1 SAMUEL 2:28 - Biblia Guarani Tumpa Iñee

²⁸ Jare che aiparavo chesacerdoterä Israel iñemuña reta ipɨte güi, oyeokuai reta vaerä cheve mɨmba oyeyukagüe, jare oapɨ vaerä mbae ikäti kavi vae incienso, jare omonde vaerä temimonde iyɨvambae sacerdote pegua cheróvai. Jare amee chupe reta opaete mbota oyeapɨ vae, Israel iñemuña reta omee vae.

1 SAMUEL 2:28 ပူးပေါင်းရင်းမြစ်များ

2 SAMUEL 12:7

Jayave Natán jei David pe: —¡Nde ko jókuae kuimbae! Körai jei yandeYa Israel iTumpa: “Che ko roparavo Israel iñemuña reta juvicha guasurä, jare roepɨ Saúl ipo güi;

2 SAMUEL 6:14

David omonde güɨreko metei temimonde iyɨvambae sacerdote pegua pe lino pegua, jare güɨropo tätagüe yandeYa jóvai,

ÉXODO 28:1

Israel iñemuña reta güi toyogüɨreko ndeɨ́vɨri Aarón jare taɨ reta Nadab, Abiú, Eleazar jare Itamar, yogüɨreko vaerä chesacerdoterä.

ÉXODO 28:4

Toyapo reta kuae nunga temimonde reta: Pɨtía regua, temimonde iyɨvambae, ñeapevaka, temimonde oyekuatiagüe, äka-ɨru jare kuakuaa. Körai toyapo reta jókuae temimonde reta ikavi yae vae nderɨkeɨ Aarón peguarä jare taɨ reta peguarä, yogüɨreko vaerä chesacerdoterä.

ÉXODO 30:7

Jare Aarón toapɨ jese incienso ikäti kavi yae vae, ara ñavo toapɨ, oyapo kavi yave mechero reta.

ÉXODO 30:8

Jare pɨ̈tuta ma yave omoendɨ mechero reta yave, toapɨ ikäti kavi vae incienso; kuae mborookuai toyapo avei peñemuña reta che peYa pe.

LEVÍTICO 2:10

Jare jókuae mbota güi jembɨregüe topɨta Aarón jare taɨ reta peguarä; mbae oñeñono tee kavi yae ete vae ko mbota reta güi cheveguarä.

LEVÍTICO 2:3

Jare mbota güi jembɨregüe topɨta Aarón jare taɨ reta peguarä; mbae oñeñono tee kavi yae ete vae ko, mbota reta güi cheveguarä.

LEVÍTICO 6:16

Jare jókuae mbota güi jembɨregüe topɨta Aarón jare taɨ reta peguarä; oyembovumbae tou reta oñeñono teea pe, tupao guakapi pegua joka pe tou reta.

LEVÍTICO 7:32

Jare tomee sacerdote pe mɨmba oyeyukagüe yembopɨakatu pegua güi iu iyakatu kotɨgua, mbota oñererökuavee oñemee cheve vae.

LEVÍTICO 7:36

Kuae mborookuai che amee chupe reta, jókuae ara jae reta oyeparavo Israel iñemuña reta güi yave güive, mborookuai jekuae avei pegua toiko peve jare peñemuña yoapɨ reta pe.

NÚMEROS 16:5

jare jei Coré pe jare opaete jupiegua reta pe: —Pɨareve yandeYa oechaukata kia ko jae imbae vae, jare kia ko jae oñeñono tee chupeguarä vae, jae omaeñota oya jese jembiparavo.

NÚMEROS 18:19

Opaete Israel iñemuña reta mbota güɨrökuavee omee cheve mbae oñeñono tee vae güi vae amee ko ndeve, nderaɨ reta jare nderayɨ reta yogüɨreko ndépɨri vae pe, jekuae avei pegua; yukɨ morogüɨrökuavee päve jekuae avei pegua ko yandeYa oyapo, nde ndive jare neñemuña reta ndive.”

1 SAMUEL 14:3

Jare temimonde iyɨvambae sacerdote pegua omonde vae jae ko Ahías, Ahitob taɨ, Icabod jiɨ, Ahitob jae ko Finees taɨ, Finees jae ko Elí yandeYa isacerdote Silo pegua taɨ. Jare mbaetɨ etei kia oikuaa ketɨ ojo Jonatán vae.

1 SAMUEL 2:18

Ërei kunumi raɨ Samuel oyeokuai yandeYa pe, oyemonde temimonde iyɨvambae sacerdote pegua pe lino pegua.