1 SAMUEL 2:25 - Biblia Guarani Tumpa Iñee

²⁵ Metei kuimbae iyoa yave japicha kotɨ, mburuvicha oporojäa vae reta ojäata; ërei metei kuimbae iyoa yave yandeYa kotɨ, ¿kia ra oñemoëta jese?” Ërei jókuae kunumi reta mbaetɨ oyandu tu jei chupe vae, echa yandeYa oyemongeta ma opa vaerä oyuka.

1 SAMUEL 2:25 ပူးပေါင်းရင်းမြစ်များ

GÉNESIS 38:10

Jare yandeYa pe mbaetɨ ipöra jókuae oyapogüe, jare oekɨ chugüi jekove.

GÉNESIS 38:7

Jare Er, Judá taɨrɨpɨ jeko kaviä yae yandeYa jesa róvai, jare oekɨ chugüi jekove.

1 REYES 8:31

Kia nunga vae iyoa yave japicha kotɨ, jare güeru jei vaerä añete vae nderee re mɨmba oyeyuka oyeapɨ jese vae jóvai kuae tupao guasu pe yave,

1 REYES 8:32

eendu ara pe jare eyapo jupi vae nderembiokuai pe. Jeko vae toiporara jeko re aeño, jare jekombae pe eyapo jupi vae jeko kavi rupi.

2 CRÓNICAS 10:15

Jare mburuvicha guasu mbaetɨ oyeapɨsaka jeta vae reta re, echa Tumpa omaeño jökorai oasa yandeYa iñee oyembopo vaerä Ahías Silo pegua rupi Jeroboam, Nabat taɨ kotɨ vae.

2 CRÓNICAS 25:16

Ërei ñeemombeúa jei oï kuaekuae yave, mburuvicha guasu jei chupe: —¿Ndeparavo reta pa mburuvicha guasu remboarakuaa vaerä? ¡Agüɨye jökorai! ¿Ani reipota pa ndeyuka reta? Kuae ñee opa jei yave, ñeemombeúa jei: —Che aikuaa Tumpa oñono ma ndemboai vaerä kuae reyapo jeko pegua, mbaetɨ ramo reipota reendu cheporomboarakuaa.

JOB 9:33

¡Oime mona kia oporojäa vae oreve, orejäa vaerä mókoi reve,

SALMOS 51:16

Echa mbaetɨ reipota mɨmba oyeyukagüe, amee ndeve mbota mɨmba oyeyukagüe opaetei oyeapɨ vae yave, mbaetɨ reipota.

SALMOS 51:4

Ndekotɨ, ndekotɨño cheyoa, ayapo ikavimbae nderesa róvai; ikavimbae remae jese vae ayapo, jáeramo, chejäa vae, jupi ko.

PROVERBIOS 13:1

Yarakuaa vae, oyeapɨsaka tu iporomboarakuaa re; ërei oporoyóyai yóyai vae, ñäteɨ oyeapɨsaka yemboeta re.

PROVERBIOS 15:10

Teko kavi oeya vae pe, yembosɨmbi jasɨ katu yae, ërei yembosɨmbi güɨröɨro vae, omanota ko.

PROVERBIOS 29:1

Oyemboeta chupe vae oyembopɨa täta yave, güɨramoiño okañɨteita, mbaetɨta kia oepɨ vae.

ECLESIASTÉS 3:3

Oime yeyuka iara, oime vi ñaporopoano vae iara. Oime ara, mbae yamboai vaerä, oime vi ara, mbae ñamopüa vaerä.

NÚMEROS 15:30

Ërei kia nunga vae oyapo mbae ipɨapochɨ rupi yave, kuae pegua ani ketɨgua, yandeYa kotɨ ko oyavɨ; jókuae nunga toyemombo ete kavi jëtara reta ipɨte güi.

DEUTERONOMIO 1:17

Oporojäa vaerä oporoparavombae reve; oyeapɨsakata paravete vae re jare oikokatu vae re, mbaetɨ eteita kia güi okɨɨye, echa Tumpa etei ko oporojäa. Jare yavai yae teko yave peruta cheve, che ayapo vaerä.

DEUTERONOMIO 2:30

Ërei ngatu Sehón mburuvicha guasu Hesbón pegua mbaetɨ oipota yandemboasa iɨvɨ rupi, echa yandeYa Tumpa yepe ombopɨa täta jare jëguambae oyapo, jökorai oñono vaerä pepo pe añave regua.

1 Timoteo 2:5

Echa oime meteiño Tumpa. Jaeramiño vi oime meteiño ipuere oporomoñoövaiti Tumpa ndive vae. Jae ko kuimbae Cristo Jesús jee vae.

Hebreos 10:26

Echa yandeyoa yave ñanekɨ̈reɨ reve añete vae yaikuaa güire, mbaetɨ ye ma kia oñemee vaerä mbaeyoa reta re;

Hebreos 10:27

jaeño ñaärota yavaetegüe Tumpa iporojäa, tata yavaetegüe omboaita Tumpa kotɨ oyemboyovaicho vaerä reta.

Hebreos 7:25

Jáeramo, jae ipuere omboasa jekuae avei pegua, opaete oya jae rupi Tumpa re vae reta, echa oiko avei oyerure vaerä Tumpa pe jese reta.

JOSUÉ 11:20

echa yandeYa omotäta kuae tovaicho reta ipɨa, jovaicho pota vaerä Israel iñemuña reta re, Israel iñemuña reta opa vaerä omboai, agüɨye vaerä mboroparareko güɨnoi jese reta, yandeYa oyókuai Moisés rami.

1 SAMUEL 3:14

Jáeramo, che amombeu kavi voi cheree re Elí iñemuña reta pe, kërai imbaeyoa reta ngaraa mai oyemboai, mɨmba oyeyukagüe reta pe ave ani mbota reta pe ave.