1 SAMUEL 14:33 - Biblia Guarani Tumpa Iñee

³³ Jare omombeu reta Saúl pe: —Sundaro reta iyoa yandeYa kotɨ, echa jou reta ñogüɨnoi soo jugüɨ reve. Jayave Saúl jei: —¡Pe reta ko jae peikuaa reve peyoa vae! Pemboyapayere añave peru cheve metei ita tuicha vae.

1 SAMUEL 14:33 ပူးပေါင်းရင်းမြစ်များ

GÉNESIS 9:4

Ërei agüɨyeta peu soo jugüɨ reve. Echa jugüɨ re ko oï jekove.

LEVÍTICO 17:10

Oipotagüe kuimbae Israel iñemuña reta güi ani ketɨgua reta yogüɨreko pepɨte pe vae güi jou yave tugüɨ, che tayovaicho jókuae tugüɨ jou vae ndive, che tamombo ete kavi jëtara reta ipɨte güi.

LEVÍTICO 19:26

Agüɨye peu soo jugüɨ reve. Agüɨye pembaekuaa, ani pemomora peikuaa vaerä mbae maratuta vae.

LEVÍTICO 7:26

Jaeramiño vi oipota rupi peikoa rupi, agüɨye peu güɨra reta jugüɨgüe ani mɨmba reta jugüɨgüe.

LEVÍTICO 7:27

Oipotagüe jou yave mbae nunga tugüɨ, toyemombo ete kavi jëtara reta ipɨte güi.”

San Mateo 7:5

¡Jova mókoi vae! Eekɨ räri ɨvɨra nderesa güi. Jayave reecha kavita ndepuere vaerä reekɨ ɨtɨ michi vae nerëtara jesa güi.

Hechos 15:20

Ërei toyekuatía chupe reta, agüɨye vaerä oyemongɨa tumpa-raanga reta pe mbae oñererökuavee vae rupi, aguasa pe jare mɨmba oyeyuvɨgüe isoo, jare mbaerugüɨ, jare agüɨye vaerä oyapo aguasa.

Romanos 2:1

Jáeramo nde kuimbae: “Mbaetɨ aikuaa” rere rapeä ko. Echa nde remboeko yave ïru vae, reyemboeko vi ko nde aeño, echa nde reporomboeko vae, teko iyapoa vi ko.

DEUTERONOMIO 12:16

Jaeño ete jugüɨgüe agüɨye peu, pepɨyere ɨvɨ re ɨ rami.

DEUTERONOMIO 12:23

Jaeño agüɨye peu jugüɨgüe, echa tugüɨ jae ko tekove, jayave agüɨye peu soo tekove ndive.

DEUTERONOMIO 15:23

Jaeño ete agüɨye peu jugüɨ, pepɨyere ɨvɨ pe ɨ rami.

1 SAMUEL 14:34

Jaeramiño vi pemombeu peïru reta pe, pere chupe reta togüeru metei ñavo kuae pe iguaka ani vecha, pe reta peyuka vaerä peu, agüɨye vaerä peu soo jugüɨ reve, jare peyoa yandeYa kotɨ. Jókuae pɨ̈tu metei ñavo güeru itoro, jare oyuka joko pe.