1 SAMUEL 17:10 - Biblia Guarani Tumpa Iñee

¹⁰ —Jare jókuae filisteo jei ye—: “¡Che ayapo añave kuae pomboarasɨ vaerä! ¡Pembou cheve metei kuimbae oñoraro vaerä che ndive!”

1 SAMUEL 17:10 ပူးပေါင်းရင်းမြစ်များ

2 SAMUEL 21:21

jókuae kuimbae iñee jasɨ katu Israel kotɨ, ërei Jonatán oyuka. Kuae Jonatán jae ko Simea, David tɨkeɨ taɨ.

2 SAMUEL 23:9

Kuae jaɨkue rupi oï, Eleazar, ahohíta Dodo taɨ, jae ko jókuae mboapɨ jëia yae vae reta pegua vi. Kuae oï David ndive oñoraro vaerä filisteo reta kotɨ, Israel pegua reta opa oñemoäta jaɨkue kotɨ yave.

2 REYES 19:4

Güɨramoi yandeYa Tumpa oendu opaete Rabsaces iñee reta, iya mburuvicha guasu Asiria pegua ombou iñeenguruasɨ katu vaerä Tumpa oikove avei vae kotɨ, oiporarauka vaerä iñee rupi; kuaekuae yandeYa Tumpa oendu. Jáeramo eyerure oimeño opɨtagüe reta re.”

NEHEMÍAS 2:19

Ërei ngatu oendu Sanbalat horonita pegua jare tembiokuai Tobías Amón iñemuña, jare Gesem Arabiaɨgua yave, oreyóyai yóyai jare oremotareɨ reta, jei reve: —¿Mbae jei vae pa peyapo pe reta? ¿Peñemopüa pa peï mburuvicha guasu re?

PROVERBIOS 16:18

Oime susere, pɨ ayembotuich oime ramo; oime tembiporara, pɨayemboete oime ramo.

JEREMÍAS 9:23

YandeYa jei körai: “Agüɨye yarakuaa vae toyemboete iyarakuaa re, jäta ngatu vae ave agüɨye toyemboete jäta ngatu re, jare oikokatu vae agüɨye toyemboete imbaeyekou reta re.

DANIEL 4:37

Añave che Nabucodonosor, amboete jare ambotuicha Mburuvicha guasu ara pegua, echa opaete jembiapo reta añete vae ko, jare jemimbota reta jupi vae ko; jare jae ipuere omomichi ipɨayemboete oiko vae.”

1 SAMUEL 17:11

Saúl jare opaete Israel iñemuña reta oendu jókuae filisteo iñee yave, ipɨa-kërai reta jare okɨɨye yae reta.

1 SAMUEL 17:36

Yaguapope ani oso viña pa ayuka; vɨtei pa kuae filisteo itumpa-raanga pota vae, echa iñeeasɨ katu Tumpa oikove vae isundaro reta kotɨ.

1 SAMUEL 17:45

Jayave David jei chupe: —Nde reyu chekotɨ kɨsepuku ndive, jare mii ndive jare mii raɨ ndive; ërei che ayu ndeve cheYa imbaepuere yae ete vae jee re, sundaro Israel iñemuña reta iTumpa, neñeeasɨ katu ikotɨ vae.