1 SAMUEL 18:8 - Biblia Guarani Tumpa Iñee

⁸ Jáeramo Saúl täta iyarasɨ, mbaetɨ ipöra chupe jókuae jei reta vae, jare jei: —David oporoyuka diez mil rupi jare Saúl oporoyuka mil rupi, jei reta. ¡Mburuvicharä ñoete ma oata oñono reta vaerä!

1 SAMUEL 18:8 ပူးပေါင်းရင်းမြစ်များ

GÉNESIS 37:11

Jare tɨkeɨ reta omotareɨ yae, ërei tu oyemongeta oiko kuae re.

GÉNESIS 37:8

Jayave tɨkeɨ reta jei chupe: —¿Reikota ra nde oreruvicharä, ani renoita ra mbaepuere oreré? Jare jae reta jeiete omotareɨ, ipaɨu re imiari jeko pegua.

1 REYES 2:22

Jayave mburuvicha guasu jei ichɨ pe: —¿Maera pa reiporu Abisag Sunem-ɨgua, Adonías peguarä? ¡Michi oata reiporu vaerä mborookuaía oñemee vaerä chupe, echa jae ko cherɨkeɨ jare güɨnoi sacerdote Abiatar omborɨ vaerä jare Joab Sarvia imembɨraɨe!

ESTER 3:5

Jare Amán oasa Mardoqueo jóvai rupi yave, oecha mbaetɨ oyetavatɨka ani oñemomichi chupe ramo iyarasɨ yae.

PROVERBIOS 13:10

Pɨayemboete, güeru ñeraro; ërei yemboarakuaa oendu vae, yarakuaa katu.

PROVERBIOS 27:4

Arasɨ ikaviä yae ko, arasɨ rai yavaete yae ko, ërei ñemotareɨ mbaetɨ kia ipuere güɨropɨa.

ECLESIASTÉS 4:4

Jökoraiño vi aecha opaete mbaravɨkɨ ikavi yae oyeapo vae rupi ou ñemoägüɨro. Jökorai vi kuaekuae mbaeä etei ko, yayemoambekoiño ma ko jese.

NÚMEROS 11:1

Jare Israel iñemuña reta iñeenguru yandeYa kotɨ; yandeYa oendu jare iyarasɨ yae, jare ombou tata chupe reta, jare opa oapɨ teyupa metei jembeɨ.

NÚMEROS 22:34

Jayave Balaam jei yandeYa iaraɨgua pe: —Cheyoa ko, mbaetɨ ramo aikuaa nde ko reñeñono cheopia vaerä tape pe; ërei añave mbaetɨ ko jae kavi ndeve yave, tayerova ye.

Santiago 4:5

Tumpa Iñee oyekuatía oï vae añete vae ko, echa jei: “Espíritu jae oñono yandepɨa pe vae, jägüɨro yae yanderé.”

1 SAMUEL 13:14

Ërei añave ndeporookuaía ngaraa oiko avei. YandeYa oeka ma iyeupe metei kuimbae jae ipɨakatu jese vae, jókuae yandeYa oiparavo ma oï vaerä mburuvicharä kuae tëta jae imbae vae re, nde mbaetɨ reñovatu yandeYa ndeokuai jese vae jeko pegua.

1 SAMUEL 15:28

Jayave Samuel jei chupe: —Körai yandeYa omondoro añave ndeporookuaía Israel iñemuña reta güi, jare omee metei nerëtaɨgua pe, jeko kavi yae ndegüi vae pe.

1 SAMUEL 16:13

Jare Samuel oipɨɨ vecha kuimbae-räti asaite güɨnoi pɨpe vae, jare opɨyere jese oñono tee vaerä tɨkeɨ reta jóvai; jare jókuae ara güive yandeYa iEspíritu ou David re. Javoi Samuel opüa jare oyerova ye ojo Ramá kotɨ.

1 SAMUEL 18:9

Jare jókuae ara güive Saúl mbaetɨ ma omae kavi David re.

1 SAMUEL 19:1

Saúl omomiari taɨ Jonatán jare opaete jembiokuai reta oyuka reta vaerä David. Ërei Jonatán oaɨu yae David ramo,

1 SAMUEL 20:31

Echa opaete ara Isaí taɨ oikove oiko ramboeve kuae ɨvɨ pe, nde mbaetɨ ndepuere reäro reï vaerä mburuvicharä. ¡Emondo kia togüeru, echa omano tai ko!