1 SAMUEL 17:36 - Biblia Guarani Tumpa Iñee

³⁶ Yaguapope ani oso viña pa ayuka; vɨtei pa kuae filisteo itumpa-raanga pota vae, echa iñeeasɨ katu Tumpa oikove vae isundaro reta kotɨ.

1 SAMUEL 17:36 ပူးပေါင်းရင်းမြစ်များ

2 CRÓNICAS 32:17

Senaquerib oikuatía vi tupapire oyangao vaerä yandeYa Israel iTumpa, jei körai: “Tëtaguasu reta itumpa reta mbaetɨ ipuere oepɨ chembaepuere güi iɨvɨ, jökorai Ezequías iTumpa ngaraa ipuere oepɨ chembaepuere güi kuae ɨvɨ pegua reta.”

ISAÍAS 10:15

¿Ipuere pa yɨɨ oyererovia katu, pɨpe ombaeasɨa oï vae güi?, ani ¿siera oyererovia katu imomɨia güi? Popoka ɨvɨra peguaño vae, ¿ipuere pa jae oupi iya?

ISAÍAS 36:15

Echa oipota yave güɨroviauka peve jare jei yave: “YandeYa ko yandereepɨta, jae ngaraa omaeño oa kuae tëta mburuvicha guasu Asiria pegua ipo pe.”

ISAÍAS 36:18

Ërei Ezequías jei yave peYa Tumpa pereepɨta ko, agüɨye peyembotavɨuka chupe. ¿Peecha pa ïru tumpa-raanga reta oepɨ jëtaguasu, mburuvicha guasu Asiria pegua ipo güi?

EZEQUIEL 28:10

Ketɨgua reta ipo pe remanota, Tumpa re güɨroviambae vae reta omano rami. Che ndeYa jae kuae.”

EZEQUIEL 32:19

¿Jae pa nde ipöra yae ïru reta güi vae? Egüeyɨ jare eyepɨso Tumpa re güɨroviambae reta ndive tɨvɨa pe.

DANIEL 5:23

ërei cheYa ara pe oï vae kotɨ reyembopɨapochɨ, jare reruruka nderóvai vaso reta Tumpa jo pegua, nde jare ndeɨvɨrigua mburuvicha reta, nderembireko reta jare kuña rerekoiño vae reta ndive rekau pɨpe; jare kuae güire, remboete tumpa reta korepoti pegua, oro pegua, jiero iyu vae pegua, jiero pegua, ɨvɨra pegua jare ita pegua; jókuae omaembae reta, oendumbae reta, yarakuaambae reta; jare Tumpa jae ipo pe nderekove oï vae jare opaete reyapogüe reta jese oiko vae mbaetɨ remboete.

ZACARÍAS 12:3

Jókuae ara che añonota Jerusalén metei ita ipoɨ yae vae rami, opaete tëta reta pe; opaete ovoɨ tëi vae reta opata oyeakɨouka. Opaete tëtaguasu reta ɨvɨ pegua yatɨ yatɨta Jerusalén re,

ZACARÍAS 2:8

Echa yandeYa Imbaepuere yae ete vae chembou tëtaguasu reta pepogüɨrai pereeya vae pe kuae ñee ndive. “Echa opoko pere yave kia nunga vae, cheresäɨ kunumi re opoko rami ko.

1 SAMUEL 14:6

Jare Jonatán jei jembiporu ñeraro pegua ivoɨa pe: —Eyu yaja ñapüa kuae itumpa-raanga pota vae reta re. Güɨramoi yandeYa yandemborɨta ko, echa chupe mbaetɨ etei mbae yavai oporoepɨ vaerä jeta vae rupi ani mbovɨ vae rupi.

1 SAMUEL 17:10

—Jare jókuae filisteo jei ye—: “¡Che ayapo añave kuae pomboarasɨ vaerä! ¡Pembou cheve metei kuimbae oñoraro vaerä che ndive!”

1 SAMUEL 17:26

Jayave David oparandu jae ndive ñogüɨnoi vae reta pe: —¿Mbae pa oñemeeta jókuae kuimbae omoamɨri kuae filisteo vae pe, jare omokañɨ kuae ñeeasɨ katu Israel iñemuña reta güi vae? Echa, ¿mbae nunga mbatee pa kuae filisteo itumpa-raanga pota vae oyovaicho vaerä Tumpa oikove vae isundaro reta re?

1 SAMUEL 17:35

che aaɨkuemoña jare ayuka, jökorai apɨ̈ro ye iyuru güi; jare oporepeña cheré yave, che aipɨɨ jañɨka pe jare ayuka.

1 SAMUEL 17:37

Jare jei ye David: —YandeYa chereepɨ yaguapope ipöape güi jare oso ipöape güi vae, jae etei vi chereepɨta kuae filisteo ipo güi. Jare Saúl jei David pe: —Ekua, jare yandeYa toï nde ndive.

1 SAMUEL 18:17

Metei ara Saúl jei David pe: —Mase, tamee nderembirekorä cherayɨ tenondegua Merab jee vae, ërei reikota cheve ñeraro regua jëia vae yandeYa jee re. Saúl oyemongeta mbaetɨta jae etei oyuka, ërei oyemongeta filisteo reta ipo pe omano vaerä.

1 SAMUEL 31:4

Jayave Saúl jei iyeopiaka ivoɨa pe: —Eekɨ ndekɨsepuku, jare chekutu pɨpe, agüɨye vaerä yogüeru kuae itumpa-raanga pota vae reta cheyuka, jare oyuvanga reta cheré. Ërei iyeopiaka ivoɨa mbaetɨ oipota, echa okɨɨye yae. Jayave Saúl oipɨɨ ikɨsepuku oa jese, oyeyuka.