1 SAMUEL 18:6 - Biblia Guarani Tumpa Iñee

⁶ Jökorai jae reta oyerova ye yave, David oyuka güire filisteo, opaete tëta guasu reta güi ñogüɨnoe Israel iñemuña pegua kuña reta otairari jare opɨrae reve, oövaiti vaerä mburuvicha guasu Saúl, angúa raɨ ndive, jare tairari yerovia katu pegua ndive, temimbɨ reta tairari pegua ndive.

1 SAMUEL 18:6 ပူးပေါင်းရင်းမြစ်များ

2 SAMUEL 1:20

Agüɨye pemoërakua tëta Gat pe agüɨye pemoërakua tëta Ascalón joka guasu rupi, agüɨye vaerä oyerovia filisteo ikuña reta, agüɨye vaerä opɨrae oyerovia güi itumpa-raanga pota vae reta tayɨ reta.

2 SAMUEL 6:5

David jare opaete Israel iñemuña reta yogüɨraja yogüɨreko Tumpa jóvai, güɨropo reve jare ombopu reve arpa, ngitara, angúa raɨ, mimbɨ jare platillo.

SALMOS 149:3

Pemboete jee peropo reve, petairari chupeguarä angúa raɨ jare arpa ipu rupi.

SALMOS 68:11

YandeYa omee ñee; jeta kuña omoërakua körai:

SALMOS 68:25

Otairari vae reta yogüɨraja tenonde, tembiporu tairari pegua ombopu vae reta taɨkue, jare mbɨte pe yogüɨraja kuñatai taɨrusu vae reta ombopu reve angúa raɨ.

ÉXODO 15:20

Jare ñeemombeúa María, Aarón jeindɨ oipɨɨ metei angúa raɨ, jare opaete kuña reta oë jaɨkue angúa raɨ ndive ochüke reve,

ÉXODO 15:21

jare María jei chupe reta: “Petairari yandeYa pe, echa oyembotuicha yae ete, opa omopɨ̈tupa ɨguasu pe kavayu jare kavayu regua reta.”

ISAÍAS 30:32

jare yandeYa oitɨ ichikote jese ñavo, oyemboputa angúa raɨ jare arpa. YandeYa etei oñerarota jae reta ndive yavaetegüe.

JUECES 11:34

Jare Jefté oyerova ye jëta Mizpa kotɨ yave, tayɨ jaevaeño oë oövaiti güɨropo reve jare ombopu angúa raɨ, Jefté mbaetɨ ye ïru tayɨ ani taɨ güɨnoi chugüi.

1 SAMUEL 18:5

Jare David ojo oipota rupi Saúl omondoa kotɨ, jare yarakuaa katu reve kavi oiko. Jare Saúl oñono kuimbae ñeraro regua reta itenondeguarä, jare jae reta ipɨakatu yae omae jese, jökorai vi Saúl iyɨvɨrigua reta.