1 SAMUEL 16:1 - Biblia Guarani Tumpa Iñee

¹ YandeYa jei Samuel pe: —¿Kërai yave regua pa reäpirota Saúl? Che aröɨrogüe ma ko, agüɨye vaerä güɨnoi iporookuaía Israel iñemuña reta re. Emotɨnɨe vecha kuimbae-räti asaite pe, jare eyu, romondota Isaí pɨri Belén pe, echa taɨ reta güi aiparavo cheyeupe mburuvicha guasurä.

1 SAMUEL 16:1 ပူးပေါင်းရင်းမြစ်များ

1 REYES 8:16

‘Egipto güi tëta chembae anoe güive, mbaetɨ aiparavo tëta metei ave opaete Israel iñemuña reta güi, pɨpe oñemopüa vaerä tupao guasu cheree oï pɨpe vaerä, ërei aiparavo David oï vaerä tëta Israel chembae pe.’

2 REYES 9:1

Jayave ñeemombeúa Eliseo oenɨi metei ñeemombeúa reta güi, jare jei chupe: —Eyupavo, jare eraja kuae asaite Ramot kotɨ, ɨvɨ Galaad pe.

2 REYES 9:3

Javoi eipɨɨ asaite jɨru jare epɨyere asaite iñäka re, jare ere chupe: “Körai jei yandeYa: Che roparavo mburuvicha guasurä, ɨvɨ Israel peguarä.” Javoi eipea öke jare etekuarai aramoete repɨtambae reve.

2 REYES 9:6

Jare Jehú opüa jare oike o pe. Jayave ñeemombeúa opɨyere iñäka re asaite, jare jei chupe: —YandeYa Israel iTumpa jei: “Che roparavo mburuvicha guasurä, tëta Israel chembae vae peguarä.

1 CRÓNICAS 11:3

Jökorai yogüeru opaete Israel iñemuña reta itenondegua reta mburuvicha guasu David pɨri Hebrón pe, jare jae oyapo morogüɨrökuavee päve jae reta ndive Hebrón pe yandeYa jóvai. Jayave jae reta omboguapɨ David mburuvicha guasurä Israel re, Tumpa güɨrökuavee rami Samuel rupi.

1 CRÓNICAS 28:4

Ërei ngatu yandeYa Israel iTumpa cheparavo opaete cherëtara reta ipɨte güi aiko vaerä mburuvicha guasurä Israel re jekuae avei pegua. Echa jae oiparavo ñemuña Judá mburuvicharä, jare Judá iñemuña güi oiparavo cheru, jare cheru taɨ reta güi che cheparavo aiko vaerä mburuvicha guasurä opaete Israel re.

ISAÍAS 11:1

Ɨvɨraɨpɨ rami vae Isaí güi oëta metei jokɨ, iyɨpɨasɨ güi jeñɨita.

ISAÍAS 11:10

Jare jókuae ara Ɨvɨraɨpɨ rami vae Isaí güi oëta metei jokɨ, jae oñeñonota metei bandera rami opaete vae reta peguarä, opaete vae reta oekata; jare jëta jërakua yaeta.

ISAÍAS 55:4

Mase, che ko añono imiari vaerä tëta reta pe, oiko vaerä mburuvicha guasurä jare tëtaguasu reta imboearä.

JEREMÍAS 11:14

Nde, Jeremías, agüɨye eyerure kuae tëta re, agüɨye eyerure chemoñera reve ikotɨ reta; echa ngaraa aendu chupe reta jäse reve oeka cheve yemborɨ isusere iara pe yave.

JEREMÍAS 15:1

YandeYa jei cheve: “Yepe tëi mona Moisés jare Samuel oyerure cheve, ngaraa aiparareko kuae tëta. Ere kuae tëta pe toë, tojo reta cheróvai güi.

JEREMÍAS 6:30

Ikavi ko oyembojee “jatɨgüegüe”, echa nde cheYa ko, reröɨro.

