1 SAMUEL 15:29 - Biblia Guarani Tumpa Iñee

²⁹ Jare Tumpa Israel iyemboetea ngaraa iyapu jare ngaraa vi oipoepɨ iyemongeta, echa jae mbaetɨ ko kuimbae rami oipoepɨ vaerä iyemongeta.

1 SAMUEL 15:29 ပူးပေါင်းရင်းမြစ်များ

1 CRÓNICAS 29:11

CheYa, ¡ndembae ko mbaeyekou, mbaepuere, mbaemboetea, ndepuere opaete re vae jare imboetea vae! Echa opaete ñogüɨnoi ara pe jare ɨvɨ pe vae ndembae ko. Ndembae ko mborookuaía, echa nde oreYa tuicha yae opaete güi vae ko.

SALMOS 29:11

YandeYa omeeta mbaepuere imbae vae reta pe; yandeYa omeeta mbɨakatu pegua mborerekua imbae vae reta pe.

SALMOS 68:35

CheRu Tumpa, kɨɨyea ko nde, ndero mbaemboetea pe; nde Israel iTumpa, nde ko remee mɨ̈rata jare tekove katu ndembae vae reta pe. ¡Toyemboete Tumpa!

SALMOS 95:11

Jáeramo, chearasɨ reve jae: ‘Mbaetɨta oike reta mbutuu ameeta vae pe.’ ”

ISAÍAS 45:24

jare jei retata: ‘YandeYa reño ko oime jupi vae jare mbaepuere.’ Jare opaete oyemboyovaicho chekotɨ vae reta, oñemomaraiukata ko.

EZEQUIEL 24:14

Che ndeYa jae vae, oyeapota ko. Che etei ko ayapota, ambopota ko cheñee; mbaetɨta roparareko, mbaetɨta aipoepɨ cheyemongeta. Aiporaraukata ndeve, ndereko oï rupi. Che ndeYa Tumpa jae.’ ”

JOEL 3:16

YandeYa iñeeäta ɨvɨtɨ Sión güi yave, jae ko Jerusalén pe, ara jare ɨvɨ okanata. Erei yandeYa ko Israel iñemuña reta iñepïroka, jae ko tëta imbae vae iyeroviaka.

NÚMEROS 23:19

Tumpa, kuimbaeä ko iyapu vaerä; jare kuimbae taɨä ko oipoepɨ vaerä iyemongeta. Jae mbae jei yave, oyapo. Mbae güɨrökuavee yave ombopo iñee.

2 Corintios 12:9

ërei yandeYa jei cheve körai: “Chepɨakavi oï nde ndive vae jaekavi ma ko. Echa chembaepuere oyekuaa ko ipɨ̈ratambae re.” Jáeramo, ayerovia reve ayembotuichata chepɨ̈ratambae re, Cristo imbaepuere oyekuaa vaerä cheré.

DEUTERONOMIO 33:27

Tumpa oikove avei vae ko jae peñepɨ̈roka, imbaepuere opambae ko peñepɨ̈roa; jae ko ombotekuarai perenonde güi tovaicho reta, jare peokuai pemboai vaerä.

Filipenses 4:13

Opaete chepuere ayapo Cristo re, echa jae chemomɨ̈rata.

2 Timoteo 2:13

Mbaetɨ yave jupi kavi yaiko, jae iñee ombopo avei. Jae mbaetɨ iyapu.”

Tito 1:2

jare oäro vaerä oyerovia reve tekove opambae vae. Echa Tumpa iyapumbae vae jókuae güɨrökuavee yandeve ndei ɨvɨ oyeapo mbove.

Hebreos 6:18

Mókoi reve, Tumpa oñererökuavee vae jare jei jee re aeño oyepoepɨmbae re, Tumpa ngaraa etei iyapu, ñanoi mbɨakatu tuichagüe yande yaeka Tumpa iporomborɨ vae jare ñaäro yayerovia reve ñanoi vaerä Tumpa güɨrökuavee yandeve vae.

Hebreos 7:21

ërei ïru sacerdote reta oñono ko Tumpa jeimbae reve jee re. Ërei yandeYa, oñeñono Tumpa jei jee re aeño vae rupi, echa jei chupe: “YandeYa jei jee re ae, jare ngaraa oipoepɨ iyemongeta: ‘Nde ko jae sacerdote reiko avei vaerä, Melquisedec rami.’ ”