1 SAMUEL 17:50 - Biblia Guarani Tumpa Iñee

^50-51 Jayave David osɨi jare opɨ̈ro filisteo iárambo; jare ikɨsepuku güɨnoe chugüi jɨru güi, jare oiñäka-sɨa pɨpe, jökorai oyuka ete. Jökorai David omoamɨri jókuae filisteo tamamboka pe jare ita pe; ombopere jare oyuka güɨnoimbae reve David kɨsepuku ipo pe. Jare filisteo reta oecha isundaro jëia yae ñeraro pegua vae omano yave, otekuarai reta.

1 SAMUEL 17:50 ပူးပေါင်းရင်းမြစ်များ

JUECES 15:15

javoi oipɨɨ mburika jañɨkagüe ndei ave otini ete vae, pɨpe oyuka mil filisteo.

JUECES 3:31

Jaɨkue rupi oiko Samgar, Anat taɨ, jae oyuka seisciento kuimbae filisteo, ɨvɨra puku iyapɨ re güɨnoi jiero vae pe, güeye omoäkua (oyemboarea) pɨpe vae. Samgar oepɨ vi Israel iñemuña reta.

1 SAMUEL 13:22

Jare jókuae ara oñeraro reta yave Micmas pe, Saúl jare Jonatán ndive ñogüɨnoi vae reta mbaetɨ etei güɨnoi reta mii ani kɨsepuku yepe, jaeño ma jae reta mókoi güɨnoi tembiporu ñeraro pegua.

1 SAMUEL 17:39

Jare David oñono Saúl ikɨsepuku ikúa re, jare ojäa güɨroata ata, echa mbaetɨi yepe omonde tenonde yave. Jare David jei Saúl pe: —Mbaetɨ chepuere aguata kuae ndive, echa mbaetɨi ko tenonde yave aiporu. Jare David omboi ye iyeugüi jókuae reta.

1 SAMUEL 17:49

opöe ivokoo pe, güɨnoe metei ita, oñono itamamboka pe jare pɨpe oyapi filisteo jesɨva pe etei; jókuae ita oike etei jesɨva re, jare oa jova kotɨ güi ɨvɨ re.

1 SAMUEL 19:5

Jae oñemoëgua ko mano pe oyuka yave filisteo Goliat, jare yandeYa güɨroasayepe Israel iñemuña reta jókuae ara jovaicho reta güi, nde etei reecha jare reyerovia remae jese. ¿Maera pa reipota reyuka jekombae reve? ¿Remomburu David mbaetɨ reve oñeväe teko jese?

1 SAMUEL 21:9

Jare Sacerdote jei chupe: —Oime anoi Goliat filisteo ikɨsepukugüe, nde reyuka ɨvɨtɨ päu Ela pe vae. Oime oï temimonde iyɨvambae sacerdote pegua ikupe pe, oñeoma oï asoya pe. Jókuae ndepuere reraja echa mbaetɨ yé ïru anoi. Jayave David jei: —Emee cheve, echa mbaetɨ yé ïru jókuae nunga.

1 SAMUEL 23:21

Jare Saúl jei: —YandeYa tiporerekua peré, echa pe reta cheparareko.