1 SAMUEL 20:42 - Biblia Guarani Tumpa Iñee

⁴² Jare Jonatán jei David pe: —Ekua ndepɨakatu reve, echa ñañererökuavee ko yandeYa jee re yae reve: “YandeYa toï nde ndive jare che ndive jare ñaneñemuña reta ndive jekuae avei pegua.” Jare David opüa ojo jare Jonatán ou ye tëta guasu kotɨ.

1 SAMUEL 20:42 ပူးပေါင်းရင်းမြစ်များ

2 SAMUEL 9:1

Metei ara David oparandu: “¿Oime pa kia jembɨre Saúl iñemuña reta güi, che anoi vaerä mboroparareko ikotɨ, Jonatán aaɨu jeko pegua?”

NÚMEROS 6:26

YandeYa tanderaɨu tomae nderé jare tomee mbɨakatu ndeve.’

San Lucas 7:50

Ërei Jesús jei kuña pe: —Reyemboasauka ma rerovia cheré ramo. Ekua ndepɨakatu reve.

Hechos 16:36

Jare tembipɨɨrɨru iyangarekoa omombeu kuae ñee Pablo pe. Jei chupe: —Mburuvicha oporojäa vae reta ombou cheokuai poyora vaerä. Jáeramo añave pepuere peë jare peo pɨagüive.

1 SAMUEL 1:17

Elí jei chupe: —Ekua mbɨakatu ndive jare Israel iTumpa tomee ndeve reiporu chupe vae.

1 SAMUEL 20:15

eiparareko avei cheñemuña reta. ¡YandeYa omboai yave metei ñavo nderovaicho, agüɨye cheree tokañɨ nerëtara reta ipɨte güi!

1 SAMUEL 20:16

Jökorai Jonatán oyapo morogüɨrökuavee päve David ndive, jekuae avei pegua. “YandeYa tojäa nderovaicho reta” jei chupe.

1 SAMUEL 23:18

Jare oyapo reta morogüɨrökuavee päve yandeYa jee re, kuae jaɨkue rupi, David opɨta Hores pe, jare Jonatán ou ye jëta kotɨ.

1 SAMUEL 25:35

Jare David oipɨɨ chugüi opaete mbae güeru chupe vae, jare jei chupe: —Ekua ndepɨakatu reve nerëta pe, nde reecha ayandu ndeve ndeyemongeta rami, ayapo ndeve reiporu vae.