1 SAMUEL 15:13 - Biblia Guarani Tumpa Iñee

¹³ Jare Samuel ou Saúl pɨri, jare Saúl jei chupe: —YandeYa tiporerekua nderé; che ayapo yandeYa iñee jei vae.

1 SAMUEL 15:13 ပူးပေါင်းရင်းမြစ်များ

GÉNESIS 14:19

Jare jei Abram pe körai: “Tumpa Tuichagüe yae ete vae ara jare ɨvɨ iyapoa tiporerekua nderé.

GÉNESIS 3:12

Kuimbae jei: —Kuña remee cheïrurä vae omee cheve ɨvɨra iagüe, jare jau.

2 SAMUEL 2:5

Jayave David omondo ñee jerajaa reta tëta Jabes pegua reta kotɨ jei reve: “YandeYa tiporerekua peré, peiparareko jare peñotɨ ramo peruvicha guasu Saúl.

PROVERBIOS 27:2

Ïru vae reta tandemboete, agüɨye nde aeño eyemboete.

PROVERBIOS 28:13

Ngaraa oiko kavi, imbaeyoa reta oikuaku vae, ërei oyemombeu vae jare oeya ete iyoa vae, oikota mboroparareko rupi.

PROVERBIOS 30:13

Oime amogüe ipɨayemboete yae vae, jare omae ïru vae re oyembotuicha reve.

PROVERBIOS 31:31

¡Pemboete, opaete vae reta jóvai! ¡Pemboete opaete oyapogüe re, tëta guasu jöke pe!

San Lucas 17:10

Jaeramiño vi pe reta peyapo ma opaete Tumpa jei peve peyapo vaerä vae yave, pere: ‘Ayapoä mbae ayemboeteuka vaerä. Echa jaeño ayapo, cheokuai ayapo vaerä vae.’ ”

San Lucas 18:11

Fariseo oyemboɨ jare oyerure oyembotuicha reve körai: ‘Cheru Tumpa, amee yasoropai ndeve. Echa che mbaetɨ aiko ïru kuimbae reta rami. Jókuae reta imonda, mbaetɨ jupi, oyapo aguasa. Mbaetɨ vi che kuae mburuvicha peguarä okovara vae rami.

JUECES 17:2

jae oyemombeu ichɨ pe, jei: —Jókuae mil cien reare korepoti pegua oñomi ndegüi vae re reyepopeyu vae, che oime anoi jókuae korepoti. Che ko añomi ndegüi; ërei añave tamee ye ndeve, echa aendu rere jókuae korepoti reñono tee ko yandeYa peguarä, remondo vaerä reyapouka metei mbae iä oñeopa vae jare oyemondɨkui vae korepoti pegua. Jare omee ye chupe korepoti. Jayave ichɨ jei: —¡Tumpa tiporerekua nderé chemembɨ!

RUT 3:10

Jayave Booz jei: —¡YandeYa tiporerekua nderé! Ikavi vae ko reyapo tenonde reyapo vae güi. Ndepuere tëi reeka kuimbae taɨrusu vae, oikokatu vae ani ramo paravete vae.

1 SAMUEL 13:10

Jare jae opa ma omee mɨmba oyeyukagüe opaetei oyeapɨ vae yave, ko Samuel ou oväe jare Saúl oë oövaiti, oyapo vaerä maraetei chupe.

1 SAMUEL 15:11

—Chembopɨatɨtɨ Saúl añono ramboeve mburuvicha guasurä, echa opia chegüi, jare mbaetɨ oyapo jaegüe. Jare Samuel ipɨatɨtɨ yae, oyerure yandeYa pe opaete jókuae pɨ̈tu omoñera reve.

1 SAMUEL 15:20

Jare Saúl jei Samuel pe: —Aendu ko yandeYa iñee, jare aja ayapo cheokuai vae, jare aru Agag mburuvicha guasu Amalec pegua, jare opa amboai Amalec iñemuña reta.

1 SAMUEL 15:9

Jare Saúl jare isundaro reta mbaetɨ oyuka Agag, jare vecha ikavigüe reta, jare mɨmba tuichagüe reta, jare mɨmba oyemongɨragüe reta, jare vecha kuimbae reta, jare opaete mbaembae ikavigüe, mbaetɨ oipota reta opa omboai; ërei opaete mbae ikavimbae jare pɨ̈chɨi vae reta opa omboai.

1 SAMUEL 23:21

Jare Saúl jei: —YandeYa tiporerekua peré, echa pe reta cheparareko.

1 SAMUEL 25:14

Ërei metei Nabal jembiokuai ojo jei Abigail, Nabal jembireko pe: —Ñuu güi David ombou ñee jerajaa omee vaerä tamaraeme yandeya pe, ërei jae oyemboarasɨ jare iñee kaviä chupe reta.