1 SAMUEL 2:30 - Biblia Guarani Tumpa Iñee

³⁰ Jáeramo, Israel iTumpa jei tëi tenonde yave neñemuñagüe reta pe, ndeve jare neñemuña reta oyeokuai vaerä chupe jekuae avei, ërei añave jei: ‘Ngaraa ma ayapo jökorai, amboeteukata chemboete vae reta, ërei chereröɨro vae reta aröɨrota vi.

1 SAMUEL 2:30 ပူးပေါင်းရင်းမြစ်များ

1 REYES 11:11

Jáeramo yandeYa jei Salomón pe: “Kuae oyekuaa nderé ramo, jare mbaetɨ reyapo cheporogüɨrökuavee päve jare cheporookuai reta, che royókuai vae ramo, apɨ̈rota ndegüi ndeporookuaía, jare ameeta ndegüi ndeɨvɨrigua pe.

1 REYES 2:27

Jökorai Salomón oekɨ Abiatar sacerdoterä oyeokuai Tumpa pe vae güi, jare jökorai oyembopo yandeYa jei Silo pe Elí iñemuña reta kotɨ vae.

1 CRÓNICAS 17:18

¿Mbae ye pa jaeta ndeve cheYa Tumpa? Echa nde chekuaa ko.

2 CRÓNICAS 15:2

jare oë oövaiti Asa, jei chupe: “¡Peyeapɨsaka cheré Asa, Judá jare Benjamín pegua reta! YandeYa oïta pe reta ndive pe reta peï yave jae ndive. Pe reta peeka yave peväeta chupe, ërei peeya yave jae pereeyata vi.

2 CRÓNICAS 26:18

Jayave oyemboɨ reta mburuvicha guasu Uzías pe jei reta: “Oreruvicha, mbaetɨ ko ndepuere reapɨ vaerä ikäti kavi vae incienso yandeYa pe, jaeño sacerdote reta Aarón iñemuña reta oñeñono tee oapɨ vaerä. Eë o mbaemboetea güi, echa rembaeyavɨ ko, jare yandeYa Tumpa ngaraa ipɨakatu ndeve kuae re.”

SALMOS 18:20

YandeYa omboekovia cheve jupi ayapo rupi, chereko kavi oime rupi omboekovia cheve;

SALMOS 18:26

Ikɨambae oiko vae pe reyeechaukata ndekɨambae, ërei mbaetɨta neɨ̈ro ipɨapochɨ vae pe.

SALMOS 50:23

mbaemboete omee cheve vae, chemboete ko. Jupi rupi kavi oiko vae pe, aechaukata cheporogüɨroasayepe.”

SALMOS 73:20

Ipaɨu güi opa vae rami, jökorai, nde cheYa, reporojäa yave, reröɨrota jókuae añete vae nunga oyekuaa vae.

SALMOS 91:14

“Echa iporoaɨu oñono cheré ramo, che vi aepɨta; jare añonota ɨvate, echa cheré reikuaa ramo.

SALMOS 91:15

Chereenɨita, jare che aenduta chupe; ¡jae ndive aïta mbɨatɨtɨ pe! Aepɨta jare amboeteukata.

ÉXODO 28:43

jare Aarón jare taɨ reta tomonde togüɨraja oike reta yave tupao guakapi pegua pe, ani oya reta yave mɨmba oyeyuka oyeapɨ jese vae re oyeokuai vaerä tupao guakapi pegua pe, agüɨye vaerä iyoa reta jare omano reta. Mborookuai opambae ko kuae chupegua jare iñemuña reta peguarä.

ÉXODO 29:9

eñono kuakuaa Aarón ikúa re jare taɨ reta ikúa re, jare eñono kavi jese reta äka-ɨru, jökorai yogüɨreko vaerä chesacerdoterä jekuae avei pegua. Körai eñono tee Aarón jare taɨ reta.

PROVERBIOS 12:8

Kuimbae oyemboeteuka iyarakuaa katu güɨnoi rupi, ërei ipɨapochɨ vae, oñereröɨrouka vaeräño ko.

PROVERBIOS 4:8

Eaɨu ndeyeupe, jare jae ndembotuichata; eipɨɨ, jare ndemboeteta;

PROVERBIOS 8:17

Che aɨu cheraɨu vae reta, jare chereeka voi vae reta cheväe.

