1 SAMUEL 18:30 - Biblia Guarani Tumpa Iñee

³⁰ Mburuvicha filisteo reta ñogüɨnoe oñeraro ñavo, David oporomoamɨri avei Saúl isundaro ruvicha reta güi, jáeramo jërakua yae jare imboetea yae.

1 SAMUEL 18:30 ပူးပေါင်းရင်းမြစ်များ

2 SAMUEL 11:1

Ërei jókuae año ou ye vae re, mburuvicha reta iñoraro iara pe, David omondo Joab, jare jae ndive opaete imborɨa reta, jare opaete sundaro Israel pegua reta, jare opa oyuka Amón iñemuña reta, jare oñova reta tëta Rabá. Ërei David opɨtaño Jerusalén pe.

2 SAMUEL 7:9

jare aiko nde ndive opaete reoa rupi, jare amoamɨri ndeve opaete nderovaicho reta, amee ndeve nerërakua yae vaerä, kuae ɨvɨ pe amogüe kuimbae reta jërakua yae rami.

2 REYES 1:13

Mburuvicha guasu jekuae omondo ye mboapɨa ma sundaro ruvicha, cincuenta sundaro ndive. Ërei jókuae sundaro ruvicha oyeupi ojo Elías oïa pe, jare oyetavatɨka jóvai, jare omoñera jei reve: —Tumpa iñeemombeúa, romoñera neɨ̈ro vaerä cheve, jare kuae cincuenta chesundaro pe;

SALMOS 116:15

YandeYa pe jasɨ katu ko imbae vae reta imano.

SALMOS 119:99

Ayapɨraa yé aikuaa kavi, chemboe vae reta güi, echa ayemongeta avei ndeporookuai reta re.

PROVERBIOS 12:8

Kuimbae oyemboeteuka iyarakuaa katu güɨnoi rupi, ërei ipɨapochɨ vae, oñereröɨrouka vaeräño ko.

DANIEL 1:20

Opaete yemboe arakuaa pegua re mburuvicha guasu oparandu chupe reta vae pe iyarakuaa katu yae reta, oyapɨraa ye payandepo pe opaete ichoropa vae reta jare yasɨ pɨau re jare yasɨtata re güɨrovia vae reta, opaete iporookuaía pe yogüɨreko vae reta.

San Lucas 21:15

Echa che ameeta peve ñee jare arakuaa, metei ave perovaicho reta mbaetɨta ipuere peré ani peaka.

Efesios 5:15

Jáeramo, peñemoäta ngatu peiko kavi vaerä, agüɨye peiko iyarakuaambae vae reta rami. Peiko iyarakuaa vae reta rami.

1 Pedro 2:4

Peyemboya yandeYa re, jae ko jókuae ita oikove vae, ɨvɨ pegua reta güɨröɨro jókuae ita. Ërei Tumpa peguarä ko oyeparavogüe jare ikavigüe.

1 Pedro 2:7

Pe perovia jese vae reta peguarä ko jae ita ikavigüe; ërei mbaetɨ güɨrovia jese vae reta pe ko: “O iyapoa reta güɨröɨro ita vae, ou opɨta o ekina iguapɨkarä.”

1 SAMUEL 18:29

jeiete okɨɨye chugüi, jare oyovaicho David re opaete ara oikove oiko ramboeve.

1 SAMUEL 18:5

Jare David ojo oipota rupi Saúl omondoa kotɨ, jare yarakuaa katu reve kavi oiko. Jare Saúl oñono kuimbae ñeraro regua reta itenondeguarä, jare jae reta ipɨakatu yae omae jese, jökorai vi Saúl iyɨvɨrigua reta.

1 SAMUEL 19:8

Kuae jaɨkue rupi oiko ye ñeraro, jare David ojo ye oñeraro filisteo reta ndive, jeta oporoyuka jare opa ombotekuarai.

1 SAMUEL 2:30

Jáeramo, Israel iTumpa jei tëi tenonde yave neñemuñagüe reta pe, ndeve jare neñemuña reta oyeokuai vaerä chupe jekuae avei, ërei añave jei: ‘Ngaraa ma ayapo jökorai, amboeteukata chemboete vae reta, ërei chereröɨro vae reta aröɨrota vi.

1 SAMUEL 26:21

Jayave Saúl jei: —¡Ayapo mbaeyoa! ¡Yaja ye cherupíe cheraɨ David, mbaetɨta mbae ikavimbae ayapo ndeve, echa nde mbaetɨ mbae reyapo cheve, che ayapo mbae aikuaambae reve, jare ayavɨ tuicha rupi!

1 SAMUEL 26:24

Mase, che mbaetɨ mbae ayapo ndeve rami, jökorai vi yandeYa tomae kavi cheré, jae tacherenoe mbɨatɨtɨ güi.