨ Egipto pe!

2 SAMUEL 14:32

Jare Absalón jei chupe: —Amondo tëi roenɨiuka reyu vaerä romondo mburuvicha guasu pɨri, rere vaerä chupe: ¿Maera ra ayu Gesur güi vae? Apɨta kaviñota tëi yepe joko pe. Aipota aecha mburuvicha guasu, jare oime cheré mbae teko yave, tacheyuka.

1 CRÓNICAS 12:17

David oë oövaiti, jare jei chupe reta: “Peyu ko yave mbɨakatu ndive jare chemborɨ vaerä, opaete chepɨa ndive añemoïru pe ndive; ërei peyu chemee cherovaicho reta pe vaerä yave, mbaetɨ reve aporoyuka, ¡ñaneñemuñagüe reta iTumpa tomae kuae re, jare jae toiporarauka!”

SALMOS 116:11

Ayemongetambae reve jae: “Opaete vae yapu vae päve ko.”

PROVERBIOS 3:3

Agüɨye etei embosɨrɨ ndeyeugüi mboroparareko jare añetete vae; eñapɨti ndeayu re, jare eñovatu ndepɨa pe.

Hechos 25:11

Echa oime yave mbae ikavimbae yae ayapo amano vaerä, ngaraa etei mbae jae. Ërei kuae teko omboya reta cheré vae ayapoä reve, ngaraa kia ipuere chemee chupe reta. Aiporu mburuvicha guasu César chejäa vaerä.

JOSUÉ 2:14

Jae reta jei chupe: —Pemano yave ore toromano vi, mbaetɨ yave reñeapo oreré kuae royu vae re; jare oreYa omee oreve kuri kuae ɨvɨ yave, ore royapota ndeve mboroparareko jare añetete vae.

JOSUÉ 22:22

—YandeYa Tumpa, opaete tumpa reta güi imbaepuere vae oikuaa mbaetɨ ko royapo orepɨapochɨ güi vae ani rosɨrɨ vaerä chugüi. Jae oikuaa jare toikuaauka peve opaete; agüɨye tiñɨ̈ro oreve mbaetɨ ko jaekavi royapo yave.

RUT 1:8

jare Noemí jei imembɨtatɨgüe reta pe: —Pekua ye pesɨ pɨri; yandeYa togüɨnoi mboroparareko pekotɨ, pe reta peyangarekose chemembɨ amɨri reta re jare cheré rami.

1 SAMUEL 18:1

David opa imiari Saúl ndive yave, Jonatán omboɨpɨ ovɨa David re, jare oaɨu yae David jae oyeaɨu rami.

1 SAMUEL 18:3

Jonatán jare David oyapo oyoupe morogüɨrökuavee päve oyoaɨu avei vaerä, echa Jonatán oaɨu yae jae oyeaɨu rami.

1 SAMUEL 20:16

Jökorai Jonatán oyapo morogüɨrökuavee päve David ndive, jekuae avei pegua. “YandeYa tojäa nderovaicho reta” jei chupe.

1 SAMUEL 20:9

Jare Jonatán jei chupe: —¡Agüɨye eyemongeta jökorai! Aikuaa yave cheru oipota ndeyuka amombeuta ko ndeve.

1 SAMUEL 23:18

Jare oyapo reta morogüɨrökuavee päve yandeYa jee re, kuae jaɨkue rupi, David opɨta Hores pe, jare Jonatán ou ye jëta kotɨ.