1 SAMUEL 2:20 - Biblia Guarani Tumpa Iñee

²⁰ Jayave Elí jei ñee kavi Elcana re jare jembireko re, jei reve: “YandeYa tomee ïru nderaɨ retarä kuae nderembireko imembɨ omee yandeYa pe vae jekovia pe.” Kuae jaɨkue rupi yogüɨraja ye jëta kotɨ.

1 SAMUEL 2:20 ပူးပေါင်းရင်းမြစ်များ

GÉNESIS 14:19

Jare jei Abram pe körai: “Tumpa Tuichagüe yae ete vae ara jare ɨvɨ iyapoa tiporerekua nderé.

MALAQUÍAS 2:15

Tumpa ko oyapo mókoi vae güi meteiño, güɨnoi jete jare jekove. ¿Maera pa oyapo metei ramiño? Echa oipota tëi ko peñemuña vaerä Tumpa peguaräño. ¡Jáeramo, peñeñovatu agüɨye pembotavɨ perembireko, petaɨrusu güive pemenda jae ndive vae!

San Lucas 2:34

Jare Simeón jei ñee kavi jese reta. Jayave jei ichɨ María pe: —Mase, kuae nemembɨ oïta jeta Israel pegua reta ogüɨapi vaerä jare opüa vaerä. Jare jeta vae reta güɨröɨrota.

RUT 2:12

¡YandeYa tomboekovia ndeve opaete nderembiapo rupi! ¡Jare tandeangareko yandeYa Tumpa Israel pegua, kërai reyu reñepɨ̈ro jese vae!

RUT 4:11

Jare tenondegua reta jare opaete joko pe ñogüɨnoi vae reta jei: —Orerovake ko reyapo. ¡YandeYa toyapo ndeve jókuae kuña oiketa ndero pe vae Raquel jare Lea rami, kuae reta güi oñemuña tëta Israel! Jare nde eiko kuimbae tuicha yae vae Efrata pe, jare jërakua vae Belén pe.

1 SAMUEL 1:11

Jare oyapo ñererökuavee jei reve: “CheYa imbaepuere yae ete vae, jupi ko remae che nderembiokuai ipɨatɨtɨ vae re yave, jare nemaendúa cheré yave, jare remee che nderembiokuai pe imembɨrä kuimbae ko yave, tañono tee ndeveguarä jókuae michia raɨ opaete ara oikove oiko ramboeve jare mbaetɨta ia oñeapi.”