1 SAMUEL 16:14 - Biblia Guarani Tumpa Iñee

¹⁴ Jare yandeYa iEspíritu osɨrɨ Saúl güi, jare yandeYa omaeño espíritu ikavimbae vae oya Saúl re ombopɨakaviä vaerä.

1 SAMUEL 16:14 ပူးပေါင်းရင်းမြစ်များ

2 SAMUEL 7:15

ërei cheporoparareko mbaetɨta apɨ̈ro chugüi, Saúl güi apɨ̈ro rami, jókuae jekovia pe roñono vae.

1 REYES 22:19

Micaías jei ye vi: —Eyeapɨsaka yandeYa jeigüe re: Che aecha yandeYa oguapɨ oï iporookuaía pe, jare opaete iaraɨgua reta ñogüɨnoi iyɨ́vɨri, iyakatu kotɨ jare iyasu kotɨ.

1 REYES 22:22

jare jókuae espíritu jei, jae omee vaerä iyapu opaete ñeemombeúa reta mburuvicha guasu pe. Jayave yandeYa jei, jókuae rupi oyapota vae, jare omee ojo oyapo.

SALMOS 51:11

Agüɨye chemombo nderóvai güi, jare agüɨye eekɨ chegüi ndeEspíritu ikɨambae.

OSEAS 9:12

Jare yepe tëi ombokuakuaa imichia reta, apɨ̈rota chugüi reta, ngaraa amaeño yogüɨreko. Echa, ¡oiporara yaeta che asɨrɨ chugüi reta yave!

JUECES 16:20

Jare jei chupe: —¡Sansón, ko filisteo reta yogüeru ndeve! Sansón okuera oke oï vae güi yave, oyemongeta oyeyora vaerä tenonde yave rami, ërei jae mbaetɨ oikuaa yandeYa osɨrɨ ko chugüi vae.

JUECES 16:29

Sansón opovɨvɨ jókuae mókoi okɨta opaete o oguapɨ jese vae re, ipo iyakatu oñono metei re jare ipo iyasu oñono ïru re.

JUECES 9:23

Tumpa ombou yemongeta ikavimbae Abimelec pe jare Siquem pegua kuimbae reta pe, jare Siquem pegua reta opüa Abimelec re,

1 SAMUEL 11:6

Saúl oendu yave kuae ñee reta, Tumpa iEspíritu ogüeyɨ jese mbaepuere ndive, jare täta yae iyarasɨ.

1 SAMUEL 16:15

Jáeramo iyɨvɨrigua reta jei chupe: —Mase, Tumpa omaeño ou nderé espíritu ikavimbae vae, jae ko ndembopɨakaviä.

1 SAMUEL 16:16

Jayave oreokuai ore nderembiokuai reta roeka vaerä ndeve oikatu ombopu arpa vae, jare mbaetɨ ndepɨakavi reï yave, ombopu vaerä arpa ndembopɨakatu vaerä.

1 SAMUEL 16:23

Jare Tumpa omaeño ou espíritu ikavimbae vae Saúl re yave, David oipɨɨ arpa jare ombopu. Javoi Saúl ipɨakatu jare oasa chugüi ipɨakavimbae, jare espíritu ikavimbae vae osɨrɨ chugüi.

1 SAMUEL 18:10

Jare pɨareve pe Tumpa omaeño espíritu ikavimbae vae oya Saúl re, jare kuae omombokere jo pe, jare David ombopu arpa ombopuse rami, jare Saúl güɨnoi ipo pe mii.

1 SAMUEL 18:12

Saúl okɨɨye David güi, echa oecha yandeYa oï jae ndive, ërei Saúl ndive mbaetɨ ma yandeYa oï.

1 SAMUEL 28:15

Jayave Samuel jei chupe: —¿Maera pa chemoambeko jare chereenɨiuka? Jare Saúl jei: —Chepɨatɨtɨ yae aï, echa filisteo reta oporepeña ñogüɨnoi cheré, jare Tumpa osɨrɨ chegüi; mbaetɨ ye ma imiari che ndive, ñeemombeúa reta rupi ani mbaɨu reta rupi ave. Kuae jeko pegua ko roenɨi remombeu kavi vaerä cheve mbae ayapo vaerä.