1 SAMUEL 20:30 - Biblia Guarani Tumpa Iñee

³⁰ Jayave Saúl iyarasɨ Jonatán kotɨ jare jei chupe: —¡Kuña jeko kavimbae vae imembɨ! ¿Mbaetɨecha pa aikuaa ndeve reiparavo ndevɨa-ïrurä Isaí taɨ vae, nde jare ndesɨ pemomarai vaerä?

1 SAMUEL 20:30 ပူးပေါင်းရင်းမြစ်များ

JOB 5:2

Añete, yarakuaambae oyeyukauka arasɨ pe, jare imbaepotarai vae ñemoägüɨro pe.

PROVERBIOS 14:29

Mbaetɨ iyarasɨ raivi vae, yarakuaa yae ko; ërei iyarasɨ rai voi vae, mbaetɨ ko yarakuaa.

PROVERBIOS 15:2

Yarakuaa vae reta iñee, omopöra arakuaa; ërei yarakuaambae reta iñee, ikavimbae yae ko.

PROVERBIOS 19:12

Mburuvicha guasu iyarasɨ, yaguapope pochɨ vae iñee rami, ërei ipɨakavi, ɨsápɨi oa ñana re rami.

PROVERBIOS 19:19

Iyarasɨ yae vae, oiporara tai ko; mbaetɨ oiporara jeko re yave, jeieteñota.

PROVERBIOS 21:24

Oporoyóyai yóyai vae jae ko, ipɨapochɨ vae jare oyembotuicha yae vae, oyembotuicha yae reve mbae oyapo vae.

PROVERBIOS 25:28

Tëta guasu opa oyemboai vae, mbaetɨ ikësea vae rami ko, kuimbae mbaetɨ oyembopɨaguasu vae.

PROVERBIOS 27:3

Ita jare ɨvɨkuitï ipoɨ yae ko, ërei yarakuaambae iyarasɨ ma ipoɨ yae ete rami ko.

San Mateo 5:22

Ërei che jae peve, oime yave kia pochɨ japicha pe vae, oñejäaukata ko. Jare oime yave kia jei japicha pe ‘osirivembae’, oñejäaukata judío reta iporojäa renda pe. Jare oime yave kia jei japicha pe ‘yaɨmba’, tata guasu pe oiporarata.

Efesios 4:31

Agüɨye peñovatu pepɨa pe, mbochɨ, arasɨ, yoaka, ñeeasɨ katu, jare opaete ikavimbae.

Efesios 6:4

Jare pe tu reta agüɨye pemboarasɨuka pemichia reta, jaeño pembokuakuaa pemboe kavi reve yandeYa re.

1 SAMUEL 20:29

Chemoñera amaeño vaerä ojo, echa joko pe jëtara reta omee mɨmba oyeyukagüe, jare tɨkeɨ reta oparea vi chupe. Jei cheve ayapo vaerä ikavi vae chupe, ojoño vaerä omae jëtara reta re. Jáeramo mbaetɨ ou okaru nde mburuvicha guasu ndive.

1 SAMUEL 20:31

Echa opaete ara Isaí taɨ oikove oiko ramboeve kuae ɨvɨ pe, nde mbaetɨ ndepuere reäro reï vaerä mburuvicharä. ¡Emondo kia togüeru, echa omano tai ko!