1 SAMUEL 2:36 - Biblia Guarani Tumpa Iñee

³⁶ Jayave neñemuña güi opɨtaño vae outa oyetavatɨka oñemomichi reve sacerdote jóvai korepoti re, ani tembíu re jei reve: Romoñera remee vaerä mbaravɨkɨ cheve sacerdote reta ipɨte pe, chepuere vaerä akaru.’ ”

1 SAMUEL 2:36 ပူးပေါင်းရင်းမြစ်များ

1 REYES 2:27

Jökorai Salomón oekɨ Abiatar sacerdoterä oyeokuai Tumpa pe vae güi, jare jökorai oyembopo yandeYa jei Silo pe Elí iñemuña reta kotɨ vae.

2 REYES 23:9

Jókuae sacerdote reta mbaemboete renda ɨvɨtɨ rupigua pegua reta mbaetɨ yogüɨraja mɨmba oyeyuka oyeapɨ jese vae yandeYa imbae oïa pe, Jerusalén pe; ërei jou reta mbɨyape oyembovumbae jëtara sacerdote reta ndive.

PROVERBIOS 14:19

Jeko kavimbae reta, oyetavatɨkata jeko kavi vae reta jóvai; iyoa vae reta, yogüɨrajata jupi vae reta jöke pe.

MALAQUÍAS 1:13

Jare pere ye: “¡Orembogüérai yae ma kuaekuae!” Jare chereröɨro; peru mbotarä peñomigüe, iköchogüe, imbaerasɨgüe. ¿Aipɨɨta pa jókuae nunga pegüi?

JUECES 17:10

Micaía jei chupe: —Epɨta jayave chépɨri kuae pe, reiko vaerä chesacerdoterä jare chemboarakuaa vaerä. Che amboepɨta ndeve payandepo siclo reare korepoti pegua año pe, jare ameeta vi ndeve tembíu jare temimonde. Jare levita opɨta joko pe.

1 SAMUEL 2:35

Jare che aiparavota metei chesacerdoterä jupi rupi oiko vae, cheremimbota oyapo vae, ameeta chupe iñemuña oiko avei vaerä, jare oyeokuaita mburuvicha aiparavo vae jóvai ara ñavo.

1 SAMUEL 3:1

Kunumi Samuel oyeokuai yandeYa pe Elí jóvai. Jókuae ara rupi yandeYa iñee mbaetɨ oyeendu, echa mbaetɨ oyeechauka avei.