1 SAMUEL 17:26 - Biblia Guarani Tumpa Iñee

²⁶ Jayave David oparandu jae ndive ñogüɨnoi vae reta pe: —¿Mbae pa oñemeeta jókuae kuimbae omoamɨri kuae filisteo vae pe, jare omokañɨ kuae ñeeasɨ katu Israel iñemuña reta güi vae? Echa, ¿mbae nunga mbatee pa kuae filisteo itumpa-raanga pota vae oyovaicho vaerä Tumpa oikove vae isundaro reta re?

1 SAMUEL 17:26 ပူးပေါင်းရင်းမြစ်များ

2 REYES 19:4

Güɨramoi yandeYa Tumpa oendu opaete Rabsaces iñee reta, iya mburuvicha guasu Asiria pegua ombou iñeenguruasɨ katu vaerä Tumpa oikove avei vae kotɨ, oiporarauka vaerä iñee rupi; kuaekuae yandeYa Tumpa oendu. Jáeramo eyerure oimeño opɨtagüe reta re.”

2 CRÓNICAS 32:17

Senaquerib oikuatía vi tupapire oyangao vaerä yandeYa Israel iTumpa, jei körai: “Tëtaguasu reta itumpa reta mbaetɨ ipuere oepɨ chembaepuere güi iɨvɨ, jökorai Ezequías iTumpa ngaraa ipuere oepɨ chembaepuere güi kuae ɨvɨ pegua reta.”

NEHEMÍAS 5:9

Jare jae vi chupe reta: “Pe reta peyapo peï vae mbaetɨ ko ikavi. ¿Maera pa mbaetɨ peipoɨu ñaneTumpa güi, agüɨye vaerä opuka tovaicho reta yanderé?

SALMOS 44:13

Oremomaraiuka orerëta-ɨpɨ pegua reta pe, oreyóyai yoyaiuka oreɨvɨrigua reta pe.

SALMOS 74:18

Nemaendúa kuae re cheYa: Tovaicho reta iñeeasɨ katu ndekotɨ, jare yarakuaambae reta ndeangao.

SALMOS 79:12

CheRu Tumpa, eyepɨasɨ yeyé orerëta-ɨpɨ pegua reta re, ikavimbae oyapo ndekotɨ reta jare ndemboetembae re,

ISAÍAS 37:23

Echa Tumpa Iyoambae Israel pegua kotɨ ko rere mbae jasɨ katu vae, ikotɨ ko neñeeäta jare ndepɨayemboete.

JEREMÍAS 10:10

Ërei yandeYa Tumpa jae ko añetete vae, jae ko Tumpa oikove vae jare Mburuvicha guasu opambae. Iyarasɨ yave, okana ɨvɨ; tëtaguasu reta mbaetɨ jösa chupe.

JEREMÍAS 9:25

YandeYa jei: “Oväeta ara aiporarauka vaerä opaete oyembocircuncida vae reta pe, itumpa-raanga pota vae reta pe:

JEREMÍAS 9:26

Egipto pe, Judá, Edom, Amón jare Moab, jare opaete ñuu rupi yogüɨreko vae, iñäka-ɨke oñapi vae reta pe. Echa opaete kuae tëtaguasu pegua reta itumpa-raanga pota vae ko, jökoraiño vi Israel pegua reta ipɨa pe.”

EZEQUIEL 28:10

Ketɨgua reta ipo pe remanota, Tumpa re güɨroviambae vae reta omano rami. Che ndeYa jae kuae.”

DANIEL 5:23

ërei cheYa ara pe oï vae kotɨ reyembopɨapochɨ, jare reruruka nderóvai vaso reta Tumpa jo pegua, nde jare ndeɨvɨrigua mburuvicha reta, nderembireko reta jare kuña rerekoiño vae reta ndive rekau pɨpe; jare kuae güire, remboete tumpa reta korepoti pegua, oro pegua, jiero iyu vae pegua, jiero pegua, ɨvɨra pegua jare ita pegua; jókuae omaembae reta, oendumbae reta, yarakuaambae reta; jare Tumpa jae ipo pe nderekove oï vae jare opaete reyapogüe reta jese oiko vae mbaetɨ remboete.

