1 SAMUEL 14:45 - Biblia Guarani Tumpa Iñee

⁴⁵ Jayave opaete vae jei Saúl pe: —¿Omanota yera Jonatán opa ramo Israel jovaicho reta omoamɨri vae? ¡Agüɨye jökorai! YandeYa jee re, agüɨye metei ave ia toa iñäka güi ɨvɨ re, echa Tumpa iporomborɨ rupi ko jae oyapo jókuae. Jökorai sundaro reta güɨroasayepe mano güi Jonatán.

1 SAMUEL 14:45 ပူးပေါင်းရင်းမြစ်များ

2 SAMUEL 14:11

Ërei jókuae kuña jekuaeñoi jei ye: —Romoñera cheruvicha guasu, nemaendúa vaerä yandeYa Tumpa re, agüɨye vaerä kia imano re oyepɨ vae oyuka chemembɨ chegüi. Jare mburuvicha guasu jei: —¡YandeYa jee re, mbaetɨta nemembɨ iagüe ave oa ɨvɨ re!

1 REYES 1:52

Salomón jei: —Jeko kavi yave metei kuimbae ikavigüe rami, ngaraa oa metei ave ia ɨvɨ pe, ërei oñeväe yave jese ikavimbae, omanota.

2 CRÓNICAS 19:11

Mase, sacerdote tenondegua Amarías oïta tenondeguarä opaete yandeYa pe oyeokuai vae reta peguarä, jare Zebadías, Ismael taɨ Judá iñemuña itenondegua, oïta opaete mburuvicha guasu iparavɨkɨ re; jare levita reta oyeokuaita pemborɨ vaerä. ¡Peñemoäta ngatu peparavɨkɨ vaerä! ¡YandeYa oïta jókuae oparavɨkɨ kavi vae ndive!”

NEHEMÍAS 9:27

Jáeramo, opa remee jovaicho reta ipo pe, jare jae reta oiporarauka chupe reta. Ërei mbɨatɨtɨ pe ma ñogüɨnoi yave, oyerure reta ndeve, jare nde ndeporoparareko yae jeko pegua reendu chupe reta ara güi; remee kuimbae oporoepɨ vae reta, güɨroasayepe vaerä jovaicho reta güi.

ISAÍAS 13:3

Tumpa jei: Aenɨi ma chesundaro reta, jëia vae reta, oyeparavogüe reta, cheporomoamɨri re oyerovia vae reta, amondo oyapo reta vaerä cheporonupa.”

San Mateo 10:30

Echa pea reta ave ko Tumpa oikuaa, mbovɨ ko penoi peäka re vae.

San Lucas 21:18

Ërei ngaraa metei ave pea okañɨtei.

Hechos 14:27

Jare yogüeru oväe yave, Pablo jare Bernabé omboatɨ oporogüɨrovia vae reta, jare imiari chupe reta opaete Tumpa oyapo mbae tuichagüe jae reta ndive vae, jare kërai Tumpa omee judiombae vae reta pe oporogüɨrovia vaerä.

Hechos 15:12

Jayave opaete yatɨ vae reta kïrii, jare oyeapɨsaka Bernabé jare Pablo jei vae re. Jae reta imiari chupe reta opaete mɨakañɨ reta tuichagüe Tumpa oyapo jae reta rupi judiombae vae reta ipɨte rupi vae.

Hechos 21:19

Jare opa ma maraetei oyapo yave, Pablo imiari chupe reta kërai jae rupi Tumpa jeta mbae oyapo judiombae vae reta ipɨte pe.

Hechos 27:34

Jáeramo che pomoñera pekaru, pepɨ̈rata vaerä. Echa ngaraa metei pea ave okañɨ peäka güi.

Romanos 15:18

Chemiarita Cristo oyapo che rupi vae reño. Kërai judiombae vae reta iñeereendu vaerä. Kuae ayapo chemiari jare ayapo reve;

1 Corintios 3:9

Echa ore ko roparavɨkɨ Tumpa ndive vae. Pe reta ko jae temitɨ Tumpa iko pegua rami, jare metei o Tumpa omopüa oï vae rami.

2 Corintios 6:1

Ore roparavɨkɨ Tumpa peguarä. Jáeramo pomoñera agüɨye vaerä peyuvangaiño Tumpa ipɨakavi re.

Apocalipsis 17:14

Kuae reta oñerarota Vecha kuimbae taɨrusu vae ndive; ërei Vecha kuimbae taɨrusu vae omoamɨri retata. Echa Vecha kuimbae taɨrusu vae jae ko Imbaepuere yae ete mbaepuere güɨnoi vae reta güi vae jare mburuvicha guasu reta Juvicha guasu, jare jae ndive ñogüɨnoi vae, oñeenɨi vae reta, oyeparavogüe jare jupi vae reta.”

Apocalipsis 19:14

Jare jeta yae vae araɨgua jemimonde lino ikavigüe vae, tïiasɨ jare ikɨambae vae reta yogüeru jaɨkue kavayu tïi vae reta re.

1 SAMUEL 11:13

Ërei Saúl jei chupe reta: —Kuae ara mbaetɨ eteita kia omano, echa kuae ara yandeYa ko güɨroasayepe Israel iñemuña reta, jovaicho reta güi.

1 SAMUEL 14:23

Jökorai jókuae ara yandeYa güɨroasayepe Israel iñemuña reta jovaicho reta güi, jare oñoraro reta ojoi oväe Bet-avén pe.

1 SAMUEL 14:46

Jare Saúl mbaetɨ ma oaɨkuemoña filisteo reta; jare filisteo reta opa yogüɨraja ye jëta kotɨ.

1 SAMUEL 19:5

Jae oñemoëgua ko mano pe oyuka yave filisteo Goliat, jare yandeYa güɨroasayepe Israel iñemuña reta jókuae ara jovaicho reta güi, nde etei reecha jare reyerovia remae jese. ¿Maera pa reipota reyuka jekombae reve? ¿Remomburu David mbaetɨ reve oñeväe teko jese?