1 SAMUEL 17:34 - Biblia Guarani Tumpa Iñee

³⁴ Jare David jei Saúl pe: —Che jae ko cheru ivecha reta re oyangareko vae; jare ou yave yaguapope ani oso, jare oipɨɨ metei vecha japicha reta ipɨte güi yave,

1 SAMUEL 17:34 ပူးပေါင်းရင်းမြစ်များ

GÉNESIS 31:39

Mbaetɨi aru ndeve mɨmba pochɨ vae ñana rupigua jembia che, amboepɨ ndeve; jare mɨmba oñeomigüe ara pe ani pɨ̈tu yave vae re, rekovara cheve.

2 SAMUEL 17:8

Nde reikuaa ko kërai nderu jare isundaro reta jëia yae ko, iyarasɨ yae ko añave aipo ñogüɨnoi reta, mbaemɨmba kaa rupigua imembɨ oñepɨ̈ro chugüigüe rami. Jare nderu ko, kuimbae ñeraro regua, ngaraa oke jupiegua reta ndive.

2 SAMUEL 23:20

Benaía, Joiada taɨ, kuimbae jëia yae vae, jeta mbaembae tuichagüe oyapo. Jae ko tëta Cabseel pegua. Jae oyuka mókoi reve yaguapope Moab pe. Metei ara iroɨ oa oï reve ogüeyɨ ɨvɨkua pe joko pe oyuka metei yaguapope.

1 CRÓNICAS 11:22

Benaía, jae ko Joiada jëia vae taɨ tëta Cabseel pegua, jae oyapo jeta mbae tuicha vae. Jae oyuka mókoi reve jëia yae vae Moab pe, jae vi ogüeyɨ metei ɨvɨkua pe oyuka metei yaguapope iroɨ oa iara pe.

SALMOS 143:5

Chemaendúa arakae ara reta oasagüe re, ayemongeta opaete nderembiapo reta re, ndembaepuere pe reyapo vae re.

EZEQUIEL 34:12

Vecha iyangarekoa oikuaa ivecha reta oñemoai ñogüɨnoi chugüi yave vae rami, jökorai aikuaata chevecha reta, aruta oipota rupi oñemoai ñogüɨnoia rupi güi, jasɨ katu ñogüɨnoi yave opa oñemoai vae.

AMÓS 3:12

YandeYa jei körai: “Mɨmba iyangarekoa opɨ̈ro yaguapope iyuru güi jɨmba ipɨgüe ani inambi iyapɨgüe, jökoraita otekuarai Israel iñemuña reta, Samaria pe oguapɨ vae reta, tupa kavi Damascoɨgua re oke vae reta.”

ZACARÍAS 11:16

Echa che amopüa kuae ɨvɨ pe metei omaangareko vae mbaetɨta oeka okañɨgüe, mbaetɨta vi oeka ndeigüe ani oipoano ipere vae, ikangɨgüe ave mbaetɨta ovoɨ güɨraja, jaeño jouta ikɨra vae isoo jare ipɨ̈sagüe ave mbaetɨta oeya.

ZACARÍAS 9:7

Iyuru güi aekɨta soo jugüɨ reve jou vae jare soo mbaetɨta tëi jou vae, jare chugüi jembɨregüe opɨtata Tumpa peguarä, jare sundaro ruvicha ramita Judá pe jare Ecrón, Jebuseo ramita.

San Lucas 2:8

Jare jókuae pɨ̈tu amogüe vecha iyangarekoa reta oyangareko ñogüɨnoi ivecha reta re köiño jókuae tëta güi.

San Juan 10:11

Che ko jae vecha reta iyangarekoa ikavi vae. Vecha reta iyangarekoa ikavi vae omano vecha reta oepɨ vaerä.

Romanos 5:4

jare yandepɨaguasu yave, yaikuaa ñanepɨ̈rata ma ko vae. Jare yaikuaa yave ñanepɨ̈rata ma, ñaäro yayerovia reve.

Hebreos 11:33

iporogüɨrovia rupi opɨ̈ro reta mborookuaía reta, oyapo reta jupi vae, omboresive reta oñererökuavee chupe reta vae, jare oiyuruokua yaguapope reta,

Apocalipsis 13:2

Jare jókuae mbaemɨmba guasu aecha vae metei yaguaparaecha, jare ipɨ oso ipɨecha, jare iyuru yaguapope iyuruecha. Jare mbaeporou guasu tenonde aecha vae omee chupe imbaepuere jare iguapɨa mburuvicha pegua.

JUECES 14:6

Jayave yandeYa iespíritu ou Sansón re, jare jae opa omondoo ndoo ipo pe etei yaguapope kavara raɨ rami; ërei jókuae mbaetɨ omombeu tu jare ichɨ pe.

1 SAMUEL 17:15

Jare David ojo ñeraroa pe Saúl jeyupa oïa pe, ërei ou ye yepi joko güi Belén pe, oyangareko vaerä tu ivecha reta re.

1 SAMUEL 17:33

Jare Saúl jei David pe: —Nde ngaraa ndepuere reo nde aeño pea filisteo kotɨ reñeraro vaerä jae ndive; echa nde ndetaɨrusuasɨ yae ko, ërei jae ko kuimbae ñeraro regua taɨrusu güive.

1 SAMUEL 17:35

che aaɨkuemoña jare ayuka, jökorai apɨ̈ro ye iyuru güi; jare oporepeña cheré yave, che aipɨɨ jañɨka pe jare ayuka.