1 SAMUEL 14:23 - Biblia Guarani Tumpa Iñee

²³ Jökorai jókuae ara yandeYa güɨroasayepe Israel iñemuña reta jovaicho reta güi, jare oñoraro reta ojoi oväe Bet-avén pe.

1 SAMUEL 14:23 ပူးပေါင်းရင်းမြစ်များ

2 REYES 14:27

YandeYa mbaetɨ jei opa vaerä omokañɨtei Israel jee kuae ɨvɨ güi; jáeramo oepɨ reta Jeroboam, Joás taɨ rupi.

1 CRÓNICAS 11:14

jae reta oyemboɨ kó mbɨte pe jare oporoepɨ, opa omoamɨri filisteo reta. Jökorai yandeYa omee oporomoamɨri reta yae vaerä.

2 CRÓNICAS 32:22

Körai yandeYa oepɨ Ezequías jare Jerusalén pegua reta, Senaquerib mburuvicha guasu Asiria pegua imbaepuere güi jare opaete ïru reta ipo güi, jare omee mbɨakatu rupi yogüɨreko vaerä opaete iyɨvɨrigua reta ndive.

ÉXODO 14:30

Jökorai jókuae ara yandeYa güɨroasayepe Israel iñemuña reta Egiptoɨgua reta güi; jare Israel iñemuña reta oecha Egiptoɨgua reta jëogüegüe ɨguasu jembeɨ rupi.

OSEAS 1:7

Ërei Judá pegua reta re anoita mboroparareko, jare che peYa Tumpa aepɨta; mbaetɨta aepɨ güɨrapa rupi, ani kɨsepuku rupi, ani ñeraro rupi, ani sundaro kavayu regua reta rupi.”

DEUTERONOMIO 20:4

echa yandeYa Tumpa ko ojo pe ndive, oñoraro vaerä peré perovaicho reta ndive, pereroasayepe vaerä.’

JOSUÉ 7:2

Jaɨkue rupi Josué omondo kuimbae reta Jericó güi tëta Hai, Bet-avén iyɨpɨ pe oï vae pe, Bet-el güi kuaraɨ oëa kotɨ; jei chupe reta yogüɨraja vaerä omae jókuae ɨvɨ re. Jare jae reta opa yogüɨraja omae tëta Hai re.

JUECES 2:18

YandeYa omopüa yave mburuvicha, jae oï jókuae mburuvicha ndive, jare jae oepɨ Israel iñemuña reta jovaicho reta güi opaete ara oikove oiko ramboeve jókuae mburuvicha. YandeYa oiparareko omae jese reta, echa omoäse jovaicho reta oiporarauka chupe vae jare ombopɨatɨtɨ vae.

1 SAMUEL 10:19

Ërei añave pe reta peröɨro peTumpa, opaete mbɨatɨtɨ jare mbaeporara reta güi peñovatu vae, echa peiporu peruvicha guasurä. Añave, peyemboatɨ yandeYa jóvai, peñemuña ñavo rupi jare peñoëtara vae ñavo rupi.

1 SAMUEL 13:5

Jayave filisteo reta oyomboatɨ oñeraro vaerä Israel iñemuña reta ndive. Oyomboatɨ treinta mil käretou ñeraro pegua, seis mil kuimbae kavayu regua reta, jare jeta kuimbae reta, ɨ jembeɨ pe ɨvɨkuitï jeta yae vae rami; jare oyeupi reta jare oyembojeyupa reta Micmas pe, Bet-avén güi kuaraɨ oëa kotɨ.

1 SAMUEL 9:16

“Pɨareve koyave etei, che ambouta ndépɨri metei kunumi Benjamín iñenuña reta iɨvɨ kotɨ güi, jae reiparavota Israel iñemuña reta pe mburuvicharä jae oepɨta chembae vae, filisteo reta ipo güi; echa aiparareko amae jese reta, jäse aendu jeko pegua.”