1 SAMUEL 14:44 - Biblia Guarani Tumpa Iñee

⁴⁴ Jare Saúl jei: —¡Tumpa täta toiporarauka cheve, mbaetɨ remano yave Jonatán!

1 SAMUEL 14:44 ပူးပေါင်းရင်းမြစ်များ

GÉNESIS 38:24

Jare mboapɨ yasɨ jaɨkue rupi omombeu reta Judá pe, jei reve: —Tamar, nderaɨ amɨri jembirekogüe iyaguasa, jáeramo ipurúa añave kuae oyapo jeko pegua. Judá jei: —¡Penoe jare peapɨ!

2 SAMUEL 12:31

Jare jókuae tëta pegua reta opa güɨnoe güɨraja omombaravɨkɨ siera pe, mbae oyembopiriri pɨpe vae jiero pegua jare yɨɨ jiero pegua pe, omombaravɨkɨ reta vi ladrillo oyapo vaerä. Jökorai vi oyapo opaete ïru tëta guasu reta, Amón iñemuña reta jëta guasu reta. Javoi oyerova ye opaete isundaro reta ndive Jerusalén kotɨ.

2 SAMUEL 12:5

Jayave David iyarasɨ yae ete jókuae kuimbae kotɨ, jare jei Natán pe: —¡YandeYa jee re, kuae nunga oyapo vae, jupi ko omano vaerä!

2 SAMUEL 19:13

Jare oyókuai vi jei vaerä Amasa pe: “Nde cherëtara ete kavi ko, jayave añave güive nde reïta chesundaro reta itenondegua eterä, Joab jekovia pe. Jare mbaetɨ jökorai ayapo ndeve yave, Tumpa täta toiporarauka cheve.”

2 SAMUEL 3:9

¡Tumpa täta toiporarauka cheve mbaetɨ yave ayapo David pe, Tumpa güɨrökuavee jee re ae chupe vae,

PROVERBIOS 25:16

Ei reväe chupe yave, agüɨye jeta ete jeu, agüɨye vaerä jeta ete reu yave nemogüëe.

JUECES 11:35

Jayave, jae oecha yave tayɨ, omondoro jemimonde jei reve: —¡Cherayɨ, tuicha chembopɨatɨtɨ! ¡Nde etei reyu chepɨatɨtɨrä, echa añererökuavee ko yandeYa pe, jókuae ambopota ko chupe!

RUT 1:17

Nde remanoa pe, che tamano jare joko pe tañeotɨuka; yandeYa täta toiporarauka cheve asɨrɨ ko ndegüi yave, jaeño mano ipuere yandembosɨrɨ oyougüi.

1 SAMUEL 14:39

¡YandeYa Israel iñemuña reta oepɨ vae jee re tae: Yepe tëi cheraɨ ko Jonatán, ërei iyoa ko yave, tomano! Jare mbaetɨ etei kia ave yepe iñee omoë chupe.

1 SAMUEL 25:22

¡Tumpa täta toiporarauka cheve pɨareve oime yave aeya kia nunga kuimbae jekove reve Nabal jëtara güi!”

1 SAMUEL 3:17

Jare Elí jei: —¿Mbae pa jei yandeYa ndeve? Romoñera agüɨye vaerä reikuaku chegüi. ¡Tumpa täta toiporarauka ndeve, reikuaku yave chegüi opaete mbaembae jei ndeve vae!