1 SAMUEL 2:17 - Biblia Guarani Tumpa Iñee

¹⁷ Jökorai tuicha yae iyoa kuae kunumi reta yandeYa kotɨ, echa omboeteä mbota reta oñemee yandeYa pe vae.

1 SAMUEL 2:17 ပူးပေါင်းရင်းမြစ်များ

GÉNESIS 10:9

Kuae jäta ngatu jare ata regua yandeYa jóvai, jókuae jeko pegua jei vae: “Nimrod rami jäta ngatu jare ata regua yandeYa jóvai.”

GÉNESIS 13:13

Ërei jókuae Sodoma pegua kuimbae reta jeko kaviä yae ete jare iyoa yae reta yandeYa kotɨ.

GÉNESIS 6:11

Tumpa jóvai ɨvɨ ipo reta opa oikomegua. Jeta tekorai oyekuaa ɨvɨ pe.

2 REYES 21:6

Oapɨuka vi taɨ reta tumpa-raanga pe, oyemoambeko mbae oecha vaerä mbaekuaa rupi jare oikuaa vaerä mbae maratuta vae re, oñono imbaekuaa vae reta jare maratuta vae imombeúa reta, jökorai ombojeiete ikavimbae yandeYa jesa róvai vae rupi omboarasɨuka.

SALMOS 51:4

Ndekotɨ, ndekotɨño cheyoa, ayapo ikavimbae nderesa róvai; ikavimbae remae jese vae ayapo, jáeramo, chejäa vae, jupi ko.

ISAÍAS 3:8

Echa Jerusalén opa oyemboai oï, Judá opa okañɨtei, echa joko pe jei reta jare oyapo reta ikavimbae yandeYa kotɨ, mbaetɨ omboete reta jae iyemboetea, omboarasɨuka vaerä.

MALAQUÍAS 2:13

Jare jekuae peñova yeta tesaɨ pe mɨmba oyeyuka oyeapɨ jese vae yandeYa imbae, yaeo pe, täse reta pe; jayave ngaraa ye ma amae mbota re aipɨɨ vaerä chepɨakatu reve pepo güi.

San Mateo 18:7

¡Paravete ɨvɨ pegua reta! Oñono mbaemboavai ïru vae pe vae. Echa jökorai ñotai ko. ¡Paravete jókuae oñono mbaemboavai ïru vae reta pe vae!

1 SAMUEL 2:16

Jare jókuae kuimbae jei yave chupe: “Toyeapɨ räri ikɨragüe jare jaɨkue rupi eraja nde reipota vae.” Jayave tembiokuai jei: “¡Emee cheve añave voi! Echa mbaetɨ remee yave apɨ̈rota ndegüi.”

1 SAMUEL 3:13

Che amombeu chupe aiporarauka vaerä iñemuña reta pe jekuae avei pegua, mbaeyoa jae oikuaa oï vae re; echa taɨ reta cheangao, jare jae mbaetɨ oyopia taɨ reta.