1 SAMUEL 16:16 - Biblia Guarani Tumpa Iñee

¹⁶ Jayave oreokuai ore nderembiokuai reta roeka vaerä ndeve oikatu ombopu arpa vae, jare mbaetɨ ndepɨakavi reï yave, ombopu vaerä arpa ndembopɨakatu vaerä.

1 SAMUEL 16:16 ပူးပေါင်းရင်းမြစ်များ

GÉNESIS 41:46

José güɨnoi treinta año, güeru reta Faraón mburuvicha guasu Egipto pegua jóvai yave. Jare José oë Faraón jóvai güi jare opa omboapɨ oguata ɨvɨ Egipto.

1 REYES 10:8

¡Oyerovia katu ko aipo ndeɨvɨrigua kuimbae reta, oyekou ko aipo ara ñavo ñogüɨnoi avei nderóvai vae reta, oendu ndearakuaa katu vae reta!

2 REYES 3:15

¡Ërei, añave peru cheve oikatu ombaembopu vae! Jare ombaembopu vae omboɨpɨ ombaembopu yave, yandeYa imbaepuere ou Eliseo re;

1 SAMUEL 10:5

Jókuae jaɨkue rupi reota reväe Tumpa iɨvɨtɨ re, sundaro filisteo reta jeyupa güɨnoia pe; jare reike jókuae tëta pe yave, reövaitita mbovɨ ete ñeemombeúa reta yogüeru ɨvɨtɨ mbaemboete renda güi vae, jae reta jenonde yogüɨrajata ngitara imbopúa, angúa raɨ, jare mimbɨ imoñeea jare arpa imbopúa reta, jare jae reta omombeu Tumpa iñee.

1 SAMUEL 16:14

Jare yandeYa iEspíritu osɨrɨ Saúl güi, jare yandeYa omaeño espíritu ikavimbae vae oya Saúl re ombopɨakaviä vaerä.

1 SAMUEL 16:15

Jáeramo iyɨvɨrigua reta jei chupe: —Mase, Tumpa omaeño ou nderé espíritu ikavimbae vae, jae ko ndembopɨakaviä.

1 SAMUEL 16:17

Jare Saúl jei chupe reta: —Peeka cheve arpa oikatu ombopu vae, jare peru cheve.

1 SAMUEL 18:10

Jare pɨareve pe Tumpa omaeño espíritu ikavimbae vae oya Saúl re, jare kuae omombokere jo pe, jare David ombopu arpa ombopuse rami, jare Saúl güɨnoi ipo pe mii.

1 SAMUEL 19:9

Jare Tumpa omaeño ou espíritu ikavimbae vae Saúl re oguapɨ oï yave jo pe, jae güɨnoi ipo pe mii David ombopu ramboeve arpa.