1 SAMUEL 17:20 - Biblia Guarani Tumpa Iñee

²⁰ Jayave David opüa ndeimboveasɨ, oeya vecha reta ïru vae ipo pe, jare jae ojo ivoɨta ndive tu Isaí oyókuai rami. Jare ojo oväe teyupa pe yave, sundaro reta oyupavo ñogüɨnoi yogüɨraja vaerä ñeraroa pe, osapúkai reta sapúkai ñeraro pegua pe.

1 SAMUEL 17:20 ပူးပေါင်းရင်းမြစ်များ

San Lucas 19:43

Outa ma oväe nderovaicho reta nekëse vaerä jare neovata opaete rupi.

JOSUÉ 3:1

Pɨareve pe ndeimboveasɨ Josué jare opaete Israel iñemuña reta opüa opa yogüɨraja Sitim güi, jare yogüɨraja oväe ɨ̈aka Jordán pe, joko pe oyembojeyupa reta ndei oasa ɨ mbove.

1 SAMUEL 15:12

Samuel opüa ndei köe mbove ojo vaerä oñoövaiti Saúl ndive; jare omombeu reta Samuel pe, körai: Saúl ou Carmel pe, jare joko pe omopüa ita iyeupe, jókuae oporomoamɨri vae regua; jare oyerova joko güi oasa ojo Gilgal kotɨ.

1 SAMUEL 17:19

Saúl jare David tɨkeɨ reta, jare opaete Israel iñemuña reta ñogüɨnoi ɨvɨpe kavi Ela jee vae pe, oñeraro ñogüɨnoi filisteo reta ndive.

1 SAMUEL 17:21

Israel jare filisteo reta oyeapo kavi ñogüɨnoi oñeraro vaerä, oyóvai ñogüɨnoi reta.

1 SAMUEL 17:28

Kuae re oendu yave tɨkeɨ Eliab iyarasɨ yae David kotɨ, jare jei chupe: —¿Mbae pa reyu reeka kuae pe? ¿Kia ipo pe pa reeya jókuae mbovɨ vecha vae ñuu pe? Che aikuaa katu ndereko kavimbae jare ndeyemongeta kavimbae, echa ñeraro re remae vaeräño ko reyu.

1 SAMUEL 26:5

Jare David opüa jare ojo Saúl jeyupa kotɨ, jare oecha kia pe ko oke Saúl jare Abner, Ner taɨ; Abner jae ko Saúl isundaro reta itenondegua ete. Saúl oke oï teyupa mbɨte pe, jare isundaro reta ñogüɨnoi iyɨ́vɨri rupi.

1 SAMUEL 26:7

Jare jókuae pɨ̈tu voi David jare Abisai yogüɨraja teyupa pe. Saúl oke oï teyupa pe. Jare imii oyeatɨka oï iñäkandɨta iyɨpɨ pe. Abner jare sundaro reta oke ñogüɨnoi iyɨ́vɨri rupi.