1 SAMUEL 19:24 - Biblia Guarani Tumpa Iñee

²⁴ Jare omboi jemimonde jare omboɨpɨ omombeu Tumpa iñee, ïru reta rami Samuel jóvai, opaete jókuae ara jare jókuae pɨ̈tu, joko güi oë kuae ñee “¿Saúl vi yera ñeemombeúa?”

1 SAMUEL 19:24 ပူးပေါင်းရင်းမြစ်များ

2 SAMUEL 6:14

David omonde güɨreko metei temimonde iyɨvambae sacerdote pegua pe lino pegua, jare güɨropo tätagüe yandeYa jóvai,

2 SAMUEL 6:20

Jare David ojo ye vi jo kotɨ oyerure vaerä jo pegua reta re, ërei jembireko Mical, Saúl tayɨ oë oövaiti jei reve chupe: —¡Ikavi yae oyekuaa Israel juvicha guasu, opɨrae ramboeve imborɨa reta jembiokuai kuña reta jovake, oipotagüe kia nunga vae oyapo rami reyapo!

ISAÍAS 20:2

Jókuae ara rupi yandeYa imiari ñeemombeúa Isaías, Amoz taɨ pe, jei chupe körai: “Emboi ndeyeugüi jókuae temimonde mbɨatɨtɨ pegua jare emboi vi ndepɨapaa.” Jökorai oyapo Isaías, jare oguata ipɨgüɨrai jare omboi jókuae jemimonde mbɨatɨtɨ pegua.

MIQUEAS 1:8

Kuae re chepɨatɨtɨta jare cheräseta ayaeo, chepɨgüɨraita jare chenandita aguata; cheräse pukuta aiko aguarayaɨmba rami, jare yandu oya ramo vae jäse rami.

NÚMEROS 24:4

Tumpa iñee oendugüe jei vae, Imbaepuere yae ete vae oechauka mbae chupe vae, ikera rupi mbae oecha katu vae:

Hechos 9:21

Jare opaete oendu vae reta ipɨakañɨ yae, jare jei: “¿Kuae, jaeä yera Jerusalén pe oiporarauka oporogüɨrovia vae reta pe vae? Jare ou vi kuae pe oipɨɨ vaerä kuae nunga reta güɨraja sacerdote reta itenondegua reta pe.”

1 SAMUEL 10:6

Jare Tumpa iEspíritu outa nderé mbaepuere ndive, jare remombeuta jae reta ndive Tumpa iñee; jare oipoepɨta ndeyemongeta.

1 SAMUEL 15:35

Kuae jaɨkue rupi mbaetɨ ye Samuel oecha Saúl opaete oikove oiko ramboeve. Samuel oäpiro Saúl, jare yandeYa ipɨatɨtɨ oñono ramo Saúl mburuvicha guasurä Israel iñemuña reta re.

1 SAMUEL 18:10

Jare pɨareve pe Tumpa omaeño espíritu ikavimbae vae oya Saúl re, jare kuae omombokere jo pe, jare David ombopu arpa ombopuse rami, jare Saúl güɨnoi ipo pe mii.