1 SAMUEL 19:5 - Biblia Guarani Tumpa Iñee

⁵ Jae oñemoëgua ko mano pe oyuka yave filisteo Goliat, jare yandeYa güɨroasayepe Israel iñemuña reta jókuae ara jovaicho reta güi, nde etei reecha jare reyerovia remae jese. ¿Maera pa reipota reyuka jekombae reve? ¿Remomburu David mbaetɨ reve oñeväe teko jese?

1 SAMUEL 19:5 ပူးပေါင်းရင်းမြစ်များ

2 SAMUEL 23:10

Ërei kuae Eleazar opüa oñeraro jare oyuka filisteo reta ipo ikangɨ regua, ipo täta (oyepokuaa) ikɨsepuku iɨ re. Jókuae ara yandeYa omee oporomoamɨri yae vaerä. Jare opaete vae reta yogüɨraja Eleazar jaɨkue omonoo güeru jovaicho reta güi mbaembae opɨ̈rogüe.

1 CRÓNICAS 11:14

jae reta oyemboɨ kó mbɨte pe jare oporoepɨ, opa omoamɨri filisteo reta. Jökorai yandeYa omee oporomoamɨri reta yae vaerä.

1 CRÓNICAS 11:18

Jayave jókuae mboapɨ jëia vae yogüɨraja filisteo reta jeyupa pe jare güɨnoe ɨ Belén jöke pe ɨkua oï vae güi güɨraja David pe. Ërei David mbaetɨ oipota jou, jaeño opɨyere yandeYa peguarä, jare jei:

SALMOS 109:5

Chepɨa kavi, omboekovia reta cheve ikavimbae pe, jare cheporoaɨu, ñemotareɨ pe.

SALMOS 119:109

Cherëgua avei oiko mano pe, ërei mbaetɨ cheakañɨ ndeporookuai güi.

SALMOS 25:3

¡Añetete, ngaraa etei oñemomaraiuka nderé oyeko vae reta! ¡Ërei oñemomaraiukata oyembopɨapochɨ jupimbae reve ndekotɨ vae reta!

SALMOS 69:4

Cheäka re chea oï vae güi jeta yae cherekombae reve chemotareɨ vae reta; jëia yae oyeapo cherovaicho reta, cherekombae reve chemokañɨtei vae reta, oipota omboepɨuka reta cheve, mbaetɨ añomi vae.

SALMOS 94:21

Oyomboatɨ reta oyemongeta jupi vae jekove re, jare omometei reta yemongeta, oyuka vaerä jekombae vae.

ÉXODO 14:13

Jare Moisés jei chupe reta: —Agüɨye pekɨɨye, peyemboɨ täta, jare pemae añave yandeYa pereepɨta vae re; echa Egiptoɨgua reta añave peecha vae ngaraa ye ma peecha.

JEREMÍAS 26:15

Ërei peikuaa kavi peyeupe: Cheyuka yave, pe reta, kuae tëta guasu jare opaete yogüɨreko pɨpe vae reta penoita teko, jekombae jugüɨ re; echa añetete ko yandeYa chembou pépɨri, amoërakua vaerä peve etei opaete kuae ñee reta.”

San Mateo 27:24

Jare Pilato oecha yave mbaetɨ ipuere mbae oyapo, echa judío reta jeiete osapúkai. Jare jei güeru vaerä chupe ɨ javoi oyepoe yatɨ vae reta jóvai, jei reve chupe reta: —Che mbaetɨ anoi teko kuae kuimbae jupi vae imano re. Perei ma ko oï.

San Mateo 27:4

jei reve: —Ayapo mbaeyoa. Amee ramboeve peve jókuae kuimbae jekombae vae Jayave jae reta jei chupe: —¡Jókuae mbaeä ko oreve! ¡Nderei ma ko oï!

San Juan 15:25

Kuae oyapo reta oyembopo vaerä mborookuai pe oyekuatía oï vae. Echa oyekuatía oï körai: “Chemotareɨ reta cherekombae reve.”

Hechos 20:24

Ërei mbaetɨ akɨɨye. Mbaetɨ aɨu cherekoveño. Jaeño aipota amboapɨ kavi ayerovia reve mbaravɨkɨ yandeYa Jesús omee cheve vae. Echa jae cheokuai chemiari vaerä ñee kavi Tumpa ipɨakavi regua.

Filipenses 2:30

echa Cristo iparavɨkɨ jeko pegua omano seri. Oñemoëgua mano pe oyangareko vaerä cheré perekovia pe, echa pe reta matɨ peï.

Hebreos 2:3

jayave, ¿këraita pa yaasayepe, ñaröɨro yave yemboasa tuichagüe? Echa yandeYa räri imiari kuae yemboasa re, jare yaikuaa imiari yandeve oyeapɨsaka jese vae reta rupi.

JUECES 12:3

Jare aecha mbaetɨ ma peyu oremborɨ vaerä yave, añemoëgua mano pe jare añoraro Amón iñemuña reta ndive, jare yandeYa omee cheve amoamɨri vaerä. ¿Maera pa añave peyu peñeraro vaerä che ndive?

JUECES 9:17

Echa cheru oñemoë perekovia pe jare oñeraro, jökorai omee jekove peyora vaerä Madián iñemuña reta ipo güi;

1 SAMUEL 11:13

Ërei Saúl jei chupe reta: —Kuae ara mbaetɨ eteita kia omano, echa kuae ara yandeYa ko güɨroasayepe Israel iñemuña reta, jovaicho reta güi.

1 SAMUEL 14:45

Jayave opaete vae jei Saúl pe: —¿Omanota yera Jonatán opa ramo Israel jovaicho reta omoamɨri vae? ¡Agüɨye jökorai! YandeYa jee re, agüɨye metei ave ia toa iñäka güi ɨvɨ re, echa Tumpa iporomborɨ rupi ko jae oyapo jókuae. Jökorai sundaro reta güɨroasayepe mano güi Jonatán.

1 SAMUEL 19:6

Jare Saúl oendu Jonatán jeigüe yave jei Tumpa jee re: —YandeYa oikove vae jee re, jae ngaraa omano.

1 SAMUEL 20:32

Ërei Jonatán jei tu pe: —¿Maera pa omanota? ¿Oime pa mbae ikavimbae oyapo?

1 SAMUEL 22:14

Jayave Ahimelec jei mburuvicha guasu pe: —¿Kia nunga pa ndeɨvɨrigua reta güi jupi yae David rami, nderovaya vi, oyeokuai ndeve vae, jare imboetea vae ndero pe?

1 SAMUEL 28:21

Jayave jókuae kuña oya katu Saúl re, oecha okɨɨye rai yae ramo jei chupe: —Mase che nderembiokuai ayapo ma reiporu vae, añemoëgua ko mano pe jare aendu opaete ñee nde rere cheve vae.