1 SAMUEL 15:9 - Biblia Guarani Tumpa Iñee

⁹ Jare Saúl jare isundaro reta mbaetɨ oyuka Agag, jare vecha ikavigüe reta, jare mɨmba tuichagüe reta, jare mɨmba oyemongɨragüe reta, jare vecha kuimbae reta, jare opaete mbaembae ikavigüe, mbaetɨ oipota reta opa omboai; ërei opaete mbae ikavimbae jare pɨ̈chɨi vae reta opa omboai.

1 SAMUEL 15:9 ပူးပေါင်းရင်းမြစ်များ

2 SAMUEL 6:13

Jare jókuae Tumpa ikäjou jerajaa reta omboɨpɨ mi ramo oguata reta yave, ova ramo ipɨ güɨrosɨrɨ reta yave, David oyuka omee Tumpa pe metei güeye jare metei vecha kuimbae oyemongɨragüe.

1 REYES 20:34

javoi Ben-adad jei: —Cheru opɨ̈ro tëta guasu reta nderu güi vae che tamboyevɨ ye ndeve; javoi ndepuere remaemee jare rembaegua ndeyeupe Damasco pe, cheru oyapose Samaria pe rami. Jare Acab jei: —Che amaeñota reo ye. Körai, Acab oyapo morogüɨrökuavee päve Ben-adad ndive jare omaeño ojo ye.

San Mateo 26:9

Echa ipuere tëi ko oñemee jeta korepoti re, oñemee vaerä iparavete vae reta pe.

JOSUÉ 6:18

Ërei pe reta peyeandu jókuae kañɨtei peguarä oï vae güi; agüɨye peyavɨkɨ, agüɨye etei peupi peyeupe mbae yepe jókuae güi, echa güɨramoi peñonoukata vi Israel iñemuña reta jeyupa Tumpa iyepopeyu pe, jare pembosusereuka.

JOSUÉ 7:21

Mbaembae reta Jericó pe ñapɨ̈ro vae ipɨte pe aecha metei temimonde Babiloniaɨgua ipöra yae vae, jare dosciento reare korepoti pegua jare oro medio kilo oasa vae, aipota rai amae jese jare aekɨ; oime añomi añono ɨvɨgüɨ pe, cheküaraɨaguakapi pegua mbɨte pe, jare korepoti oime oï igüɨ pe.

1 SAMUEL 15:10

Jare yandeYa jei Samuel pe, körai:

1 SAMUEL 15:15

Jare Saúl jei: —Amalec iñemuña reta güi ko güeru reta; echa sundaro reta iñɨ̈ro vecha jare guaka ikavigüe pe, ndeYa Tumpa pe oyeyuka oñemee vaerä, ërei ïru reta opaetei romokañɨtei.

1 SAMUEL 15:19

¿Maera pa reenduä yandeYa iñee? Nderovaicho reta imbaembae re reyemombae, reyapo ikavimbae yandeYa jesa róvai.

1 SAMUEL 15:3

Jáeramo, ekua eporepeña Amalec iñemuña reta re, jare opa emboai opaete mbaembae güɨnoi vae, agüɨye nepïri jese reta; eyuka kuimbae reta, kuña reta, michia reta, jare oa ramo vae reta ave, guaka reta, vecha reta, camello reta jare mburika reta.”

1 SAMUEL 28:18

echa nde mbaetɨ reyapo yandeYa jei vae, ndeokuai tëi yave reyuka vaerä Amalec iñemuña reta. Jáeramo yandeYa kuae oyapo ndeve.