1 SAMUEL 18:12 - Biblia Guarani Tumpa Iñee

¹² Saúl okɨɨye David güi, echa oecha yandeYa oï jae ndive, ërei Saúl ndive mbaetɨ ma yandeYa oï.

1 SAMUEL 18:12 ပူးပေါင်းရင်းမြစ်များ

2 SAMUEL 5:10

Jare David imbaepuere okuakuaa ojo oiko, yandeYa Tumpa imbaepuere yae ete vae oime oiko jae ndive.

2 CRÓNICAS 17:3

Jare yandeYa oï Josafat ndive, echa omomoe iñemuñagüe David jeko, mbaetɨ omboete tumpa-raanga baal reta,

SALMOS 51:11

Agüɨye chemombo nderóvai güi, jare agüɨye eekɨ chegüi ndeEspíritu ikɨambae.

SALMOS 53:5

Joko pe oime kɨɨye yavaetegüe, yepe tëi mbaetɨ mbae jeko pegua okɨɨye vaerä. Echa Tumpa opa omoai perovaicho reta ikägüe, ñemomarai pe opɨtata, echa Tumpa güɨröɨro reta.

OSEAS 9:12

Jare yepe tëi ombokuakuaa imichia reta, apɨ̈rota chugüi reta, ngaraa amaeño yogüɨreko. Echa, ¡oiporara yaeta che asɨrɨ chugüi reta yave!

San Mateo 25:41

Jayave jaeta vi cheasu kotɨ ñogüɨnoi vae reta pe: ‘Pesɨrɨ chegüi ikavimbae iyapoa reta, pekua tata opambae vae pe. Jókuae tata oñemokätɨro ma oï aña guasu pe jare araɨgua chupe oyeokuai vae reta pe.

San Marcos 6:20

Echa Herodes oikuaa Juan ko jae kuimbae jupi vae. Jáeramo oipoɨu, jare omaeñoä kia re oyapo vaerä ikavimbae vae chupe. Jare oyeapɨsaka Juan re yave, ipɨakañɨ yae opɨta, ërei ikɨ̈reɨ ngatu reve oyeapɨsaka jese.

San Lucas 8:37

Jayave opaete Gadaraɨgua reta omoñera Jesús ojo ye vaerä jae reta iɨvɨ güi, echa okɨɨye yae reta. Jayave Jesús oyeupi ye barco raɨ pe, jare ojo ye.

Hechos 24:25

Ërei Pablo jei chupe kërai ikavi yayapo vaerä jupi vae, jare yayopia vaerä yanderete oipota vae güi, jare kërai Tumpa ojäata ɨvɨ pegua reta. Félix kuae oendu yave okɨɨye jare jei Pablo pe: —Ekuaño räri. Chepuere yave, toroenɨi ye kuri.

Hechos 7:9

Jókuae yandeɨpɨ reta omotareɨ José ramo omee reta korepoti re, oyererajauka vaerä Egipto pe. Ërei Tumpa oï José ndive,

JUECES 1:19

Jare yandeYa oï Judá iñemuña reta ndive, jae reta opa omoë omombo ɨvɨtɨ rupigua reta; ërei mbaetɨ ipuere opa omoë omombo ɨvɨpe rupigua reta, echa jae reta güɨnoi käretou jiero pegua reta ramo.

JUECES 16:20

Jare jei chupe: —¡Sansón, ko filisteo reta yogüeru ndeve! Sansón okuera oke oï vae güi yave, oyemongeta oyeyora vaerä tenonde yave rami, ërei jae mbaetɨ oikuaa yandeYa osɨrɨ ko chugüi vae.

1 SAMUEL 16:18

Jayave metei iyɨvɨrigua jei: —Mase, che oime aecha metei Isaí Belén pegua taɨ reta güi, oikatu yae ombopu arpa vae, jëia ñeraro regua, yarakuaa katu imiari vaerä, kunumi kavi jare yandeYa oï jae ndive.

1 SAMUEL 16:4

Jare Samuel oyapo yandeYa jei chupe rami, ojo oväe Belén pe yave, jókuae tëta guasu itenondegua reta oë oövaiti okɨɨye reve, jare jei reta: —¿Reyu pa mbɨakatu peguarä?

1 SAMUEL 18:15

Jare Saúl oecha yave David oyapo opaete mbae yarakuaa katu reve kavi, okɨɨye chugüi.

1 SAMUEL 18:20

Ërei Saúl tayɨ Mical jee vae iporopota oiko David re, jare Saúl oikuaa kuae re yave ikavi chupe.

1 SAMUEL 18:29

jeiete okɨɨye chugüi, jare oyovaicho David re opaete ara oikove oiko ramboeve.

1 SAMUEL 20:13

Ërei cheru ndemomburu ndeyuka vaerä yave, jare mbaetɨ ambou amombeu ndeve yave, yandeYa täta toiporarauka cheve; romborɨta reasayepe vaerä. ¡YandeYa toï nde ndive, cheru ndive oikose rami!

1 SAMUEL 22:13

Jare Saúl jei chupe: —¿Maera pa nde jare Isaí taɨ peyovaicho cheré? Nde remee chupe mbɨyape jare kɨsepuku, jare reparandu jese yandeYa pe, oyemboyovaicho vaerä chekotɨ jare chemomburu vaerä.

1 SAMUEL 28:15

Jayave Samuel jei chupe: —¿Maera pa chemoambeko jare chereenɨiuka? Jare Saúl jei: —Chepɨatɨtɨ yae aï, echa filisteo reta oporepeña ñogüɨnoi cheré, jare Tumpa osɨrɨ chegüi; mbaetɨ ye ma imiari che ndive, ñeemombeúa reta rupi ani mbaɨu reta rupi ave. Kuae jeko pegua ko roenɨi remombeu kavi vaerä cheve mbae ayapo vaerä.

1 SAMUEL 3:19

Jare Samuel okuakuaa, jare yandeYa oï jae ndive, mbaetɨ iñee oasaiño ombopombae reve.