1 SAMUEL 15:33 - Biblia Guarani Tumpa Iñee

³³ Jare Samuel jei: —Ndekɨsepuku pe reeya jeta kuña reta imembɨmbae, jökoraita opɨta ndesɨ imembɨmbae ïru reta ipɨte pe. Jayave Samuel opa oyasɨa sɨa Agag yandeYa jóvai Gilgal pe.

1 SAMUEL 15:33 ပူးပေါင်းရင်းမြစ်များ

GÉNESIS 9:6

“Kia ñavo japicha oyuka yave, jae tomano vi japicha ipo pe. Echa kuimbae, Tumpa rami ko ayapo.

1 REYES 18:40

Jayave Elías jei chupe reta: —¡Peipɨɨ Baal regua omoërakua vae reta! ¡Agüɨye metei ave tojoyepe! Jare jae reta opa oipɨɨ; jare Elías güɨraja reta ɨ̈aka raɨ Cisón jee vae kotɨ, joko pe opa oñaseokɨ̈ti.

ÉXODO 17:11

Moisés iyɨva omopüa güɨnoi yave Israel iñemuña reta oporomoamɨri; ërei iyɨva ombogüeyɨ yave Amalec iñemuña reta oporomoamɨri.

ÉXODO 21:24

tesa maratu yave, tomboepɨ tesa pe; täi maratu yave, tomboepɨ täi pe; ipo maratu yave, tomboepɨ ipo pe; ipɨ maratu yave, tomboepɨ ipɨ pe;

ISAÍAS 34:6

YandeYa ikɨsepuku tugüɨ katuai jare mbaekɨra katuai oï, vecha kuimbae taɨrusu vae jare kavara kuimbae jugüɨgüe pe rami, vecha kuimbae ipɨ̈rɨkɨti ikɨragüe pe rami, echa yandeYa oporoyukata tëta guasu Bosra pe, jare jeta oyukata ɨvɨ Edom pe.

JEREMÍAS 18:21

¡Ërei añave, emee taɨ reta omano reta vaerä karuai ani ñeraro rupi; topɨta kuña reta imembae jare imembɨmbae! ¡Mbaerasɨ yavaetegüe toyuka kuimbae reta, jare ikunumi reta tomano ñeraroa pe!

JEREMÍAS 48:10

(¡Tijeko jókuae ipɨakatumbae reve oyapo yandeYa iparavɨkɨ vae! ¡Tijeko jókuae ñäteɨ oparapiti vae!)

OSEAS 6:5

Kuae jeko pegua opa pomboai ñeemombeúa reta rupi; cheñee rupi opa poyuka, cheporojäa outa peve tembipe oë ou rami.

NÚMEROS 14:45

Jayave ñogüɨnoe chupe Amalec iñemuña reta jare Cam iñemuña reta, jókuae ɨvɨtɨ re yogüɨreko vae reta, jare kuae reta oyuka jare omoamɨri reta, jare oaɨkuemoña reta güɨraja oeya Horma pe.

San Mateo 7:2

Echa pemboeko rami etei, peyemboekoukata vi. Jaeramiño vi kërai ïru vae pe peyapo rami, oyapota vi peve.

Santiago 2:13

Echa kia mbaetɨ oiparareko japicha vae, Tumpa ojäata oipararekombae reve; ërei oporoparareko vae mbaetɨta oñejäa.

Apocalipsis 16:6

echa jae reta oyuka oporogüɨrovia vae reta jare ñeemombeúa reta, jáeramo remee vi jou reta tugüɨ. ¡Echa jupi ko jökorai vaerä!”

Apocalipsis 18:6

Pemee vi chupe jae omee rami, pemboekovia chupe mókoi ye jembiapo oï rupi. Peyapo mókoi ye chupe jae omee kopa pe ïru vae jou vaerä vae pe yeño.

JUECES 1:7

Jayave Adoni-bezec jei: “Tenonde yave che ayasɨa setenta mburuvicha guasu reta ipoäka guasu jare ipɨ̈sa guasu, jare chemesa güi cherembíu osururugüe jou reta yepi, jókuae ayapo chupe reta rami etei Tumpa oyapo vi cheve.” Jare güɨraja reta Jerusalén pe, joko pe omano.

1 SAMUEL 10:8

Javoi ekua cherenonde Gilgal pe; jayave che ajata ndépɨri amee vaerä mɨmba oyeyukagüe opa etei oyeapɨ vae, jare mɨmba oyeyukagüe yembopɨakatu pegua. Reärota chiu ara, che aja aväe ndépɨri regua, jare amombeuta ndeve mbae ko reyapota vae.

1 SAMUEL 15:32

Jaɨkue rupi Samuel jei: —Peru cheve Agag, mburuvicha guasu Amalec pegua. Jare Agag ou Samuel jóvai oyerovia reve jare jei iyeupe: “Oasa ma mano jasɨ katu yae vae.”