1 SAMUEL 17:24 - Biblia Guarani Tumpa Iñee

²⁴ Jare Israel iñemuña reta oecha yave kuae kuimbae, okɨɨye yae reta chugüi jare otekuarai.

1 SAMUEL 17:24 ပူးပေါင်းရင်းမြစ်များ

ISAÍAS 30:17

Metei tovaicho güi, petekuaraita mil pe reta, pandepo vae güi, opaeteita petekuarai, ɨvɨra jaeño oï ɨvɨtɨ guasu re rami, ani metei bandera oï ɨvɨtɨ re rami.

ISAÍAS 7:2

Jare omombeu reta Acaz, David iñemuña pe körai: “Siriaɨgua reta oñemoïru Efraín pegua reta ndive.” Jayave mburuvicha guasu jare opaete vae orɨrɨi ipɨa okɨɨye güi, kaa pe ɨvɨra reta okana ɨvɨtu yave rami.

LEVÍTICO 26:36

Jare pegüi oimeño oikove vae, perovaicho reta iɨvɨ pe, añonota ipɨa pe kɨɨye rai, metei ñana-roo oa yave ave okɨɨyeta, kɨsepuku pe kia omoña vae rami otekuaraita, oyepɨakata mbaetɨ kia omoña reve;

NÚMEROS 13:33

Jare roecha vi joko pe kuimbae ipukugüe, Anac iñemuña reta, kuimbae puku vae iñemuña reta; jare ore romae oreyé tuku rami jae reta jóvai, jare jökorai vi jae reta omae oreré.

DEUTERONOMIO 32:30

¿Metei vaeño këraita pa ipuere ombotekuarai mil vae? ¿Ani mókoi vae ombotekuarai diez mil vae? ¡Jaeño yandeYa, Ita guasu rami vae, omee ipo pe yave!

1 SAMUEL 17:11

Saúl jare opaete Israel iñemuña reta oendu jókuae filisteo iñee yave, ipɨa-kërai reta jare okɨɨye yae reta.

1 SAMUEL 17:23

Jare oñomomiari ñogüɨnoi ramboeve, filisteo reta ipɨte güi oë metei kuimbae Gat pegua Goliat jee vae jëiagüɨyeimbae vae, jókuae omoë ñee ara ñavo jei vae.

1 SAMUEL 17:25

Jare Israel iñemuña reta metei ñavo jei: “¿Peecha pa jókuae kuimbae oë tenonde vae? ¡Jae oë tenonde omboarasɨ vaerä Israel iñemuña reta! Oime kia omoamɨri yave, mburuvicha guasu omeeta mbaeyekou chupe jare omboikokatuta, jare omeeta tayɨ jembirekorä, ngaraa ma jëtara reta omboepɨ mburuvicha peguarä oyekovara vae.”