1 SAMUEL 20:13 - Biblia Guarani Tumpa Iñee

¹³ Ërei cheru ndemomburu ndeyuka vaerä yave, jare mbaetɨ ambou amombeu ndeve yave, yandeYa täta toiporarauka cheve; romborɨta reasayepe vaerä. ¡YandeYa toï nde ndive, cheru ndive oikose rami!

1 SAMUEL 20:13 ပူးပေါင်းရင်းမြစ်များ

2 SAMUEL 19:13

Jare oyókuai vi jei vaerä Amasa pe: “Nde cherëtara ete kavi ko, jayave añave güive nde reïta chesundaro reta itenondegua eterä, Joab jekovia pe. Jare mbaetɨ jökorai ayapo ndeve yave, Tumpa täta toiporarauka cheve.”

2 SAMUEL 3:35

Jaɨkue rupi yogüɨraja tëi omoñera David okaru vaerä, ndei pɨ̈tu mbove, ërei jae jei Tumpa jee re: —¡Tumpa täta toiporarauka cheve akaru yave ani jau mbae ndei pɨ̈tu mbove yave!

2 SAMUEL 7:15

ërei cheporoparareko mbaetɨta apɨ̈ro chugüi, Saúl güi apɨ̈ro rami, jókuae jekovia pe roñono vae.

1 REYES 1:37

YandeYa Tumpa omborɨ mburuvicha guasu rami, tomborɨ vi Salomón, jare iporookuaía toyembotuicha yeyé mburuvicha guasu David güi.

1 REYES 19:2

Jayave Jezabel omondo Elías pe ñee jerajaa, jei körai: “¡Täta toiporarauka tumpa reta cheve! Pɨareve koyave mbaetɨ yave che royuka, nde reyuka vae reta rami.”

1 REYES 20:10

jare Ben-adad omondo jei Acab pe: “¡Täta toiporarauka cheve tumpa reta, mbaetɨ yave Samaria opaetei amboai!”

1 CRÓNICAS 22:11

Añave cheraɨ, yandeYa toï nde ndive reupitɨ regua ara remopüa o yandeYa neTumpa pe, jae güɨrökuavee nde reyapota vae rami.

San Mateo 28:20

Pemboe reta opaete che poyókuai vae re. Jare che aïta pe ndive opaete ara kuae ɨvɨ iyapɨ regua. ¡Amén!

Filipenses 4:9

Peyemboe vae, pemboresive vae, peendu jare peecha cheré vae peyapo. Jare Tumpa oporombopɨakatu vae oïta pe ndive.

JOSUÉ 1:5

Ngaraa etei kia ipuere nemoamɨri reikove reiko ramboeve; Moisés ndive aiko rami aikota nde ndive; ngaraa roeya, ngaraa roeya ndeangarekoambae.

RUT 1:17

Nde remanoa pe, che tamano jare joko pe tañeotɨuka; yandeYa täta toiporarauka cheve asɨrɨ ko ndegüi yave, jaeño mano ipuere yandembosɨrɨ oyougüi.

1 SAMUEL 10:7

Jare opaete kuae mɨakañɨ reta oasa nde ndive yave, eyapo reyemongeta jaekavita ndeve vae, echa Tumpa oime ko oï nde ndive.

1 SAMUEL 14:47

Jökorai Saúl oiko mburuvicha guasurä Israel pe yave, oñeraro opaete jovaicho reta iyɨ́vɨri ñogüɨnoi vae ndive, jae ko: Moab iñemuña reta, Amón iñemuña reta, Edom iñemuña reta, mburuvicha guasu reta Soba pegua reta, jare filisteo reta, jare oipota rupi ojoa rupi oporomoamɨri avei.

1 SAMUEL 17:37

Jare jei ye David: —YandeYa chereepɨ yaguapope ipöape güi jare oso ipöape güi vae, jae etei vi chereepɨta kuae filisteo ipo güi. Jare Saúl jei David pe: —Ekua, jare yandeYa toï nde ndive.

1 SAMUEL 18:12

Saúl okɨɨye David güi, echa oecha yandeYa oï jae ndive, ërei Saúl ndive mbaetɨ ma yandeYa oï.

1 SAMUEL 19:3

Che ajata cheru ndive jókuae reñemi reïa rupi. Chemiarita nderé cheru pe, oime yave mbae jei amombeuta ndeve.

1 SAMUEL 20:12

Jare joko pe Jonatán jei David pe: —YandeYa Israel iTumpa jovake, pɨareve ani koéramo koyave aparanduta cheru pe, jare jae oyemongeta kavi nderé yave ambouta amombeu ndeve.

1 SAMUEL 20:14

Ërei aikoveño jókuae ara rupi yave cheparareko yandeYa jee re, agüɨye cheyuka,

1 SAMUEL 25:22

¡Tumpa täta toiporarauka cheve pɨareve oime yave aeya kia nunga kuimbae jekove reve Nabal jëtara güi!”

1 SAMUEL 3:17

Jare Elí jei: —¿Mbae pa jei yandeYa ndeve? Romoñera agüɨye vaerä reikuaku chegüi. ¡Tumpa täta toiporarauka ndeve, reikuaku yave chegüi opaete mbaembae jei ndeve vae!