1 SAMUEL 15:22 - Biblia Guarani Tumpa Iñee

²² Jayave Samuel jei: “¿Oyerovia yae pa yandeYa mɨmba reta oyeyukagüe opaetei oyeapɨ vae re, jare mɨmba reta oyeyuka vae re, iñeerendu katu vae re rami? Añetete, ñeereendu katu ko ikavi yae mɨmba reta oyeyukagüe güi, jare yeapɨsaka katu vecha kuimbae reta ikɨragüe güi.

1 SAMUEL 15:22 ပူးပေါင်းရင်းမြစ်များ

GÉNESIS 4:4

Jare Abel güeru vi ivecha reta imembɨrɨpɨ ikɨra kavi vae. Jare yandeYa ipɨakatu omae Abel re jare mbota güeru vae re.

ÉXODO 19:5

Añave, peyeapɨsaka yave cheñee re jare peñovatu yave cheporogüɨrökuavee päve, peikota chembaerä mbae jepɨ yae vae rami opaete ïru tëta reta güi, echa chembae ko opaete ɨvɨ.

PROVERBIOS 21:3

Jupi rupi jare sɨmbi rupi mbae oyeapo vae ko ikavi yae yandeYa pe, mɨmb a oyeyuka oñemee chupe vae güi.

ECLESIASTÉS 5:1

Reo Tumpa jo pe yave, eyeandu reve eiko: Eya katu reyeapɨsaka vaerä, agüɨye eya mɨmba oyeyukagüe remee vaeräño, jókuae kuimbae reta yarakuaambae omee rami, echa mbaetɨ oikuaa reta ikavimbae ko oyapo ñogüɨnoi vae.

JEREMÍAS 11:4

Jae ko jókuae morogüɨrökuavee päve ayapo peñemuñagüe reta ndive vae, anoe reta yave Egipto güi, jókuae horno jiero oyemondɨkui pɨpe rami chupe reta vae güi. Jae chupe reta: Peendu cheñee reta, jare peyapo cheporookuai. Jayave peikota chembaerä jare che aikota peTumparä.

JEREMÍAS 11:7

Peñemuñagüe reta anoe Egipto güi rupive, amombeu kavi voi chupe reta oendu katu vaerä che jae vae; jayave güive añave regua, jekuae avei amombeu chupe reta oendu vaerä che jae vae.

JEREMÍAS 26:13

Añave peyeapo kavi pereko reta güi jare perembiapo reta güi, jare peendu peYa Tumpa iñee, jayave yandeYa oipoepɨta iyemongeta, oyapota tëi ikavimbae peve vae güi.

OSEAS 6:6

Echa aipota cheraɨu avei, aipota peikuaa kavi cheregua, mɨmba oyeyukagüe pemee cheve vae güi; mbaetɨ aipota mɨmba oyeyukagüe opaetei oyeapɨ vaeño.

OSEAS 8:13

Jae reta omomora yae omee mɨmba oyeyukagüe, omee reta, jare jou reta isoogüe; ërei cheve mbaetɨ ikavi jókuae, chemaenduata ikavimbae oyapo reta vae re, aiporaraukata chupe reta iyoa re, amboyerova yeta Egipto kotɨ.

San Mateo 12:7

Ërei peikuaa yave mona mbae ko oipota jei: “Aipota vae jae ko peporoparareko avei, mbaetɨ aipota mɨmba oyeyukagüe opaetei oyeapɨ vaeño.” Jökorai yave, ngaraa tëi pemboeko jekombae reta.

San Mateo 23:23

¡Paravete, pe jova mókoi vae reta! Mborookuai re oporomboe vae reta jare fariseo reta. Echa pemee pediezmo reta temitɨ reta penoi vae güi: Menta, aní jare comino jee vae. Ërei peeya mborookuai jei peve peyapo vaerä jupi vae, mboroparareko jare mborogüɨrovia. Kuae ko jae peyapo vaerä peeyambae reve diezmo reta.

San Mateo 5:24

eeya jókuae mɨmba oyeyuka oñemee jesea jóvai, jare ekua eñeñono kavi räri nderapicha ndive. Jayave ramo eyu emee jókuae mbota Tumpa pe.

San Mateo 9:13

Pekua peyemboe kavi mbae ra oipota jei kuae: “Aipota vae jae ko peporoparareko avei, mbaetɨ aipota mɨmba oyeyukagüe opaetei oyeapɨ vaeño.” Echa mbaetɨ ko ayu aeka jupi vae reta. Ayu ko aeka iyoa vae reta, oeya vaerä jeko ikavimbae.

San Marcos 12:33

Jare yaaɨu yave Tumpa opaete yandepɨa ndive, opaete yanderekove ndive, opaete yandeyemongeta ndive jare opaete ñanepɨ̈rata ndive, jare yaaɨu yave yanderapicha yande yayeaɨu rami, jókuae ikavi opaete mɨmba oyeyuka opaetei oyeapɨ vae jare ïru mɨmba reta oyeyuka Tumpa pe oñemee vae güi.

1 SAMUEL 13:12

jae cheyeupe: “Yogüeruta añave filisteo reta cheve kuae Gilgal pe, jare che mbaetɨño ayerure cheYa pe iporerekua re.” Jókuae jeko pegua ko ayemongeta amee vaerä mɨmba oyeyukagüe opaetei oyeapɨ vae.

1 SAMUEL 13:13

Jayave Samuel jei Saúl pe: —¡Mbaetɨ etei jaekavi kuae reyapogüe! Mbaetɨ reñovatu yandeYa Tumpa iporookuai, ndeokuai jese vae; echa añave omoañete eteta tëi ko ndeporookuaía Israel re jekuae avei pegua.