1 SAMUEL 2:6 - Biblia Guarani Tumpa Iñee

⁶ YandeYa oekɨ tekove, jare jae omee tekove; jae oporomondo omanogüe reta ñogüɨnoia pe, jae oporogüɨnoe ye joko güi.

1 SAMUEL 2:6 ပူးပေါင်းရင်းမြစ်များ

1 REYES 17:22

YandeYa oendu Elías iyerure, jare michia jekove ou ye chupe, jare oikove ye.

2 REYES 5:7

Mburuvicha guasu Israel pegua omongeta güire jókuae tupapire, omondoro jemimonde ipɨatɨtɨ güi, jare jei: —¿Tumpa yera che, tekove oekɨ vae jare omee ye tekove vae, ombou vaerä kuae cheve, metei kuimbae ambogüera vaerä ipire mbaerasɨ ókui vae güi? ¡Peikuaa kavi añave, oeka kërai chemboeko vaerä jare oporepeña vaerä cheré!

JOB 5:18

Echa jae ko oyapo mbaerasɨ pɨ̈chɨi, ërei jae yeño ko oipoano, jae ko oporombopere, ërei jae yeño ko oipoano.

SALMOS 116:3

Mano chemama jɨmasa pe, omanogüe reta ñogüɨnoia pegua mbaeporara ou oväe cheve, mbaeporara jare mbɨatɨtɨ ou oväe cheve.

SALMOS 30:4

Pe jupi vae reta, petairari yandeYa pe, ¡pemboete jee ikɨambae!

SALMOS 68:20

Tumpa, jae ko oreTumpa oporogüɨroasayepe vae, jae ko yandeYa oporoyora mano güi vae.

SALMOS 71:20

Nde reechauka cheve jeta mbɨatɨtɨ jare ikavimbae reve, remee yeta cheve tekove; chemopüa pɨau yeta ɨvɨkua guasu güi.

ECLESIASTÉS 3:3

Oime yeyuka iara, oime vi ñaporopoano vae iara. Oime ara, mbae yamboai vaerä, oime vi ara, mbae ñamopüa vaerä.

ISAÍAS 26:19

Ërei omanogüe reta oikove yeta, opüa yeta tëogüe reta. Ɨvɨ ndive opa ma oyea reta vae opüa yeta, jare osapukaita oyerovia güi. Echa, nde rembou tekove ɨsápɨi rami, jare omanogüe reta opüa yeta ɨvɨ güi.

EZEQUIEL 37:12

Jáeramo, emoërakua chupe reta maratuta vae: ‘YandeYa Tumpa jei körai: Mase, tëta chembae vae reta, aipeata petɨvɨa reta, pogüɨnoeta joko güi jare pogüɨrajata ɨvɨ Israel pe.

EZEQUIEL 37:3

Jayave jei cheve: “Nde kuimbae, ¿rerovia pa kuae maekägüe reta ipuere oikove ye?” Che jae chupe: “CheYa Tumpa, ndeño ko reikuaa.”

San Mateo 12:40

Echa Jonás opɨta mboapɨ ara jare mboapɨ pɨ̈tu jókuae jevae tuicha yae vae ɨ rupigua jɨe pe. Jökorai che Kuimbaerä ayeapo vae apɨtata mboapɨ ara jare mboapɨ pɨ̈tu ɨvɨgüɨ pe.

San Juan 11:25

Jesús jei chupe: —Che ko oporomoingove vae jare tekove omee vae. Cheré güɨrovia vae, yepe tëi omano oï, oikove yeta ko.

DEUTERONOMIO 32:39

Pemae añave, che ko jae Tumpa jae vaeño, mbaetɨ ïru tumpa chegüi, che amee tekove jare che aekɨ, che aporombopere jare che aporopoano; ¡mbaetɨ kia ipuere oporoepɨ chepo güi!

Apocalipsis 1:18

che ko jae oikoño mai vae. Amano, ërei, mase, añave aikove jekuaekuae avei rupi. ¡Amén! Jare che anoi mbaepuere mano jare omanogüe reta ñogüɨnoia re.

1 SAMUEL 20:3

Jare David jei ye Tumpa jee re: —Nderu oikuaa kavi yae che jae ko ndevɨa-ïru, jáeramo ko mbaetɨ omombeu ndeve agüɨye vaerä ndembopɨatɨtɨ. ¡Ërei jae ndeve yandeYa jee re jare nderé re, michi yae ma oata amano vaerä!