1 SAMUEL 17:47 - Biblia Guarani Tumpa Iñee

⁴⁷ Jare opaete kuae pe yatɨ ñogüɨnoi vae reta oikuaata, kërai cheYa mbaetɨ oporoepɨ kɨsepuku pe jare mii pe vae; echa jae imbae ko ñeraro, jare jae pemeeta orepo pe.

1 SAMUEL 17:47 ပူးပေါင်းရင်းမြစ်များ

2 REYES 5:15

Jare oyerova ye Tumpa iñeemombeúa kotɨ, jae jare opaete iguataïru reta ndive, jare oyemboɨ jae jóvai, jare jei: —¡Añave aikuaa, mbaetɨ yepe Tumpa opaete ɨvɨ pe, jaeño oime Israel pe! Romoñera reipɨɨ vaerä mbae nunga mbota yepe, kuae che arugüe güi.

2 CRÓNICAS 14:11

Jare Asa oyerure iYa Tumpa pe, jei: “CheYa, ndeve mbaetɨ yavai remborɨ vaerä imbaepuere vae ani mbaetɨ imbaepuere vae. ¡Oremborɨ oreYa Tumpa, echa nderé royeko, jare nderee re royu roñeraro vaerä kuae sundaro reta ndive! Nde oreYa jae ko oreTumpa. ¡Eechauka mbaetɨ ko kia ipuere oyovaicho nde ndive vae!”

SALMOS 46:11

¡YandeYa imbaepuere yae ete vae oime yande ndive! ¡Jacob iTumpa jae ko ñaneñepɨ̈roa!

ISAÍAS 9:7

Iporookuaía tuicha yaeta, jare mbɨakatu mbaetɨta opa David iguapɨa re jare iporookuaía re, oñono kavita ñejäa jupi rupi, jare isɨmbi rupi añave güive oiko avei vaerä. YandeYa imbaepuere yae vae jägüɨro rupi oyapota kuae.

OSEAS 1:7

Ërei Judá pegua reta re anoita mboroparareko, jare che peYa Tumpa aepɨta; mbaetɨta aepɨ güɨrapa rupi, ani kɨsepuku rupi, ani ñeraro rupi, ani sundaro kavayu regua reta rupi.”

ZACARÍAS 4:6

Jayave jei cheve: “Kuae ko jae yandeYa iñee Zorobabel peguarä: ‘Mbaetɨ sundaro ndive ani mɨ̈rata pe, jaeño cheEspíritu ndive jei yandeYa Imbaepuere yae ete vae.

Romanos 8:31

¿Mbae pa yaeta jayave kuae re? Echa Tumpa ko yandemborɨ vae, jayave ¿kia pa ñanemoamɨrita?

Romanos 8:37

Ërei yepe tëi opaete kuae oyeapo yandeve, jekuaeñoi ñaporomoamɨri jókuae yanderaɨu vae rupi.

JOSUÉ 10:8

jare yandeYa jei Josué pe: “Agüɨye ekɨɨye chugüi reta, echa che amee ndepo pe, metei ave chugüi reta ngaraa ipuere oñeraro nde ndive.”

1 SAMUEL 14:6

Jare Jonatán jei jembiporu ñeraro pegua ivoɨa pe: —Eyu yaja ñapüa kuae itumpa-raanga pota vae reta re. Güɨramoi yandeYa yandemborɨta ko, echa chupe mbaetɨ etei mbae yavai oporoepɨ vaerä jeta vae rupi ani mbovɨ vae rupi.

1 SAMUEL 18:17

Metei ara Saúl jei David pe: —Mase, tamee nderembirekorä cherayɨ tenondegua Merab jee vae, ërei reikota cheve ñeraro regua jëia vae yandeYa jee re. Saúl oyemongeta mbaetɨta jae etei oyuka, ërei oyemongeta filisteo reta ipo pe omano vaerä.