1 SAMUEL 2:5 - Biblia Guarani Tumpa Iñee

⁵ tenonde yave jɨ̈vɨatase vae reta, añave oñemee reta tembíu re; ërei yɨmbɨaɨse vae reta añave mbaetɨ ma yɨmbɨaɨ. Kuña imembɨmbae vae reta, chiu ma imembɨ, jare jeta imembɨse vae reta, añave ipɨtu opɨta.

1 SAMUEL 2:5 ပူးပေါင်းရင်းမြစ်များ

SALMOS 113:9

Jae omee kuña imembɨmbae pe, imembɨ vaerä, jare oyekou vaerä imembɨ reta re. ¡Aleluya!

SALMOS 34:10

Yaguapope raɨ reta pe oata mbae jare yɨmbɨaɨ; ërei ngatu yandeYa oeka vae reta pe, ngaraa oata mbae ikavi vae.

ISAÍAS 33:9

Ɨvɨ imbaerasɨ jare ipɨatɨtɨ oï, Líbano oñemomarai jare opa yɨpi oï, ɨvɨtɨ päu ipe kavi vae Sarón ipombae opɨta oï, ɨvɨ Basán jare ɨvɨtɨ Carmelo opaetei oyetɨvɨro opɨta.

ISAÍAS 54:1

Imembɨmbae vae, eyerovia; nde mbaetɨi nemembɨ vae, etairari, reyerovia güi, echa yandeYa jei: “Kuña oyeeyagüe, jetata imembɨ, kuña ime ndive oï vae güi.”

JEREMÍAS 15:9

Jeta imembɨ vae ipɨatɨtɨ yae, jare ipɨtu yae opɨta, imara jare oñemomichi yae, ara jembipe vae pɨtumimbi chupe. Kia nunga chugüi reta oikoveño vae, jovaicho reta pe ayukaukata. Che ndeYa jae kuae.”

San Lucas 1:53

Omoangapɨɨ iyɨmbɨaɨ vae reta mbaembae pe. Ërei oikokatu vae reta omondo ipogüɨrai.

San Lucas 16:25

Ërei Abraham jei chupe: Cheraɨ, nemaendúa kërai nde reiko ɨvɨ pe yave, reyekou yepi jeta mbaembae re. Jökoraiño vi Lázaro oiko ɨvɨ pe yave, oiporara jeta ikavimbae vae. Ërei añave jae ipɨakatu oï kuae pe jare nde reiporara reï.

Gálatas 4:27

Echa Tumpa Iñee oyekuatía oï körai: “Imembɨmbae vae, eyerovia, nde mbaetɨi nemembɨ vae; esapúkai, eyerovia güi, nde mbaetɨ membɨrasɨ reiporara vae; echa kuña oyeeyagüe, jeta yaeta ko imembɨ, kuña ime ndive oï vae güi.”

RUT 4:15

kuae oikota ndemoingove katu vaerä jare ndeangareko vaerä netɨ̈aro yae ma yave; echa nemembɨtatɨgüe nderaɨu yae vae imembɨ ko, Rut iporomborɨ ko ndeveguarä ikavi yae ete, renoi yave chiu nemembɨraɨe reta güi.

1 SAMUEL 1:20

Ana ipurúa, jare ou ma ara reta oväe oyekuaku vaerä yave, oa imembɨ metei kunumi raɨ, jare ombojee Samuel, echa jei: “CheYa pe aiporu vae ko.”

1 SAMUEL 1:6

Jare iñemɨi Penina omoambeko avei, omboarasɨ jare ombopɨatɨtɨ vaerä, echa yandeYa mbaetɨ omee imembɨ vaerä.