1 SAMUEL 16:12 - Biblia Guarani Tumpa Iñee

¹² Jökorai omondo güeruruka. Jae ko ipireyu, jesäɨäta jare kunumi kavi. Jayave yandeYa jei: —Epüa jare eñono tee, echa jae ko kuae.

1 SAMUEL 16:12 ပူးပေါင်းရင်းမြစ်များ

GÉNESIS 39:6

Oeya opaete mbaembae güɨnoi vae José ipo pe, jökorai mbaetɨ oyemoambeko mbaembae re, jaeño ma tembíu jou vae re. Jare José ko kunumi kavi,

2 SAMUEL 23:1

Kuae ñee David ojäa jaevaeño ma, jei körai: “David, Isaí taɨ, jókuae kuimbae Tumpa ombotuicha vae, Jacob iTumpa jembiparavo, tairari reta ikavigüe Israel pegua iyapoa jei körai:

2 SAMUEL 7:8

Jayave ere cherembiokuai David pe, che peYa imbaepuere yae ete vae jae körai chupe: ‘Che rogüeru mɨmba rókai güi jare mɨmba reta re reyangarekoa güi, reiko vaerä tëta Israel chembae vae juvicharä;

1 REYES 1:34

jare joko pe sacerdote Sadoc jare ñeemombeúa Natán opa güire oñono tee Israel iñemuña reta juvicha guasurä, pemoñee mimbɨguasu, pesapúkai jare peyepopete reve mburuvicha guasu Salomón re.

SALMOS 2:2

Mburuvicha guasu ɨvɨ pegua reta oñomopüa jare oyovaicho, tenondegua reta oyomboatɨ yandeYa kotɨ jare jembiparavo kotɨ, jei reve:

SALMOS 2:6

Jei: “Ërei che amboguapɨ mburuvicha guasu Sión re, ɨvɨtɨ chembae oï tee vae re.”

SALMOS 78:70

Oiparavo jembiokuai David, güeru vecha re oyangarekoa güi.

ÉXODO 2:2

Jare jókuae kuña ipurúa jare oa imembɨ metei kuimbae; jare oecha ipöra yae ramo, oñomi güɨreko mboapɨ yasɨ rupi.

CANTARES 5:10

Che aaɨu vae ko ipireyu, ikañɨmaa jeta yae vae reta ipɨte pe.

LAMENTACIONES 4:7

Yanderuvicha reta ikɨambae ko yepi, oasa ete yé tïiasɨ iroɨ güi jare neche güi; ipireyuasɨ, mbaepotɨ iyu vae güi; jete kavi, ita zafiro jee vae güi.

ZACARÍAS 4:14

Jare jae jei: “Kuae ko jae mókoi oñeñono tee oyeokuai vaerä yandeYa pe ɨvɨ iyapoa pe.”

Hechos 4:27

Echa añetete ko, Herodes, Poncio Pilato, judiombae vae reta jare Israel pegua reta oyomboatɨ kuae tëta guasu pe ndeRaɨ iyoambae Jesús kotɨ. Jae ko nde reiparavo vae.

Hechos 7:20

Jókuae ara reta pe etei oa Moisés. Tumpa ipɨakatu jókuae michia raɨ re. Jare mboapɨ yasɨ rupi tu reta güɨreko jo pe.

Hebreos 11:23

Iporogüɨrovia rupi Moisés oa yave tu reta oñomi güɨreko mboapɨ yasɨ rupi, echa oecha reta michia Moisés maepöra yae ko, jare mbaetɨ okɨɨye reta mburuvicha guasu iporookuai güi.

1 SAMUEL 16:18

Jayave metei iyɨvɨrigua jei: —Mase, che oime aecha metei Isaí Belén pegua taɨ reta güi, oikatu yae ombopu arpa vae, jëia ñeraro regua, yarakuaa katu imiari vaerä, kunumi kavi jare yandeYa oï jae ndive.

1 SAMUEL 17:42

Jare oecha David yave, güɨroviaä etei omae jese; echa itaɨrusuasɨ yae, ipireyu jare kunumi kavi.

1 SAMUEL 17:55

Saúl oecha David oñoepeña jókuae filisteo ndive yave, oparandu isundaro reta itenondegua ete Abner pe. —Abner, ¿kia taɨ pa pea kunumi? Jare Abner jei:

1 SAMUEL 9:17

Jare Samuel oecha yave Saúl, yandeYa jei chupe: “Mase, jae ko kuae kunumi chemiari jese ndeve vae; kuae oikota chembae reta juvicharä.”