1 SAMUEL 2:15 - Biblia Guarani Tumpa Iñee

¹⁵ Jaeramiño vi ikɨragüe ndei oyeapɨ mbove mɨmba oyeyukagüe oyeapɨ jese vae re, ou sacerdote jembiokuai jei jókuae mɨmba oyeyukagüe omee vae pe: “Emee soo cheve aape vaerä sacerdote pe; echa mbaetɨta oipɨɨ ndegüi oyɨgüe jaeño oyɨmbae.”

1 SAMUEL 2:15 ပူးပေါင်းရင်းမြစ်များ

ÉXODO 12:9

Agüɨye tou reta mbae oyɨmbae chugüi, jare agüɨye tou reta oñemoigüe ave, jaeño tou reta oyeapegüe; iñäkagüe, ipɨgüe, jare ipɨagüe toyeape.

LEVÍTICO 3:16

Jare sacerdote toapɨ kuae reta mɨmba oyeyuka oyeapɨ jese vae re; mbota tembíu oyeapɨ ipiche katu vae ko cheveguarä. Opaete mɨmba ikɨragüe chembae ko.

Romanos 16:18

Echa jókuae reta mbaetɨ ko oyeokuai yandeYa Jesucristo pe. Jaeño oparavɨkɨ reta ikavi chupe reta vaerä jeko peguaño, iñee-yukɨ rupi jare iñee kavi rupi ombotavɨ iyarakuaa katumbae reta.

Filipenses 3:19

kuae reta opata ko okañɨtei, jae reta ombotenonde ikavi chupe reta vaeño, oyembotuicha reta imarata tëi jese vae re. Oyemongeta reta mbaembae kuae ɨvɨ pegua reño.

Judas 1:12

Kuae reta ko pemomarai peyemboatɨ pekaru peyoaɨu revea pe, echa jae reta okaru pe reta ndive imarambae reve, iyé aeño oyangareko reta; jae reta ko amapɨtu iamambae vae rami, jókuae ɨvɨtu täta güɨroveve rami; temitɨ iambae iara pe vae rami, mókoi ye omano, jare oyeapomondoro.

1 SAMUEL 2:14

jare omopöe jókuae tɨ̈ai yapepo pe, jare yapepo jiero itapa reve vae pe, jare opaete tɨ̈ai pe güɨnoe vae güɨraja sacerdote imbaerä. Körai avei oyapo reta opaete Israel iñemuña reta yogüeru yave tëta Silo pe.

1 SAMUEL 2:16

Jare jókuae kuimbae jei yave chupe: “Toyeapɨ räri ikɨragüe jare jaɨkue rupi eraja nde reipota vae.” Jayave tembiokuai jei: “¡Emee cheve añave voi! Echa mbaetɨ remee yave apɨ̈rota ndegüi.”