1 SAMUEL 16:13 - Biblia Guarani Tumpa Iñee

¹³ Jare Samuel oipɨɨ vecha kuimbae-räti asaite güɨnoi pɨpe vae, jare opɨyere jese oñono tee vaerä tɨkeɨ reta jóvai; jare jókuae ara güive yandeYa iEspíritu ou David re. Javoi Samuel opüa jare oyerova ye ojo Ramá kotɨ.

1 SAMUEL 16:13 ပူးပေါင်းရင်းမြစ်များ

2 SAMUEL 12:7

Jayave Natán jei David pe: —¡Nde ko jókuae kuimbae! Körai jei yandeYa Israel iTumpa: “Che ko roparavo Israel iñemuña reta juvicha guasurä, jare roepɨ Saúl ipo güi;

2 SAMUEL 2:4

Jare yogüeru kuimbae Judá iñemuña reta omboguapɨ David mburuvicha guasu Judá peguarä. Imiari reta David pe, tëta Jabes pegua reta ko oñotɨ Saúl vae, Tëta Jabes ko ɨvɨ Galaad pegua.

2 SAMUEL 23:1

Kuae ñee David ojäa jaevaeño ma, jei körai: “David, Isaí taɨ, jókuae kuimbae Tumpa ombotuicha vae, Jacob iTumpa jembiparavo, tairari reta ikavigüe Israel pegua iyapoa jei körai:

2 SAMUEL 5:3

Yogüeru opaete Israel iñemuña itenondegua reta mburuvicha guasu David pɨri Hebrón pe, jare mburuvicha guasu David oyapo morogüɨrökuavee päve jae reta ndive joko pe yandeYa jóvai; jare omboguapɨ reta David mburuvicha guasurä Israel iñemuña reta pe.

2 REYES 9:6

Jare Jehú opüa jare oike o pe. Jayave ñeemombeúa opɨyere iñäka re asaite, jare jei chupe: —YandeYa Israel iTumpa jei: “Che roparavo mburuvicha guasurä, tëta Israel chembae vae peguarä.

1 CRÓNICAS 11:3

Jökorai yogüeru opaete Israel iñemuña reta itenondegua reta mburuvicha guasu David pɨri Hebrón pe, jare jae oyapo morogüɨrökuavee päve jae reta ndive Hebrón pe yandeYa jóvai. Jayave jae reta omboguapɨ David mburuvicha guasurä Israel re, Tumpa güɨrökuavee rami Samuel rupi.

SALMOS 89:20

¡Aväe cherembiokuai David! Aiparavo cheasaite oñeñono tee vae rupi.

SALMOS 89:21

Cheporomborɨ oiko aveita jae ndive. Cheyɨva pe amomɨ̈ratata,

NÚMEROS 11:17

Jare che agüeyɨta chemiari nde ndive joko pe, jare aekɨta espíritu oï nderé vae güi, jare añonota jese reta; jare güɨroata reta vaerä vi nde ndive kuae tëta iyemoambeko. Jökorai mbaetɨta reroata nde aeño pe.

NÚMEROS 27:18

Jare yandeYa jei Moisés pe: —Eenɨi Josué Nun taɨ, kuimbae iyarakuaa katu yae vae, jare eñono ndepo iñäka re;

San Juan 3:34

Jókuae Tumpa ombou vae imiari Tumpa iñee, echa Tumpa omee chupe iEspíritu.

Hechos 13:22

Jare Tumpa kuae kuimbae omombo yave, omee chupe reta David juvicha guasurä. Jare Tumpa jei David re: ‘Che aikuaa David, Isaí taɨ ko metei kuimbae chemboyerovia vae. Jae oyapota opaete che aipota vae.’

Hebreos 1:9

Reaɨu jupi rupi mbae oyeapo vae jare remotareɨ ikavimbae. Jáeramo ndeparavo Tumpa, jae ko neTumpa; yerovia katu omee ndeve vae ikavi yae, neïru reta omboyerovia vae güi.”

Hebreos 11:32

¿Mbae ye pa jaeta? Arovia oatata cheve ara chemiari vaerä, peve Gedeón, Barac, Sansón, Jefté, David, Samuel jare ñeemombeúa reta regua;

JUECES 11:29

Jare yandeYa iEspíritu ou Jefté re, jare jae oasa Galaad jare Manasés rupi, jare oasa vi Mizpa Galaad pegua rupi oike vaerä ojo Amón iñemuña reta iɨvɨ pe.

JUECES 13:25

Jare metei ara Sansón oï Dan iñemuña reta jeyupa pe Zora jare Estaol ipäu pe yave. YandeYa iEspíritu omboɨpɨ oparavɨkɨ jese.

JUECES 14:6

Jayave yandeYa iespíritu ou Sansón re, jare jae opa omondoo ndoo ipo pe etei yaguapope kavara raɨ rami; ërei jókuae mbaetɨ omombeu tu jare ichɨ pe.

JUECES 3:10

Jare yandeYa iEspíritu ou Otoniel re omboarakuaa katu vaerä, jare jae ojo Israel iñemuña reta jenonde, ñeraroa pe, jare yandeYa omee ipo pe Cusan-risataim, mburuvicha guasu Siria pegua, jare güɨnoi mbaepuere jese.

1 SAMUEL 1:19

Jare ndeimbove yave opüa omboete reta yandeYa, jare opa ye yogüɨraja reta jëta kotɨ Ramá pe. Jare Elcana güɨroke jembireko Ana; jare yandeYa oyapo jókuae oiporu chupe vae.

1 SAMUEL 10:1

Jayave Samuel oipɨɨ metei asaite jɨru jare opɨyere Saúl iñäka re, jare oovapɨte, jei reve chupe: —YandeYa ndeparavo imbae vae Israel iñemuña reta juvicha guasurä.

1 SAMUEL 10:6

Jare Tumpa iEspíritu outa nderé mbaepuere ndive, jare remombeuta jae reta ndive Tumpa iñee; jare oipoepɨta ndeyemongeta.

1 SAMUEL 11:6

Saúl oendu yave kuae ñee reta, Tumpa iEspíritu ogüeyɨ jese mbaepuere ndive, jare täta yae iyarasɨ.

1 SAMUEL 16:18

Jayave metei iyɨvɨrigua jei: —Mase, che oime aecha metei Isaí Belén pegua taɨ reta güi, oikatu yae ombopu arpa vae, jëia ñeraro regua, yarakuaa katu imiari vaerä, kunumi kavi jare yandeYa oï jae ndive.

1 SAMUEL 18:12

Saúl okɨɨye David güi, echa oecha yandeYa oï jae ndive, ërei Saúl ndive mbaetɨ ma yandeYa oï.

1 SAMUEL 2:35

Jare che aiparavota metei chesacerdoterä jupi rupi oiko vae, cheremimbota oyapo vae, ameeta chupe iñemuña oiko avei vaerä, jare oyeokuaita mburuvicha aiparavo vae jóvai ara ñavo.