DANIEL 6:27

Jae oporogüɨroasayepe jare oporoepɨ, jae oyapo mɨakañɨ reta ara re jare ɨvɨ pe. Jae ko oepɨ Daniel yaguapope reta iyuru güi.”

DANIEL 9:16

OreYa Tumpa, roikuaa ko ndepɨakavi yae vae. Romoñera rembosɨrɨ vaerä ndearasɨ nerëta guasu Jerusalén güi, ndeɨvɨtɨ oñeñono tee vae. Opaete tëta guasu reta iyɨ́vɨri ñogüɨnoi vae pegua reta opuka puka omae reta Jerusalén re jare ndembae vae reta re, ore jare oreñemuñagüe reta iyoa jeko pegua.

JOEL 2:19

jare jeita: “Ambouta peve tembíu, vino jare olivo iasaite, jare perïvɨatata jese; jare ngaraa ye ma amaeño ïru tëtaguasu reta oyuvanga peré.

DEUTERONOMIO 5:26

echa, ¿mbae pa kuimbae oendu etei vaerä Tumpa oikove vae iñee tata jendɨ vae güi, ore roendu rami jare roikoveño?

1 Tesalonicenses 1:9

Echa jae reta etei omombeu ïru vae reta pe kërai ore rojo perëta pe yave kërai oremboresive vae re, jare kërai peeya tumpa-raanga reta jare peyerova Tumpa kotɨ, peyeokuai vaerä Tumpa oikove vae jare añetete vae kotɨ,

JOSUÉ 3:10

Kuae rupi peikuaata Tumpa oikove vae oime oï pepɨte pe vae, jare jae omoëta omombo perenonde güi cananeo reta, heteo reta, heveo reta, ferezeo reta, gergeseo reta, amorreo reta jare jebuseo reta.

1 Juan 5:20

Jaeramiño vi yaikuaa ko Tumpa Taɨ ou kuae ɨvɨ pe jare omee yandeve yaikuaa vaerä Tumpa añetete vae; jare ñaï ma añetete vae re, jae ko Jesucristo Tumpa Taɨ re. Jae ko kuae Tumpa añetete vae jare tekove opambae.

1 SAMUEL 11:2

Jare Nahas jei chupe reta: —Pemaeño aekɨ peresäɨ peakatu kotɨgua yave, tayapo ñemoïru pe reta ndive, jökorai amomarai vaerä Israel iñemuña reta.

1 SAMUEL 14:6

Jare Jonatán jei jembiporu ñeraro pegua ivoɨa pe: —Eyu yaja ñapüa kuae itumpa-raanga pota vae reta re. Güɨramoi yandeYa yandemborɨta ko, echa chupe mbaetɨ etei mbae yavai oporoepɨ vaerä jeta vae rupi ani mbovɨ vae rupi.

1 SAMUEL 17:10

—Jare jókuae filisteo jei ye—: “¡Che ayapo añave kuae pomboarasɨ vaerä! ¡Pembou cheve metei kuimbae oñoraro vaerä che ndive!”

1 SAMUEL 17:30

Osɨrɨ tɨkeɨ güi jare ojo ïru reta kotɨ oparandu jókuae re yeño, jare jae reta jei tenonde yave jei reta ramiño.

1 SAMUEL 17:36

Yaguapope ani oso viña pa ayuka; vɨtei pa kuae filisteo itumpa-raanga pota vae, echa iñeeasɨ katu Tumpa oikove vae isundaro reta kotɨ.

1 SAMUEL 31:4

Jayave Saúl jei iyeopiaka ivoɨa pe: —Eekɨ ndekɨsepuku, jare chekutu pɨpe, agüɨye vaerä yogüeru kuae itumpa-raanga pota vae reta cheyuka, jare oyuvanga reta cheré. Ërei iyeopiaka ivoɨa mbaetɨ oipota, echa okɨɨye yae. Jayave Saúl oipɨɨ ikɨsepuku oa jese, oyeyuka.