1 SAMUEL 17:4 - Biblia Guarani Tumpa Iñee

⁴ Jayave filisteo reta jeyupa güi oë metei kuimbae jëia yae ñeraro pe vae, Goliat jee vae, tëta guasu Gat pegua, ipukugüe güɨnoi mboapɨ metro rupi.

1 SAMUEL 17:4 ပူးပေါင်းရင်းမြစ်များ

1 CRÓNICAS 11:23

Jae vi omoamɨri metei Egiptoɨgua ipuku yae vae, mókoi metro oasa güɨnoi vae, jae güɨraja ipo pe imii tembiapo oñeñono jese vae ipo guasu rami vae. Ërei Benaía oporepeña jese ɨvɨra ndive, pɨpe oipoekɨ imii güi, jare oyuka imii pe ae.

AMÓS 2:9

Che ko opa amboai peve amorreo reta, jae reta ko pukugüe tëi ɨ̈vɨrare rami, jare täta ɨvɨra encina rami; opaetei ko amboai.

DEUTERONOMIO 3:11

Og mburuvicha guasu Basán pegua jaeño ete opɨta kuimbae puku vae reta ipɨte güi; jupa jiero pegua irundɨ metro pukugüe, mókoi metro seri ipɨgüe, oimeño oï Rabá pe.

JOSUÉ 11:22

Metei ave Anac iñemuña reta mbaetɨ opɨta Israel iñemuña reta iɨvɨ pe; jaeño opɨta reta Gaza pe, Gat pe jare Asdod pe.

1 SAMUEL 17:23

Jare oñomomiari ñogüɨnoi ramboeve, filisteo reta ipɨte güi oë metei kuimbae Gat pegua Goliat jee vae jëiagüɨyeimbae vae, jókuae omoë ñee ara ñavo jei vae.

1 SAMUEL 17:3

Jare filisteo reta ñogüɨnoi metei ɨvɨtɨ re, jare Israel pegua reta ñogüɨnoi ïru ɨvɨtɨ re, jare ɨvɨtɨ päu ipe kavi vae oï jae reta ipäu pe.

1 SAMUEL 17:5

Güɨnoi iñäka re metei äka-ɨru jiero iyu vae pegua, jare omonde vi metei temimonde jiero iyu vae pegua oñeopegüe; jare jókuae temimonde ipoɨ ko cincuenta y cinco kilo rupi.

1 SAMUEL 27:4

Jare Saúl oikuaa David otekuarai yepe Gat kotɨ vae; kuae jaɨkue rupi mbaetɨ ye ma oeka.