1 SAMUEL 17:37 - Biblia Guarani Tumpa Iñee

³⁷ Jare jei ye David: —YandeYa chereepɨ yaguapope ipöape güi jare oso ipöape güi vae, jae etei vi chereepɨta kuae filisteo ipo güi. Jare Saúl jei David pe: —Ekua, jare yandeYa toï nde ndive.

1 SAMUEL 17:37 ပူးပေါင်းရင်းမြစ်များ

2 SAMUEL 10:12

Eñemoäta ngatu, ñañemoäta ngatu ñañoraro ñanerëtaguasu re, jare tëta guasu reta pɨpegua Tumpa imbae reta re. ¡Jare yandeYa toyapo jaekavi chupe vae!”

1 CRÓNICAS 22:11

Añave cheraɨ, yandeYa toï nde ndive reupitɨ regua ara remopüa o yandeYa neTumpa pe, jae güɨrökuavee nde reyapota vae rami.

SALMOS 11:1

CheYa reño ko ayeko, jayave mbaetɨ jupi jei vaerä chekotɨ vae: “Totekuarai ɨvɨtɨ kotɨ güɨra rami.”

SALMOS 118:6

YandeYa oï che ndive, ngaraa akɨɨye, kia oipota oyapo mbae cheve vae güi.

SALMOS 138:3

Roenɨi yave, nde reendu cheve, jare chemopɨ̈rata.

SALMOS 63:7

Echa nde ko jae chemborɨ vae. ¡Ndepepo igüɨ pe ayerovia katuta!

SALMOS 77:11

Chemaenduata cheYa kërai mbaembae oyapogüe re, jókuae arakae yave oyapogüe re.

DANIEL 3:17

Oreruvicha guasu, mase, oreTumpa royeokuai chupe vae ipuere ko orereepɨ horno jendɨvuku oï vae güi; jare ndepo güi ave orereepɨta ko.

JOSUÉ 1:17

Opaete mbaembae rupi Moisés romboete rami, jökorai vi toroyapo nde ndive. Jaeño roiporu yandeYa Tumpa tandemborɨ, Moisés ndive oiko rami.

RUT 2:4

Jókuae ara etei Booz ou oväe Belén güi, jare ombaepoo vae reta pe jei: —¡YandeYa toï pe ndive! Jare jae reta jei chupe: —¡YandeYa tiporerekua nderé!

1 SAMUEL 17:36

Yaguapope ani oso viña pa ayuka; vɨtei pa kuae filisteo itumpa-raanga pota vae, echa iñeeasɨ katu Tumpa oikove vae isundaro reta kotɨ.

1 SAMUEL 17:38

Jare Saúl omondeuka jemimonde ñeraro pegua David pe, jare oñono iñäka re metei äka-ɨru jiero iyu vae pegua, jare omondeuka vi chupe temimonde jete regua ñeraro pegua.

1 SAMUEL 20:13

Ërei cheru ndemomburu ndeyuka vaerä yave, jare mbaetɨ ambou amombeu ndeve yave, yandeYa täta toiporarauka cheve; romborɨta reasayepe vaerä. ¡YandeYa toï nde ndive, cheru ndive oikose rami!

1 SAMUEL 24:19

Echa, ¿kia pa omaeñota jovaicho re ojoyepe vaerä? Jáeramo, ¡yandeYa tiporerekua nderé, reyapo ramo kuae ara ikavi vae cheve!

1 SAMUEL 26:25

Jare Saúl jei David pe: —¡Eyekou cheraɨ David! ¡Echa nde reyapota mbae tuicha vae jare oikota vae! Kuae jaɨkue rupi David ojo joko güi, jare Saúl ou ye jëta kotɨ.

1 SAMUEL 7:12

Javoi Samuel oipɨɨ metei ita jare oñono Mizpa jare tëta Sen jee vae ipäu pe, jare ombojee Eben-ezer, jei reve: “Kuae ara jekuaeñoi yandeYa yandemborɨ.”