1 SAMUEL 17:43 - Biblia Guarani Tumpa Iñee

⁴³ Jare jei David pe: —¿Yaɨmba pa che, reyu vaerä cheve ɨvɨra ndive? Jare oyepopeyu David kotɨ opaete itumpa reta jee re.

1 SAMUEL 17:43 ပူးပေါင်းရင်းမြစ်များ

GÉNESIS 27:29

Toyeokuai ndeve opaete vae, Tëtaguasu reta toyetavatɨka nderóvai; eporookuai nerëtara reta re. Ndesɨ imembɨ reta toyetavatɨka nderóvai. Yepopeyu toï, oyepopeyu nderé vae re, jare mborerekua toï jei ñee kavi ndekotɨ vae reta re.”

2 SAMUEL 16:5

Jare mburuvicha guasu David ojo oväe tëta Bahurim pe yave, oë joko güi oövaiti metei kuimbae Saúl jëtara vae jei reve ñee jasɨ katu vae ikotɨ; jókuae kuimbae jee Simei, Gera taɨ

2 SAMUEL 16:9

Jayave Abisai, Sarvia imembɨraɨe jei mburuvicha guasu pe: —¿Maera pa kuae yaɨmba rëogüe pochɨ jei ñee jasɨ katu vae ndekotɨ? ¡Emaeño taja iñäka tayasɨa!

2 SAMUEL 3:8

Jare Abner iyarasɨ yae, jókuae Is-boset omboeta chupe vae re, jare jei: —¿Yaɨmba oyeokuai Judá pe vae pa che? Che anoi mboroparareko nderu Saúl iñemuña reta re, jëtara reta re jare ivɨa-ïru reta re, jare mbaetɨ romee David ipo pe. ¿Jare añave nde chemboyoa reï kuae kuña ndive?

2 SAMUEL 9:8

Ërei jae itindɨ jare jei: —¿Kia pa che nemaendúa vaerä cheré? Che ko metei yaɨmba jëogüegüe ramiño.

1 REYES 20:10

jare Ben-adad omondo jei Acab pe: “¡Täta toiporarauka cheve tumpa reta, mbaetɨ yave Samaria opaetei amboai!”

2 REYES 8:13

Jare Hazael jei: —¿Kia pa che ayapo vaerä jókuae nunga? Eliseo jei chupe: —YandeYa oikuaauka cheve, nde reikota mburuvicha guasurä Siria pe vae.

PROVERBIOS 26:2

Güɨra oguata vae ani tapérai oveve vae rami ko; yepopeyu mbaetɨ ouiño tekombae reve.

NÚMEROS 22:6

Jáeramo, romoñera reyu vaerä reyepopeyu kuae tëta re cheve, echa jëia yae ko chegüi; güɨramoi chepuereta amoamɨri jare amoë amombo kuae ɨvɨ güi, echa aikuaa katu ko nde reyerure mborerekua re jese vae ikavi, ërei reyepopeyu jese vae re oa yepopeyu.”

JUECES 9:27

kuae reta ñogüɨnoe oipoo uva ko pe jare oyapo reta vino, oyapo reta vi arete tuicha vae, oike okaru jare okau reta itumpa-raanga reta jo pe, jei reve ñee kavimbae Abimelec kotɨ.

1 SAMUEL 14:12

Jare jókuae sundaro reta osapúkai Jonatán pe jare jembiporu ñeraro pegua ivoɨa pe jei reve: —¡Peyeupi peyu orekotɨ, oremiarita mbae re peve! Jayave Jonatán jei jembiporu ñeraro pegua ivoɨa pe: —Eyu cheraɨkue, echa yandeYa ko omee Israel iñemuña reta ipo pe.

1 SAMUEL 24:14

¿Kia jaɨkue pa Israel iñemuña reta juvicha guasu ojo? ¿Kia pa oaɨkuemoña? ¡Che ko metei yaɨmba omanogüe vae rami, ani tüata (piki) rami!

1 SAMUEL 24:15

YandeYa toiko ñanejäa vaerä ¡Jae toï omae vaerä añave kërai aï vae re, jae tachereepɨ ndegüi!”