1 SAMUEL 14:18 - Biblia Guarani Tumpa Iñee

¹⁸ Jare Saúl jei Ahías pe: —Eru Tumpa ikäjou cheve. Echa jayave rupi oimeño Tumpa ikäjou Israel iñemuña reta ndive.

1 SAMUEL 14:18 ပူးပေါင်းရင်းမြစ်များ

2 SAMUEL 11:11

Jare Urías jei David pe: —Tumpa ikäjou jare sundaro reta Israel jare Judá pegua ñogüɨnoi o guakapi pegua peño; cheruvicha Joab jare ndesundaro reta ñogüɨnoi ikatu pe eteiño; jaema che, ¿këraita pa aike chero pe, akaru vaerä jare aaɨu jare ake cherembireko ndive? ¡Nderé re ko cheruvicha, ngaraa jókuae ayapo!

NÚMEROS 27:21

Jare tojo sacerdote Eleazar jóvai, jae toparandu cheve Urim rupi. Josué tomee mborookuai, jae iporookuai rupi opaete mbae toyeapo.

JUECES 20:18

Jaɨkue rupi opüa Israel iñemuña reta jare yogüɨraja Bet-el pe, jare oparandu reta Tumpa pe, jei reve: —¿Kia räri pa oregüi reta tenonde ojota oñeraro Benjamín iñemuña reta ndive? Jare yandeYa jei chupe reta: —Judá räri tojo tenonde.

JUECES 20:23

Echa Israel iñemuña reta yogüɨraja oyaeo yandeYa jóvai pɨ̈tu regua, jare oparandu reta yandeYa pe, jei reve: “¿Rojo yeta pa roñeraro orerëtara Benjamín iñemuña reta ndive?” Jare yandeYa jei chupe reta: —Pekua ye chupe.

1 SAMUEL 14:17

Jayave Saúl jei isundaro reta jae ndive ñogüɨnoi vae reta pe: —Peyopapa jare pemae kavi, oime ra kia yandepɨte güi ojo vae. Javoi oyopapa jare omae kavi reta yave oata Jonatán jare jembiporu ñeraro pegua ivoɨa.

1 SAMUEL 14:36

Kuae jaɨkue rupi Saúl jei: —Yagüeyɨ kuae pɨ̈tu ñaporepeña filisteo re, jare opa ñapɨ̈ro mbaembae chugüi köe regua, opaetei yayuka reta. Sundaro reta jei: —Eyapo jaekavita ndeve vae. Ërei sacerdote jei: —Ndei mbae oyeapo mbove yaparandu Tumpa pe.

1 SAMUEL 23:9

Ërei David oikuaa yave Saúl oyemongeta kaviä ikotɨ, jei sacerdote Abiatar pe, güeru vaerä temimonde iyɨvambae sacerdote pegua oparandu vaerä Tumpa pe.

1 SAMUEL 5:2

jare güɨroike reta Tumpa ikäjou itumpa Dagón tupao pe, jare oñono reta Dagón iyɨpɨ pe.

1 SAMUEL 7:1

Jayave yogüeru Quiriat-jearim pegua reta jare güɨraja yandeYa ikäjou, jare oñono reta Abinadab jo jɨsɨ re oï vae pe. Jare oiparavo reta taɨ Eleazar oyangareko vaerä yandeYa ikäjou re.