1 SAMUEL 14:37 - Biblia Guarani Tumpa Iñee

³⁷ Jayave Saúl oparandu Tumpa pe: —¿Chepuere pa aporepeña filisteo reta re? ¿Remeeta pa Israel iñemuña reta ipo pe? Ërei yandeYa mbaetɨ mbae jei chupe jókuae ara.

1 SAMUEL 14:37 ပူးပေါင်းရင်းမြစ်များ

2 SAMUEL 5:19

Jayave David oparandu yandeYa pe jei reve: —¿Aëta pa añoraro filisteo reta ndive? ¿Remoamɨriuka retata pa cheve? Jayave yandeYa jei chupe: —Eë chupe, echa ameeta ndepo pe, remoamɨri reta vaerä.

2 SAMUEL 5:23

Jare David oparandu kuae regua yandeYa pe yave, jae jei chupe: “Agüɨye ekua jóvai kotɨ rupi, ekua ikupe kotɨ rupi chupe reta, ɨvɨra iyaɨsɨ vae reta jenda re katu eë chupe reta.”

1 REYES 22:15

Javoi ou mburuvicha guasu jóvai, jare oparandu chupe: —Micaías, ¿jaekavi pa roporepeña vaerä tëta Ramot, ɨvɨ Galaad pe, ani mbaetɨ pa? Micaías jei: —Peporepeña jese, jare remoamɨrita, echa yandeYa omeeta ndepo pe.

1 REYES 22:5

Ërei tenonde eparandu räri yandeYa pe, jaekavi ra ko kuae vae.

EZEQUIEL 20:3

“Nde kuimbae, nemiari Israel iñemuña itenondegua reta pe, ere chupe reta: ‘YandeYa Tumpa jei Körai: ¿Peyu pa peparandu cheve? Che jae cheyé aeño peve, ngaraa aendu peve.’

JUECES 1:1

Josué omano güire, Israel iñemuña reta oparandu yandeYa pe oikuaa reta vaerä kia nunga ñemuña ra tenonde oyeupita ojo oñeraro cananeo reta ndive.

JUECES 20:18

Jaɨkue rupi opüa Israel iñemuña reta jare yogüɨraja Bet-el pe, jare oparandu reta Tumpa pe, jei reve: —¿Kia räri pa oregüi reta tenonde ojota oñeraro Benjamín iñemuña reta ndive? Jare yandeYa jei chupe reta: —Judá räri tojo tenonde.

JUECES 20:28

jare sacerdote Finees, Eleazar taɨ, Aarón jɨmɨmino oyapo mbaravɨkɨ jókuae ara), jei reta chupe: “¿Rojo yeta pa roñeraro orerëtara Benjamín iñemuña reta ndive ani mbaetɨta pa?” Jare yandeYa jei chupe reta: “Pekua, echa pɨareve che opata amee pepo pe.”

1 SAMUEL 10:22

Jare oparandu reta ye yandeYa pe, mbaetɨño ra ou oväe jókuae kuimbae joko pe. Jare yandeYa jei: “Oime kuae pe oñemi oï voɨta pɨte pe.”

1 SAMUEL 23:2

Jare David oparandu yandeYa pe jei reve: —¿Ajata pa añeraro filisteo reta ndive? Jare yandeYa jei chupe: —Ekua eñeraro jare eepɨ tëta guasu Keila.

1 SAMUEL 23:4

Jayave David oparandu ye yandeYa pe, jare yandeYa jei: —Epüa jare ekua Keila pe, che ameeta ndepo pe filisteo reta.

1 SAMUEL 28:6

Jayave oparandu yandeYa pe; ërei yandeYa mbaetɨ omombeu chupe mbaɨu rupi, Urim rupi, ani ñeemombeúa reta rupi ave.