1 SAMUEL 20:32 - Biblia Guarani Tumpa Iñee

³² Ërei Jonatán jei tu pe: —¿Maera pa omanota? ¿Oime pa mbae ikavimbae oyapo?

1 SAMUEL 20:32 ပူးပေါင်းရင်းမြစ်များ

GÉNESIS 31:36

jayave Jacob pochɨ, jare oyemboarasɨ Labán pe, jei: —¿Mbae pa chereko? ¿Mbae pa jae cheyoa nderaɨai reve cheraɨkuemoña vaerä?

PROVERBIOS 22:24

Agüɨye eyemoinge iyarasɨ katu vae ipɨte pe, agüɨye eñemoïru iyarasɨ katu vae ndive;

ECLESIASTÉS 7:9

Agüɨye ndearasɨ katu, echa yarakuaambae reta ko iyarasɨ katu.

ECLESIASTÉS 9:3

Kuae ikavimbae yae vae ko oime oyeapo kuae ɨvɨ pe: Opaete vae oyovakeño ko omanota. Ïru yé jae ko kuimbae reta oyemongeta ikavimbae reño jare arakuaambae reño, opaete ara oikove oiko ramboeve, jare jökoraita opa omano.

JEREMÍAS 17:9

Oporombotavɨ katu yae vae ko yandepɨa opaete ïru mbaembae reta güi, jare jeko kavimbae yae ko, ¿kia ra ipuere oikuaa?

San Mateo 27:23

Mburuvicha oparandu chupe reta: —¿Mbae ikavimbae vae pa oyapo? Ërei jae reta jeieteño osapúkai reve jei: —¡Eikutuuka kurusu re!

San Lucas 23:22

Jayave Pilato oparandu ye mboapɨa ma chupe reta: —¿Mbae ikavimbae pa oyapo kuae kuimbae? Mbaetɨ aväe teko jese omano vaerä. Jáeramo ainupaukaiñota jare ayorata.

San Juan 7:51

—Mborookuai ñanoi vae, ¿ipuere yera kia ojäa ndei yayeapɨsaka jese mbove?, jare ¿ndei yaikuaa kavi mbove mbae ra oyapo vae?

1 SAMUEL 18:11

Jayave jae oyapi pɨpe, oipota tëi oikutu David ovapetea re, ërei David ombóguai chugüi mókoi ye.

1 SAMUEL 19:4

Jare Jonatán omomiari kavi tu Saúl, David re, jei: —Agüɨye ndeyoa nderembiokuai David re, echa jae mbaetɨ mbae ikavimbae oyapo ndeve, jaeño ma oyeokuai kavi ndeve.

1 SAMUEL 19:5

Jae oñemoëgua ko mano pe oyuka yave filisteo Goliat, jare yandeYa güɨroasayepe Israel iñemuña reta jókuae ara jovaicho reta güi, nde etei reecha jare reyerovia remae jese. ¿Maera pa reipota reyuka jekombae reve? ¿Remomburu David mbaetɨ reve oñeväe teko jese?

1 SAMUEL 20:1

David otekuarai Naiot güi Ramá güi, jare ojo Jonatán oïa pe jare jei chupe: —¿Mbae pa ayapo? ¿Mbae pa chereko? ¿Mbae nunga mbaeyoa pa ayapo nderu kotɨ chereeka vaerä cheyuka?

1 SAMUEL 20:7

Jare jae jei yave ikaviño ko, chepɨakatuñota aï, ërei iyarasɨ yave jae ko oipota cheyuka.

1 SAMUEL 22:14

Jayave Ahimelec jei mburuvicha guasu pe: —¿Kia nunga pa ndeɨvɨrigua reta güi jupi yae David rami, nderovaya vi, oyeokuai ndeve vae, jare imboetea vae ndero pe?