JEREMÍAS 7:16

Nde, Jeremías, agüɨye eyerure kuae tëta re, agüɨye ndepɨatɨtɨ ikotɨ reta reve chemoñera. Echa ngaraa ayeapɨsaka nderé.

ZACARÍAS 4:14

Jare jae jei: “Kuae ko jae mókoi oñeñono tee oyeokuai vaerä yandeYa pe ɨvɨ iyapoa pe.”

Romanos 15:12

Jare Isaías jei: “Oïta Isaí güi metei oporookuaita opaete judiombae vae reta re; jese oäro retata.”

Hebreos 11:32

¿Mbae ye pa jaeta? Arovia oatata cheve ara chemiari vaerä, peve Gedeón, Barac, Sansón, Jefté, David, Samuel jare ñeemombeúa reta regua;

1 Juan 5:16

Metei oporogüɨrovia vae oecha yave iñeïru oporogüɨrovia vae oyapo mbaeyoa mano peguambae vae yave, toyerure Tumpa pe jese, jare Tumpa omeeta oikoño vaerä; kuae ko oyapo mbaeyoa mano peguambae vae reta pegua. Oime ko mbaeyoa mano pegua, jókuae re mbaetɨ jae peve peyerure vaerä.

1 SAMUEL 10:1

Jayave Samuel oipɨɨ metei asaite jɨru jare opɨyere Saúl iñäka re, jare oovapɨte, jei reve chupe: —YandeYa ndeparavo imbae vae Israel iñemuña reta juvicha guasurä.

1 SAMUEL 15:11

—Chembopɨatɨtɨ Saúl añono ramboeve mburuvicha guasurä, echa opia chegüi, jare mbaetɨ oyapo jaegüe. Jare Samuel ipɨatɨtɨ yae, oyerure yandeYa pe opaete jókuae pɨ̈tu omoñera reve.

1 SAMUEL 15:23

Echa mbaekuaa rupi mbae maratuta vae re oikuaa vae iyoa rami ko ipɨapochɨ vae iyoa; tumpa-raanga omboete vae rami ko iñeereendumbae. Nde reröɨro yandeYa iñee jeko pegua, jae ñereröɨro vi agüɨye vaerä reiko mburuvicha guasurä.”

1 SAMUEL 15:26

Jare Samuel jei Saúl pe: —Ngaraa ma aja nde ndive; echa reröɨro yandeYa iñee, jare yandeYa nereröɨro ma agüɨye vaerä reiko mburuvicha guasurä Israel iñemuña reta re.

1 SAMUEL 15:35

Kuae jaɨkue rupi mbaetɨ ye Samuel oecha Saúl opaete oikove oiko ramboeve. Samuel oäpiro Saúl, jare yandeYa ipɨatɨtɨ oñono ramo Saúl mburuvicha guasurä Israel iñemuña reta re.

1 SAMUEL 16:15

Jáeramo iyɨvɨrigua reta jei chupe: —Mase, Tumpa omaeño ou nderé espíritu ikavimbae vae, jae ko ndembopɨakaviä.

1 SAMUEL 16:23

Jare Tumpa omaeño ou espíritu ikavimbae vae Saúl re yave, David oipɨɨ arpa jare ombopu. Javoi Saúl ipɨakatu jare oasa chugüi ipɨakavimbae, jare espíritu ikavimbae vae osɨrɨ chugüi.

1 SAMUEL 17:12

David jae ko Efrataɨgua Isaí taɨ, tëta Belén Judá pegua, jae güɨnoi juri taɨ. Saúl oiko mburuvicharä yave, jae indechi yae ma ïru reta ipɨte pe.

1 SAMUEL 9:16

“Pɨareve koyave etei, che ambouta ndépɨri metei kunumi Benjamín iñenuña reta iɨvɨ kotɨ güi, jae reiparavota Israel iñemuña reta pe mburuvicharä jae oepɨta chembae vae, filisteo reta ipo güi; echa aiparareko amae jese reta, jäse aendu jeko pegua.”