ISAÍAS 29:13

Jayave yandeYa jei: “Echa kuae tëta chemboete iñee rupi jare jembe pe, ërei ngatu ipɨa mombɨrɨ ko oï chegüi; oipoɨu reta chegüi vae, kuimbae reta iporookuai re oyemboe vae ramiño ko;

JEREMÍAS 29:32

jáeramo che, peYa jae, aiporaraukata Semaías pe jare iñemuña reta pe. Ngaraa oime iñemuña reta chembae vae reta ipɨte pe, ngaraa oecha mbae ikavigüe ayapota chembae vae reta pe vae, echa iñee rupi oporombopɨapochɨuka chekotɨ. Che peYa jae kuae.”

JEREMÍAS 49:15

Mase, che pomomichi yaeta ïru tëtaguasu reta güi, peñereröɨrouka yaeta opaete vae reta pe.

EZEQUIEL 34:10

YandeYa Tumpa jei körai: ¡Chemboarasɨ vecha iyangarekoa reta! Amboetata chupe reta chevecha reta re, apɨ̈rota chugüi reta kuae mbaravɨkɨ, ngaraa ye ma iyé aeño oyangareko reta, echa apɨ̈rota chevecha reta chugüi, ngaraa ma güɨreko reta jembiurä.’

DANIEL 4:34

“Ërei ara reta oyepapa oï vae iyapɨ ma yave, che Nabucodonosor amae ara kotɨ, jare ou akuera ye vaerä; jayave amboete Tuichagüe yae ete vae, jare ambotuicha oikove avei vae körai: ‘Imbaepuere jare iporookuaía opambae vae.

MALAQUÍAS 1:6

YandeYa jei sacerdote reta pe: “Membɨ reta omboete tu, jare tembiokuai omboete iya. Añave che ko jae peRu yave, ¿maera pa mbaetɨ chemboete? Che ko jae peYa yave ¿Maera pa mbaetɨ peipoɨu chegüi? Jei peve yandeYa Imbaepuere yae ete vae: Pe sacerdote reta peröɨro cheree, jare pere: ‘¿Mbae pe pa rogüɨröɨro nderee?’

MALAQUÍAS 2:3

“Añave che arokomeguata peremitɨ reta, perɨmba oyeyukagüe jepoti pe poovarapita jare peyemomboukata jae ndive.

NÚMEROS 11:20

metei yasɨ kavi etei ko peuta, jae jaeño peau regua jare peyuguaru chugüi regua, peröɨro peYa pe ndive oiko vae jeko pegua, jare peyaeo jóvai pere reve: “¿Maera ra yayu kuae kotɨ Egipto güi?”

NÚMEROS 35:34

Agüɨye pemongɨa jókuae ɨvɨ peikota pɨpe vae, che aiko pɨpe vae; echa che peYa aiko Israel iñemuña reta ipɨte pe.”

San Juan 12:26

Oyeokuai cheve vae tojo cherupíe. Cherembiokuai oïta che aïtaa pe. Jare cheRu ombotuichaukata oyeokuai cheve vae.

San Juan 5:23

Opaete vae omboete vaerä Taɨ, Tu omboete reta rami. Mbaetɨ omboete reta Taɨ vae, omboeteä ko Tu, ombou vae.

San Juan 5:44

Pepuereä etei peporogüɨrovia. Echa peipota jekuaeño ïru vae reta pembotuicha vaerä, ërei mbaetɨ peeka yembotuicha Tumpa jae vaeño vae oipota tëi penoi vaerä vae.

San Juan 8:49

Jesús jei: —Mbaetɨ ko aña oya cheré. Che amboete ko cheRu, ërei pe reta chemboeteä.

1 Corintios 4:5

Jáeramo agüɨye peporojäa ndei iara mbove. Peäro yandeYa ou ye regua. Echa jae omboyekuaa kavita opaete mbaembae oñemi pɨtumimbi pe oï vae. Jare omboyekuaata opaete pɨa jemimbota. Jayave metei ñavo omboresiveta mbaemboete Tumpa güi.

1 Pedro 1:7

Echa peporogüɨrovia oñejäa güire, ikavi yaeta oro güi, echa oro yepe tëi opata, ërei oyetɨo tata rupi; jökorai peporogüɨrovia oñejäa güire imboetea yae vaerä Jesucristo oyekuaa ye yave.

JUECES 9:10

Jayave ɨvɨra reta jei ɨva pe: —Eiko oreruvicha guasurä.