1 SAMUEL 18:10 - Biblia Guarani Tumpa Iñee

¹⁰ Jare pɨareve pe Tumpa omaeño espíritu ikavimbae vae oya Saúl re, jare kuae omombokere jo pe, jare David ombopu arpa ombopuse rami, jare Saúl güɨnoi ipo pe mii.

1 SAMUEL 18:10 ပူးပေါင်းရင်းမြစ်များ

1 REYES 18:29

Oasa ma kuaraɨ ara mbɨte yave, jare jae reta jekuaeño täta rupi osapúkai imbokeregüe nunga, ou regua oväe mɨmba oyeyukagüe oñemee kaaru yave vae iora, ërei mbaetɨ oyeendu ñee ave, jare mbaetɨ kia omboyevɨ vaerä jare oendu vaerä.

1 REYES 22:12

Opaete ñeemombeúa reta jökorai vi omombeu, jei reta mburuvicha guasu pe: “Peporepeña tëta Ramot re ɨvɨ Galaad pegua re jare peporomoamɨrita, echa yandeYa omeeta pepo pe tëta guasu.”

JEREMÍAS 28:11

javoi jei opaete vae reta pe: —YandeYa jei: “Köraita ko kuae güi mókoi añoa rupi aekɨ yuvo opaete tëtaguasu reta iyayu güi, Nabucodonosor, mburuvicha guasu Babilonia pegua iyuvo, jare opata amopë mopë.” Jare Jeremías ojo joko güi.

Hechos 16:16

Jare metei ara rojo ye yave yerurea pe, orerövaiti metei kuñatai aña imbaepuere rupi mbae maratuta vae re oikuaa vae. Kuae kuñatai iya reta omongana jeta korepoti jese.

2 Tesalonicenses 2:11

Jáeramo, Tumpa ombou chupe reta mbaepuere mborombotavɨ pegua, güɨrovia reta vaerä apu re;

JUECES 16:20

Jare jei chupe: —¡Sansón, ko filisteo reta yogüeru ndeve! Sansón okuera oke oï vae güi yave, oyemongeta oyeyora vaerä tenonde yave rami, ërei jae mbaetɨ oikuaa yandeYa osɨrɨ ko chugüi vae.

1 SAMUEL 16:23

Jare Tumpa omaeño ou espíritu ikavimbae vae Saúl re yave, David oipɨɨ arpa jare ombopu. Javoi Saúl ipɨakatu jare oasa chugüi ipɨakavimbae, jare espíritu ikavimbae vae osɨrɨ chugüi.

1 SAMUEL 18:9

Jare jókuae ara güive Saúl mbaetɨ ma omae kavi David re.

1 SAMUEL 19:10

Saúl oipota tëi oikutu David mii pe ovapetea re, ërei David ombóguai jare mii oyeatɨka ovapetea rei. Jókuae pɨ̈tu David otekuarai jare ojo.

1 SAMUEL 19:7

Jayave Jonatán oenɨi David, jare omombeu chupe opaete jókuae ñee reta. Jare jae etei güɨraja ye David, Saúl oïa pe, jökorai oiko ye ípɨri, tenonde oyeokuaise rami.

1 SAMUEL 19:9

Jare Tumpa omaeño ou espíritu ikavimbae vae Saúl re oguapɨ oï yave jo pe, jae güɨnoi ipo pe mii David ombopu ramboeve arpa.

1 SAMUEL 26:19

Cheruvicha guasu, romoñera reyeapɨsaka vaerä cheré, yandeYa ndemboyovaicho cheré yave, jae toipɨɨ chegüi mbota, ërei kuimbae retaño yave, toiporara reta yandeYa jóvai, echa añave cherenoe chemombo reta kuae ɨvɨ güi, jei reve cheve: “Ekua eyeokuai ïru tumpa ambuae reta pe.”